5. किरियार बेटा
अबराहम आवरी सारा कनान केटलार दस बरस र बाद एबले बले तिकर कोनी पीला झीला ना रेलाय ई काचे अबराहम र बायले सारा हांके बल्ला काय काचे कि मापरु एबले मोके पीला झीला जल्मायबाय ने पक्का ना करला आचे ? आवरी एबे मुई पीला झीला जल्मायबा काचे कुबे डोकरी आची। दक मोर बुता करबा बीती हाजिरा ए लगे आचे, हांतार ले बोले बिया कर कि हांय मोर काचे गोटक पीला झीला जल्माय के सको।
ई काचे अबराहम हाजिरा के बिया होयला आवरी हाजिरा के गोटक पीला जलम्ला आवरी अबराहम हांतार नाव इस्माएल सोंगायला मातर सारा हाजिरा के कुचर होयके लागला। जड़कदाय इस्माएल तेरा बरसर रेला मापरु आवरी अबराहम के गोटायला।
मापरु बल्ला मुई सबुले जादा बोपू मापरु आंय। मुई तोर संगे गोटक किरिया करबी। तेबे अबराहम भुई ने घसरी करी पांय पोड़ला, मापरु अबराहम के असन बले बल्ला तुय कुबे जातीर बुआ होयबीस। मुई तोके आवरी आवरी तोर बंसज के तिकर निज भुई होयबा काचे कनान देस देबी आवरी मुई सबु दाय काचे तिकर मापरु होयबी। तोके तोर घर र सबु माने मनर खतना करबार आय।
तोर बायले सारा गोटक पीला जलम्सी हांय बायदा र पीला होयसी हांतार नाव इसहाक सोंगाव। मुई हांतार संगे मोर किरिया के बनायकरी सोंगायबी आवरी हांय गोटक बड़े जाती बनी जायसी। मुई इस्माएल ले बले गोटक बड़े जाती बनायबी मातर मोर किरिया इसहाक संगे रयसी। तेबे मापरु अबराम र नाव अबराहम सोंगायला एतार अरथ आय, कुबे लोक र बाप। मापरु सारा र नाव के बले बदली करी सारा सोंगायला बलले मुर आया।
हांय दिने अबराहम हांतार घर र माने मनर खतना करला। उनापुरा गोटक बरस र पाचे जड़क दाय अबराहम 100 बरस र रेला आवरी सारा 90 बरस र रेला तेबे सारा अबराहम र बेटा के जल्मायला। जसन मापरु हांके बोली रेला हांय मन हांतार नाव इसहाक सोंगायलाय।
जड़क दाय इसहाक धान्गडा होयला तेबे मापरु असन बली करी अबराहम र बिस्वास र परीक्छा करला तोर गोटकीच बेटा के धर आवरी हांके मोर काचे जतरा करी मारी देस। आवरी अबराहम मापरु र गोट के मानला आवरी हांतार बेटा के जतरा करबा काचे तियार करला।
जड़क दे अबराहम आवरी इसहाक जतरा करबा जागा बाटे जायते रेलाय तेबे इसहाक पचारला, ए बाबा हामर लगे जतरा काचे दारु आचे मातर जतरा करबा काचे मेंडा कोण लगे आचे ? अबराहम बल्ला ए मोर बेटा मापरु जतरा काचे मेंडा देयसी।
जड़क दाय हांय मन जतरा करबा जागा ने केटलाय तेबे अबराहम इसहाक के बांदी करी बेदी उपरे सुआयला। हांय हांतार बेटा के जतरा करबा काचे होई रेला कि मापरु बल्ला, ठेब पीला के नुक्सान ना केटाव एबर मुई जानी गली कि तुई मोके डरुआस काय काचे कि तुई तोर गोटक बेटा के बले मोर ले बाचाय करी ना सोंगायलीस।
हाँई लगे ची अबराहम गोटक मेंडा के दकला, जोन लाटा बूटा ने फसी रेला। इसहाक र बदला जतरा काचे मापरु मेंडा देला। अबराहम हरिक हरिक मेंडा के जतरा करी देला।
उत्पत्ति अध्याय 16-22 बाइबलर एक कतानी
तेबे माप्रू अबाहम के बोलला, “तुई मोर काचे सोबू देबा काचे तन्द्रा रलिस, निजर गोटोक पीला के बी देबा काचे तिआर रेलीस, तेबे मुई तोके आशीर्वाद देबा काचे किरिया करबी आची. तोर पुरखा बादली आनर तारा मोन ले बी अधिक होएबाए. कसन बोलले तुई मोर कता के मनलिश हाईटा काचे मुई तोर परिवार द्वारा सोबू फूल मोन के आशीर्वाद देबी.
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।