36. ईशुर ऊजा रूप धरला

गोटक दिन, यीशु आपनार तीन चेलामनके, पतरस, याक़ूब आवरी यूहन्ना के आपनार संगे नेलाय। (ए यूहन्ना नामर चेला हाय माने नुआय जोन यीशु के बपतिस्मा दी रलाय। ) हायमन पराथना करबा काछे गोटक ऊंचा परबत आने गलाय।

जेबे यीशु पराथना करते रये तो हातार मुह बेल पारा उजल होय गला। हातार पोटी उजल पारा धोब होय गला, जसन पृथबी आने कोनी करके साकेत हातार ले बी अदिक धोब।

तेबे मूसा आवरी एलियाह भविष्यवक्ता परकट होयलाय। ए मानेमन ई पृथबी आने ए समय ले सैकड़ों बोरसर पएले रेबा राय। हायमन यीशु ले हातार मोरबार विसय ने कथा होयलाय, कायकाछे की हाय जल्दी ही येरूसलेम आने मोरी जायसी।

जेबे मूसा आवरी एलियाह यीशु ले कथा होयते रेलाय तेबे पतरस यीशु के बोलला, “हामर काछे ए थाने रेबार अच्छा आय। हामी तेन टा मंडप के बनायबू, गोटक तोर काछे, गोटक मूसा काछे, आवरी गोटक एलियाह काछे।” मातर पतरस ना जानी रये की हाय काय करते रये।

जेबे पतरस कथा होयते रये, तो गोटक चमकदार बादली टिकर उपरे असि करी छाई गला। पाचे हायमन बादली उपरले गोटक आवाज़ के आयबाटा सुनलाय। हाय बोलला, “एटा मोर बेटा आय जाके मुय प्रेम करू आय। मुय हातार ले सर्दा आची। हातार सुना।” हाय तीन चेला डरी गलाय आवरी माटी आने सोयी देलाय।

तेबे यीशु हाके मनके छींला आवरी बोलला, “ना डरा। उठा।” जेबे हायमन चरो बाते दखलाय, तो हाय लगे जोन सोबू रेलाय हाय यीशु रेलाय।

यीशु आवरी हाय तीनों चेलामन परबत ले तले उतरी आयलाय। तेबे यीशु हायमन के बोलला, “ एबे जोन सोबू एथाने होयला हातार कथा काकी बी ना सांगा। मुय झटके मोरी जीबी आवरी पाचे जीवित होय जीबी। हातार पाचे, तोमी लोकमन के सांगके पारास।”