7. मापरू याक़ूब के आशीर्वाद देऊआय
जड़क दाय हांय पीला मन बड़े होयलाय, तेबे याकूब के घरे रेबार अच्छा लागला मातर एसाव के जानवर के सिकार करबाटा भायला। रिबिका याकूब के मया मातर इसहाक याकूब के मया करते रेला।
गोटक दिने जड़कदाय एसाव सिकार करी आपस आयला, तेबे हांय कुबे भूके रेला। एसाव याकूब के बोलला, जोन तुई रांदली आस हांयती ले किनीकपरा भात मोके देस। याकूब बल्ला, आगे मोके ए किरिया कर कि पईलात होयबार कारण ले सबु तीज जोन तोके मिलबार आय हांय सबु तुई मोके देस, आवरी एसाव हांय सबु के याकूब याकूब के देबार किरिया करला। तेबे याकूब हांके किनीकपरा भात देला।
इसहाक एसाब के आशीष देबाकाचे होएते रहे। मातर एतार ले पहले की हाय असन करता, रिवका आवरी याकूब ने याकूब के इसाब होयबार दोंग करी करी हातार संगे धोखा करलाय। इसहाक बुढा रला आवरी एबर दखके ना सकते रये, ई काचे याकूब एसाबर पटी पिन्दला आवरी मेडीर खाल के अपनार तोडराए आवरी हाथ ने लेपटाए देला।
याकूब इसहाक लगे आयला आवरी बोलला मुई इसाब आय। मुई ई काचे आयली आची की तुई मेक आशीर्वाद दे। जड़कदाय इसहाक मेंडार बाल के महसूस कारला आवरी पटी के सुंगला, तेबे हाय सोचला की हाय इसाब आय आवरी ताके आशीर्वाद देला।
एसाब याकूब के कुचर होयला कायकाचे की याकूब हातार पहला बेटा के अधिकार के आवरी सोंगे ही हातार आशीष के बोले चोरला आवरी हाय हातार बापर मोरलार बाद याकूब के मारबार योजना बनायला।
मातर रिवका एसाबर योजना के सुनिरला। ई काचे हाय आवरी इसाक याकूब के हातार लोकबाक संगे रेबा काचे कुबे दूर पठाय देलाय।
याकूब कुबे बरस तक रिवकार लोकबाक संगे रेला हाय हाय समयर दवारान हाय बिया कारला आवरी बारा पिला आवरी गोठक टोकी के जन्मायला मापरु हाके कुबे सोहकार बनायला।
बीस बोरस कनान ताने अपनार घर ले दूर री करी, याकूब हातार लोकबाक, हातार सेवक, आवरी अपनार जानवर सबू संगे हायती आपस आयला।
याकूब ई काचे कुबे दरी रला कायकाचे की हाय सोचला की एसाब ऐबे बोले हाके मारबार चाहते रये। ई काचे हाये उपहार सोरूप जानवर जुंड के एसाब लगे पटायला जोन सेवक हाई जुंड के दरी करी गलाय हायमन बोल्लाय, तोर दास याकूब, ई जानवर मन के तोके देयसी आचे हाय जपके आयसी आचे।
मातर एसाब एबर याकूब के नुकसान केटाबार ना चाहते रला। एता रलादाय हाके गोठकहार आवरी दखलाके कुबे खुस रला। हातार बाद याकूब कनान आने शान्ति पूर्वक रेला। पाचे इसहाक मरिगला आवरी याकूब आवरी एसाब हाके तोपलाय। किरियार किरिया मन जोन मापरु अब्राहम के करी रलाय हायटा एबर इसहाक ले याकूब आने आईगला।
उत्पत्तिअध्याय 25:27-35:29 बाइबलर एक कतानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।