6. मापरु इसाक काचे जुगाड़ करुआय

जड़कदाय अबराहम कूबे डोकरा होई रला, तेबे तार बेटा इसाक गोटक मुनुक अडक उमरर होई रला। ऐईकाचे अबराहम आपनार गोटक कमिया के आपनार बेटा इसाक काचे हाँय देश ले गोटक बायले आनबा काचे पोटायला। जोन ताने तार लोक बाक रबार आत।

गोटक कुबे दूर गलार पाचे, अबराहमर सेवक हाँय देश ने गला जोन ताने अबराहमर लोक -बाक रबार आत। मापरु ताके बाट द्खायला, हाय रिबका के भेटो। हाँय अबराहमर भाईर पोती रला।

रिबका आपनार परिवार के छाड़ी करी हाँय कमिया सगे लैवटी जिबाकाचे तियार होयला। जसन हाँय केटला इसाक ताके विहा करला।

कुबे दिनर पाछे, अबराहम मरी गला तेबे मापरू अबराहमर बेटा इसाक के वर देला, कसन बोलले मापरु अबराहम जुबान देई रला। हाँय जुबान ताने मापरुर गोटक सत रला। अबराहम के हिसाब करके ना सकलामा वश होयसी। मातर इसाकर बायले रिबका के सन्तान ना होयलाय।

इसाक रिबका काचे पारतना करला, आवरी मापरू ताके जुड़वाँ पिला तार पेट ने रलाय। रिबकार पेट ने पिलामन मारामारी होयते रलाय, ऐइकाचे जोनपने होयते रला रिबका मापरू के सागला।

मापरु रिबका के बोलला, तुई दुयटा बेटा के जनम देबीस, तिकर वश ने दुयटा उजवा -उजवा जाति होयबाय। हाँय मन ऐतार -हातार सगे झगड़ा होयबाय मातर बड़े बेटार ले होयबार जाति के शुरू बेटार आयबार जातिर आज्ञा के मानके पड़सी।

जड़कदाय रिबका पिलामन के जनम देला, तेबे बड़े बेटा लाल आवरी रुआं रला। आवरी हाँय मन तार नाव एसाव सोगायलाय। तेबे शुरू बेटा एसावर लेड़ी के धरी करी जनमला आवरी हाँय मन तार नाव याकूब सोगायलाय।