24. यूहन्ना यीशु तैं बपतिस्मा दींद

एलिशिबा अर जकर्याह कु नौंनो यूहन्ना, बड़ों हवे के एक भविष्यवक्ता बंणि गै। उ जंगल मा रांदो छो, अर जंगली शौत अर टिड्डियों तैं खांदु छो, अर ऊँट का बाल का बंणयां कपड़ा पैरदु छो।

भौत सा लोग यूहन्ना की बातों तैं सुनणु कु जंगल मा निकली ऐनी। वेल यु बोलि के प्रचार कैरी, "पापों बट्टी पश्चताप कैरा, किलैकि स्वर्ग कु राज्य नजीक च!"

जब लुखुं ल यूहन्ना का प्रचार तैं सूंणि, त ऊं मा बट्टी भौतों ल अपड़ा पापों बट्टी पश्चताप कैरी, अर यूहन्ना ल ऊं तैं बपतिस्मा दींनि। यूहन्ना तैं दिखणु कु भौत सा धार्मिक अगवा भि ऐनी, पर ऊल अपड़ा पापों कु पश्चताप या पापों तैं नि मांणी।

यूहन्ना ल धार्मिक अग्वों बट्टी बोलि, "हे जहर रखण वला गुरों! पश्चताप कैरा अर अपड़ा बरतौ तैं बदली द्या। पिता परमेश्वर हर वे डाला तैं काट डललो, अर उ ऊं तैं आग मा झोंकि दयुलो।" जु भविष्यवक्ता ल बोलि छो यूहन्ना ल वे तैं पूरो कैरी, "देख, जल्दी ही मि तेरा अगनै रैबार भिजण वला तैं भिजुलु जु त्वे कु रास्ता बंणालो।"

कुछ धार्मिक अगवों ल यूहन्ना बट्टी पूछि कि क्य उ मसीह च। यूहन्ना ल जवाब दींनि, "मि मसीह नि छो, पर उ मेरा बाद आंणु च। उ इथग महान च कि मि वेका जुतों का फीता खुलण का लैक भि नि छो।"

हैंका दिन, यीशु बपतिस्मा लींणु कु यूहन्ना मा ऐ। जब यूहन्ना ल वे तैं देखि, त बोलि, "देखा! पिता परमेश्वर कु चिनखो जु दुनिया का पापों तैं उठै के जांणु च।"

यूहन्ना ल यीशु बट्टी बोलि, "मि त्वे तैं बपतिस्मा दींण का लैक नि छो। यांका बदला जरूरी च कि तु मि तैं बपतिस्मा दे।" पर यीशु ल बोलि, "त्वे तैं मि तैं बपतिस्मा दींण चयणु च, किलैकि कनु कु सै काम यु ही च।" तब यूहन्ना ल वे तैं बपतिस्मा दींनि, जबकि यीशु ल कभि कुई पाप नि कैरी छो।

बपतिस्मा दिये जांण का बाद जब यीशु पांणी बट्टी भैर ऐ, त पिता परमेष्वा कु आत्मा कबूतर का रूप मा प्रगट हवे अर मूड़ी ऐ के वे पर ठैरी गै। वे ही बगत, पिता परमेश्वर ल स्वर्ग बट्टी बोलि कि, "तु मेरु नौंनो छै। मि त्वे बट्टी प्रेम करदु, अर मि त्वे बट्टी भौत खुश छो।"

पिता परमेश्वर ल यूहन्ना बट्टी बोलि छो, "पवित्र आत्मा मूड़ी ऐ के कै पर ठैरी जालो जै तैं तु बपतिस्मा दीलि।" उ ही मेरु नौंनो होलो पिता परमेश्वर एक ही च। पर जब यूहन्ना ल यीशु तैं बपतिस्मा दये, त वेल पिता परमेश्वर तैं बात करदी सूंणी, नौंना ल परमेश्वर तैं देखि, जु कि यीशु च, अर वेल पवित्र आत्मा तैं देखि।