7. मापरु याकूब के वर देला

जैबे पिलामन बड़े होयलाय,याकूब के घरने रबार नगत लागला, मातर एसाव के जनावर मन के पारदी करबार भायला। रिबका याकूब के मया करला, मातर इसाक एसाव के मया करला।

गोटक दिने, जैबे इसाक पारदी जाई लैवटी आयला हाँय कूबे भूख लागला। एसाव याकूब के बोलला, जोन तुई राधली आस हाँय तानले किडिकमा खायबा काचे मोके दे। याकूब जबाब देला, पहिले मोके ये बाधा कर किपहिल बेटा होयबा कारण तोके सबू वस्तु मिरुआय हाँय सबु के तुई मोके देबिस। तैबे एसाव हाँय वस्तु के याकूब के देबार बाधा करला। तैबे याकूब ताके खायबा काचे देला।

इसाक एसाव के वर देबार मन करबार आय मातर, एतार पहिले हाँय असन करला, रिबका आवरी याकूब, याकूब के एसाव बनायकरी हाके ठगलाय। इसाक डोकरा रला, आवरी द्खके ना सकबार आय।ऐइकाचे याकूब एसावर पटई के पिन्दला आवरी चेलीर खाला के आपनार टोढरा आवरी हाथमन ने लटकायला।

याकूब इसाक लगे आयला आवरी बोलला, मुई एसाव आय। मुई ऐइकाचे आयलीआची तुई मोके वर देस। जैबे इसाक चेलीर बाल के चियला आवरी पटई के सुघला, तैबे हाँय विचार करला ये एसाव आय, आवरी ताके वर देला।

एसाव याकूब के घृणा करला, कसन बोलले याकूब हातार पहिल बेटार हक के धरला हातार संगे हातार आशीर्वाद के पने धरला। तैबे हाँय हातार बाबर मोरलार पाछे, याकूब के मरबा काचे विचार करला।

मातर रिबका एसावर विचार के जानला। ऐईकाचे हाँय आवरी इसाक याकूब के हातार लोक बाक सगे रबा काचे कुबे दूर पाटायदेला।

याकूब कूबे बरस तक रिबकार लोकबाक सगे रला। हाँय समया ने हाँय विहा होयला, आवरी हातार बारा बेटा के आवरी गोटक बेटी पायला। मापरू ताके कुबे सौकार बनायला।

बीस बरस तक कनान देश ने आपनार घर ले दूर रबार पाछे, याकूब आपनार परिवार, आपानर कमियामन, आवरी आपनार जनावरर सबु समूह सगे हाँय ताने लैवटी आयला।

याकूब ऐइकाचे भय करी रला कसन बोलले, हाँय सुरता करला की एसाव येबे पने मारबा काचे होयसी आचे। ऐइकाचे हाँय भेट रूप ने जनावर समूह के एसाव लगे पोटायला।जोन कमिया हाँय झुण्ड के नेही रला। हाँय बोलला, “तोर दास याकूब” ये जनावर मन के तोके देयसी आचे, हाँय जपके आयसी आचे

मातर एसाव येबे याकूब के नसायबार ना होयते रला। हाँय याकूब के दखी करी कुबे हरिक रला। ऐतार पाछे याकूब कनान देश ने शांति ने रला। आवरी इसाक मरी गला, आवरी याकूब आवरी एसाव ताके माट्टी देलाय। जुबानर सत जोन मापरू अबराहम सगे करी रला येबे इसाक सगे याकूबर लगे आयला।