9. मापरु मूसा के आग देला

युसुफर मोरलार पाछे, तार सबु मिसर देश ने रलाय हाँय आवरी तार वश कुबे बरस तक मिसर देश ताने रलाय। आवरी हाँय मन कुबे सन्तान पायलाय, हायमन इसराइली बोलाय होयलाय।

कतक बरसर पाछे, इसराइलर संख्या कुबे होयलाय। आवरी मिसरर लोक ये गोट काचे राजी ना रलाय कि तिकर सहायता करबा काचे, युसुफ कुबे काम मन करी रला। हाँय मन इसराइल लोक के डरलाय कसन बोलले हाँय मन तिकर ले कुबे रलाय।ऐईकाचे हाँय समयाने मिसरर ताने राज करबा काचे फिरौन इसराइल लोक के कमिया बनायरला।

मिसरर लोक इसराइल मन के कुबे घर मन आवरी कुबे नगर बनायबा काचे विबस करलाय। हाँय हरबर काम तिकर जीबन के दुखी बनायदेला मापरू तीके आशीर्वाद देला आवरी तिकर कुबे सन्तान होयलाय।

फिरौन दखला इसराइल लोक के कुबे सन्तान होयसी आचे।ऐईकाचे हाँय आपनार लोक के इसराइल लोकर सबु नर बेटामन के नील नदी ताने फोकाय करी मारबा काचे आदेश करला।

गोटक इसराइली बायले गोटक बेटा के जनमदेला। हाँय आवरी तार मुनुक जतक तिकर ले होयला हाँय पिला के लुकाय रलाय।

जैबे हाँय पिलार आया -बाबा ताके आवरी कुबे ना लुकाय के सकलाय। तैबे हाँय मन मारबा तानले बाचायबा काचे गोटक पोंहरबा गोफा ताने नील नदीर रेटे बूटा -लाटार मोजी ने सोगाय देलाय। पिलार बड़े बहिन ये दखबा काचे हातार हेराटाका करते रला कि हातार सगे काय होयसी।

फिरौनर बेटी हाँय गोफा के दकी करी हातार भीतरे ओंजारला। जैबे हाँय गोटक पिला के दखला, तैबे हाँय ताके आपनार पिला रूप ने धरला।हाँय गोटक इसराइली बायले के ताके गोरस खुयाबा काचे सोगायला, ऐ ना जानी करी कि हाँय पिलार सगा माय आय। जैबे हाँय पिला बड़े होयला, येबे ताके तार मायर गोरस खायबार ना रला।तैबे हाँय ताके फिरौनर बेटी लगे लैवटाय देला, तार नाव मूसा रला।

गोटक दिने जैबे मूसा बड़े होई रला, तैबे हाँय दखला गोटक मिसरी गोटक इसराइली के मारसी आचे। मूसा आपनार संगी इस्राइली के बाचायबा काचे होयला।

जैबे मूसा विचार करला हाके कोनी ना दखेत बली हाँय मिसरी के मारी देला, आवरी तार मरला गागर के थोपी देला। मातर मूसा जोन करी रला, ताके दखी रलाय।

फिरौन राजा जानला कि मूसा काय करला आचे। फिरौन ताके मारबा काचे होयला, मातर मूसा मिसर देश ले झार ने परायला। फिरौनर सिपाई ताके डगरायके ना सकलाय।

मिसर देश ले कुबे दूर झार ताने मूसा गोटक चरवाह होई रला। मूसा हाँयताने गोटक बायले के विहा करी आवरी दुयटा बेटा होई रला।

मूसा आपनार सतरार चेली, मेनडीर, रासी के दखबार आय। गोटक दिने हाँय गोटक जोयदरबार बूटा के दखला, मातर लाकड़ी ना होयते रला आवरी बूटा ने जोय धरते रला। हाँय दखबा काचे हाँय बूटा लगे गला।जैबे हाँय हातार कुबे लगे रला तैबे मापरू ताके गोटायला।हाँय बोलला “हे मूसा” आपनार चप्पल के निकराव तुई गोटक पवितर जगा ताने टीयां उटली आस।

मापरू बोलला, मुई मोर लोकर दुःख के दखली आची। मुई तोके फिरोन लगे पोटायबी आची, तुई इसराइली लोक के मिसर देशर कमिया ले छाड़ाय आन मुई तीके कनान देश, हाय देश मुई, अबराहम, इसाक, आवरी याकूब, सगे सत् करली आची।

मूसा पोचारला, मातर लोक मन जानबा काचे होयले मोके कोन पटायला आचे तैबे मुई काय बोलबी? मापरू बोलला, “मुई कोनी पने आय मातर मुई आय” तीके बोल, “मुई आय” मोके तोमर लगे पटायला आचे। तीके ऐपने बोल, मुई तोमर पूरबर लोक, अबराहम, इसाक, आवरी याकूबर मापरू यहोवा आय। मोर नाव सदा ले आचे।

मूसा डरते रला, आवरी फिरौन लगे ना जिबाकाचे होयते रला। कसन बोलले विचार करला, मुई अछा गोटायके ना सकी, ऐईकाचे मापरू मूसार भाई, हारून के तार संग देबा काचे पटायला।