9. मापरू मूसा के डाकूआय

यूसुफर मरलार बाद हातार सबू लोकबाक मिस्र ने बसिगालाय। हाय आवरी हातार वंशज कुबे बोरस तक मिस्र ने ही रेलाय आवरी हाय मन कुबे पिला झिला उत्पन करलाय। हाय मन इसरायली बोलाय होयलाय।

कोनी सौ बोरासर बाद, इस्राएलियोर हिसाब कुबे बड़ी जाई रेला। आवरी मिस्र लोक एबर ई गोट काचे आभारी ना रहेत तिकर हातार सान्ग रेबकाचे युसूफ कुबे काय – काय करला। हाय मन इस्राएली मनले डरीगलाय काय काचे की हाय मन हिसाब ने हाय मन ले कुबे ज्यादा रहेत। ई काचे हाय दाय मिस्र ने सासन करबा बीती फिरौन इस्राएलियो के मिस्रियोर दास बनाय देलाय।

मिस्रियों इस्राएलियो के कुब सारा इमारत आवरी एतारे बले कुबे नगरो के बनाएबा काचे मजबूर कारला। हाय कठिन महनत हाय मनर जीवन के बड़े दुःख दाई बनाय देलाय, आवरी हायमनर आवरी कुबे संताने उत्पन्न होयलाय।

फिरौन दखला कि इस्राएलियोंर कुबे संताने उत्पन्न होयते रलाय। हाई काचे हाय हातार लोक मन के सबू नर पिला टोकी के नील नदीने पकाय करी मारी देबार हुकुम देलाय।

गोठक विशेष इस्राएली बायले गोठक नर पिला के जनम देलाय। हाय आवरी हातार मुनुस द्वारा जतक हाय मनले होयके सकला हाय पिला के लुकाय करी सोंगायलाय।

जड़कदाय हाय पिलार माँ बाप हाके आवरी कुबे ना लुकायके सकलाय, तेबे हाय मन ताके मरबाले बाचायबा काचे गोठक पोहरबा बीती टुकना ने नील नदीर चेदे सरकंडोर मजी गता सोंगाय देलाय। हातार बड़े बहिन इता देखबा काचे हातार नगरीन करला हातार संगे काय होयसी।

फिरौनर बेटी हाय टुकना के दकिकरी हातार बितरे ओंजार्ला। जड़कदाय हाय गोठक पिलाके दकला तेबे हाय हाके हातार पिलार रूप ने दरला। हाय गोठक इस्राएली बाएले के हाके दूध पिलायबाकाचे कामने सोंगायलाय, ना जानीकरी कि हाय हाय पिलार असली माँ रहे। जड़कदाय हाय पिला अतक बड़े होइगला कि एबर हाके हातार माँ र दूधर काम न रलाय तेबे हाय फिरौनर बेटी लगे हाके आनिदेला हातार नाम मूसा रेला।

गोठक दिने, जड़कदाय मूसा बड़े होई जाई रला, तेबे हाय दखला कि गोठक मिस्र गोठक इस्राएली के मारते रेला, मूसा हातार साथी इस्राएली के बाचायबार कोशिश करला।

जड़कदाय मूसा सोचला की हाके कोनी ना दकलाय तेबे हाके हाय मरते मारी देलाय आवरी हातार सव के तोपी देलाय। मातर मूसा जानटा करिरलाय हाके कोनी दकिरेला।

फिरौन जानी गला कि मूसा काय करला आचे। हाय हाके मारबार कोशिश करला, मातर मूसा मिस्र ले भागी गला। फिरौनर सैनिक हाके हायती डगरे ना सकेत।

मिस्र ले दूर झार आने मूसा गोठक चरायबा बिता बनी जाइरेला। हाय हायती गोठक बायले के बिया करी रेला आवरी दुइटा बेटा जनामाय रेला।

मूसा हातार सतरा के भेड़ो के जुंड दकते रेबाराय। गोठक दिन, हाय गोठक जलबा बीती बूटा के दखला जोन बस्म न होय आपनी दालाते रेला। गाय दाखबार काचे हाय हाय बूटा लेगे गला। जड़कदाय हाय हातार कुबे लगे रहे तेबे मापरु हाके गोठायलाय, हाय बोल्ला, “ हे मूसा, तोर जूता के निकरा तुई गोठक पवित्र जगाने टीया आचिस।

मापरु बोलला, “मुई मर लोक के दुःखो के दकली आची। मुई तोके फिरौन लगे पतायबी काय काचे कि इस्राएलियों के मिस्र के दासत्व तानले निकराय अनो मुई हाके कनान देश देबी, हाय देश जाहर मुई अब्राहम, इसाक, आवरी याकूब के किरिया करी रेली।

मूसा पचारला, “ अगर लोकमन जानबार चाएंले मोके कोन पोठायला आचे तेबे मुई काय बोलबी ? “ मापरु बोलला, “ जोनटा मुई आय हाईटा मुई आय। हाय बोलला, “ मुई आय ने मके तोमर लगे पोटायला आचे। हाय ऐ बोलते बोलला, ‘ मुई तोमर पूर्वज अब्राहम, इसाक, आवरी याकुबर मापरु या यहोवा आय। मोर ई नाम सबूदाय काचे आचे।”

मूसा डरते रहे आवरी फिरौन लगे जिबार ना चाहते रे काय काचे कि हाय सोचला कि हाय अच्चा नाई बोलके पारसी, के हातार सहायता करबा काचे पोटायलाय।