6. मापरू इसहाक काछे इंतेजाम करूआय
जड़कदाय अबराहम खुबे डोकरा होई होयला तेबे हांतार बेटा इसहाक गोटोक मानेर उमर होयला ई काचे अबराहम हांतार गोटक सेवक के हांतार बेटा इसहाक काचे हांय देस ले गोटक बायले आनबा काचे पटायला जोंति हांतार लोक रेलाय।
जोंति अबराहम र लोक बाक रेलाय, हांय देस के जीबा काचे निकरला। आवरी खुबे दूर गला मापरु हांय सेवक के रिबका ले भेट करायला हांय अबराहम र भाई र नातिनी रये।
रिबका हांतार लोक बाक के छाड़ी करी हांय सेवक संगे जीबा काचे मानी गला। जसन हांय केटला इसहाक हांके बिया होयला।
कुबे दिनर पाचे, अबराहम मोरी गला। तेबे मापरु अबराहम र बेटा इसहाक के अबराहम संगे खाई रेला किरिया र लागी आसीस देला। हांय किरिया मापरू र गोटक किरिया रेला कि अबराहम र बंस अनगिनित होयबाय। मातर इसहाक र बायले रिबिका के पीला झीला ना होयते रेला।
इसहाक रिबका काचे पारथना करला आवरी मापरु हांके जुड़वा पीला के पेटे रेबार सकत देला। जड़क दाय हांय पीला मन रिबका र पेट ने रेलाय हांयमन आपस ने झगड़ा करबार, ई काचे जों बोले होयते रेला, रिबका मापरु के सांगी देला।
मापरु रिबका के बोलला, तुय दुयटा बेटा के जल्मायबीस। हांतार बंसज दुयटा अलग अलग जाती बनायबाय। हांय मन एक दुसर ले झगडा होयबाय मातर बड़े ले जलम्बा बीती जाती के छोटे बेटा ले जलमबा बीती जाती र आगंया मान्बार होयसी।
जड़क दाय रिबका के पीला मन जलमलाय, बड़े बेटा लाल आवरी खुबे बाल बीता रये, आवरी हांय मन हांतार नाव एसाव संगायलाय। तेबे छोटे बेटा एसाव र लेडी के दरीकरी जलमला आवरी हांय मन हांतार नाव याकूब संगायबाय।
उत्पत्ति अध्याय 24:1-25:26 बाइबलर एक कतानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।