5. किरिया करलार बेटा

अब्राम आवरी सारार कनान देश केटलार दस बरसर पाछे, ऐबेले पने तिकर कोनी सन्तान ना रलाय। ऐईकाचे अब्रामर बायले सारा ताके बोलला, “ दख मापरू ऐबे तक मोके सन्तान ना देला आचे। आवरी मुई सन्तान जनमायबा काचे कूबे डोकरी होयली आची। ऐबे सुन मोर दासी हाजिरा ऐ लगे आचे, ताके पने विहा हो हाँय मोर काचे गोटक सन्तान जनम देयसी।

तेबे अब्राम हाजिरा सगे विहा होयला, हाजिरा के गोटक बेटा होयला। अब्राम तार नाव इश्माएल सोगायला, मातर सारा हाजिरा के कूछर होयला। जड़कदाय इश्माएल 13 बरसर रला मापरु आवरी अब्राम के गोटायला।

मापरु बोलला, सर्व शक्तिमान मापरु आय। मुई तोर सगे गोटक जुबान दरबी, तेबे अब्राम भूई ताने गसरी करी दंडवत करला, मापरु अब्राम के ये पने बोलला, तुई कूबे जाति मनर बाबा होयबीस मुई तोके आवरी तोर वश के तिकर निजर भूई होयबा काचे कनान देश देबी आवरी मुई सदा काचे तिकर मापरु होयबी। तोके आपनार घरर सबु मुनुक मनर खतना करबार आय।

तोर बायले सारे गोटक बेटा जनम देयसी हाँय जुबान देलार बेटा होयसी तार नाव इसाक सोगाव। मुई तार सगे मोर जुबान के सोगायरबी आवरी हाँय गोटक बड़े जाति बनी जायसी। मुई इश्माएल के पने बड़े जाति बनायबी। मातर मोर जुबान इसाक सगे रयसी तेबे मापरू अब्रामर नाव गुचायकरी अबराहम बनायला। जाहर अरत आय। कूबेर बाबा, मापरू सारे नाव पने गुचाय करी सारा बनायला जाहर अरत आय “मूलमाता”।

हाँय दिने अबराहम अपानार घरर सबु मुनुक मनर खतना करला अनुमान ने गोटक बरसर पाछे, जेबे अबराहम 100 बरसर उमर होई रला, आवरी सारा 90 बरसर रला। तेबे सारा अबराहमर बेटा के जनम देला। जसन मापरु हाँके बोली रला। हाँय मन तार नाव इसाक सोगायलाय।

जेबे इसाक जुहान होयला, तेबे मापरु अबराहम के विशबासर परिकिया करला।मापरु बोलला, ” तोर ऐकला बेटा के धर आवरी ताके मोर काचे बलि कर आवरी मारी देस।, तेबे अबराहम मापरुर आज्ञा मानला। आवरी आपनार बेटा के बलि देबा काचे तियार करला।

जेबे अबराहम आवरी इसाक बलि करबार जगा ने गलाय तेबे इसाक पोछारला, हे बाबा हामार लेगे बलि बलिदेबा काचे धारु तो आचे, मातर बलि देबा काचे मेंडा निआय। अबराहम जबाब देला, हे मोर बेटा मापरू बलि करबा काचे मेंडार जुगाड़ करसी।

जड़कदाय बलि देबार जागा ने केटलाय, तेबे अबराहम के बांधिकारी वेदी उपरे सुआय देला। हाँय आपनार बेटा के मारबा काचे होई रला, आवरी मापरु बोलला, “तेब।” पिला के ना नसाव, अबर मुई जानली तुई मोर भय मानुहास कसन बोलले, तुई आपनार ऐकला बेटा के पने मोर काचे बाचाय ना सोगायलीस।

हाँय लगे अबराहम गोटक मेंढा के दाखला हाँय बूटाताने लटकी रला। इसाकर बालदा बलि देबा काचे मापरू मेंढार जुगाड़ करी रला। अबराहम हरिक -हरिक मेंढार बलि करला।

तेबे मापरू अबराहम के बोलला, तुई मोर काचे सबु देबा काचे इच्छा करूआस, तोर गोटक बेटा के पने देबा काचे होयलीस ऐईकाचे मुई तोके वर देबार जुबान देबी आची। तोर वश बादरीर ताराले पने कूबे होयबाय। कसन बोलले तुई मोर आज्ञा मानुआस, ऐईकाचे मुई तोर परिवारर दवारा मजपुरर सबु जाति कूल के वर देबी।