35. दयालु बापर कतानि

गोटक दिन, यीशु हाय बहुत लोकमन के सिक्षा देते रेलाय जोन हातार सुनबा काछे रुंडी रेलाय। ए लोकमन चुंगी धरबा आवरी तार संगे दूसरा लोक बी रेलाय जोनमोन मुसार व्यवस्थार पालन करबार पर्यास ना करी रेलाय।

केतक धर्मी अगुवेमन दखलाय कि यीशु ए लोकमन ले गोटक संग लोक पारा गोटायते रये। हायकाछे हायमन एक दुसर के एटा बोलबार आरंभ करलाय कि गलत करसी आचे। यीशु हायमनर गोटायबाटा सुनलाय, हायकाछे हाय हाके मनके ए कतानी सांगलाय।

“गोटक माने रेला जार दुई टा पीला रेलाय। सान पीला आपनार बाबा के बोलला, ‘ए बाबा, मोके एबे मोर बाटा चाइए !’ आवरी बाबा आपनार दुई टा पीलामनर बिचने आपनार संपत्तिर भाग करी देला।”

“झटके आका सान पीला आपनार सोबू रुंडआय करी दूरर देशे चले गला आवरी पापी जीवन जींबा आने आपनार सोबू धन के बर्बाद करी देला।”

“हातार पाचे, जोनती सान पीला रेला हाय देश आने गोटक भयंकर अकाल पोढला, आवरी हातार लगे भोजन घेनबा काछे धन ना रये। हायकाछे हाके जोन काम मिलला हाय बरियामन के चरायबाराय। हाय एतक दुखी आवरी भूके रये कि हाय बरियामनर भोजन खायबार चाएते रेला।”

“कायकाछे बोलले, हाय सान पीला आपने आप सोचला कि, “मुय काय कार्बी आची ? मोर बाबार सोबू कोमीया मन लेगे खायबा काछे बहुत आचे, पाचे बी मुय एथाने भूका मोरबी आची। मुय आपनार बाबा लगे आपिस जीबी आवरी आपनार बाबा के गोटक कोमीय बनबा काछे हाके बिनीति कार्बी।”

“आवरी हाय सान पीला आपिस आपनार बाबार घर बाते जिबार आरंभ करला। जेबे कि हाय एबे दूर ना रलाय, हातार बाबा हाके दखलाय आवरी हातार उपरे जीव दुखला। हाय पोलाय करी आपनार पीला लगे गला आवरी हाके गले लगाय करी चुमला।”

“हाय पीला बोलला, ‘ए बाबा, मुय मापरूर बाटे तोर विरुद्ध पाप करलियाची। मुय तोर पीला होयबार लायक बी नियाय। ’”

“मातर बाबा आपनार गोटक कोमीया के बोलला, ‘झटके जायकारी सबले अच्छा पोती आन आवरी मोर पीला के पिंदाओ ! हातार आंड्की आने मुंडी पिंदा आवरी हाटर गोड़े जूता पिंदाओ। पाचे सबले अच्छा मेंड़ी मारा ताकि हामी खायबू आवरी सर्दा बनायबू, कायकाछे कि मोर पीला मोरी जाई रये, मातर एबर हाय जीवित आचे! हाय हाजी जायी रये, मातर एबे हामी हाके पायलु !’”

“हायकाछे लोकमन सर्दा बनायबार आरंभ करलाय। केतक समय जिबा के, बड़े पीला बेड़ाए काम करी घरे आयलाय। हाय संगीत आवरी नाचबार आवाज़ कि सुनला आवरी भकुआ होयला कि ए काय होयसी आचे।”

जेबे बड़े पीला के जान पड्ला कि हायमन ए काछे सर्दा बनायबा आचेत कायकाछे कि हातार भाई घरे आयलाय, तो हाय बहुत रिशा होला आवरी घर भीतरे ना आयला। हातार बाबा बारे आसिकरी हाके हाकर मन संगे सर्दा बनायबा काछे आमंत्रित करलाय, मातर हाय हाके माना करला।”

“हाय बड़े पीला आपनार बाबा के बोलला, ‘ए सारा बोरस मुय तोर काछे अच्छा ले काम कर्ली ! केबे बी तोर बात के ना माना कर्ली, मातर तुय केबे मोके गोटक सान मेंड़ी बी ना देलीस कायकाछे कि मुय आपनार संग मनर संगे दावत करके सकबी। मातर तोर ए पीला तोर धन के पापी काम करबाती बर्बाद करी देला। आवरी जेबे-जेबे हाय आयला तो हातार काछे सर्दा बनायबा काछे तुय सबुले अच्छा मेंड़ी के मारी देलीस !”

“बाबा उत्तर डेलाय, ‘ए मोर बेटा, तुय सोबुदाय मोर संगे आचीस, आवरी जोन सोबू मोर आय तोर आय। मातर हामर काछे सर्दा बनायबाटा अच्छा कायकाछे कि तोर भाई मोरी जायी रये, मातर एबे हाय जीवित आचे। हाय हाजी जायी रये, मातर एबे हामी हाके पाएलू!”