25. शौतान यीशु की अजमेश करद

यीशु को बपतिस्मा हूंण का तुरंत बाद मा, पवित्र आत्मा वे तैं जंगल मा ली गै। यीशु उख चालीस दिन अर चालीस रातों तक छो। वे बगत वेल उपवास कैरी, अर शैतान ल यीशु मा ऐ पाप करवांणु कु वेकी अजमेश कैरी।

पैली शैतान ल यीशु बट्टी बोलि, "जु तु परमेश्वर कु नौंनो छै त यूं ढुंगों तैं रुठी बंणै दे कि तु ऊं तैं खै साक!"

पर यीशु ल शैतान बट्टी बोलि, "पिता परमेश्वर का वचन मा यु लिख्युं च, 'ज्यूंदो रांणु कु मनिख तैं बस रुठी की जरूरत नि च, पर ऊं तैं हर वीं बात की जरूरत च जु पिता परमेश्वर ऊं बट्टी बुल्दो च!'"

तब शैतान यीशु तैं मन्दिर का सबसे ऊँचा हिस्सा पर ली गै। वेल यीशु बट्टी बोलि, "जु तु पिता परमेश्वर कु नौंनो छै त इख बट्टी मूड़ी कूदी ज, किलैकि लिख्युं च, 'पिता परमेश्वर त्वे तैं उठांणु कु अपड़ा स्वर्गदूतों तैं आज्ञा दयालो कि तेरा खुटों पर ढुंगों ल चोट नि लगो।'"

पर यीशु ल उ नि कैरी जु शैतान ल वे बट्टी बोलि छो। यांका बदला वेल बोलि, "पिता परमेश्वर हर एक बट्टी बुल्द, 'तु प्रभु अपड़ा पिता परमेश्वर की अजमेश नि कैरी।'"

फिर शैतान ल वे तैं दुनिया कु सैरो राज्य दिखै। वेल यीशु तैं दिखै कि उ उ कथग तागतबर अर सम्पन्न छो। वेल यीशु बट्टी बोलि, "मि त्वे तैं यु सभि दये दयुलु जु तु घुंडा टेकी के मेरी आराधना कैर त।"

यीशु ल जवाब दये, "हे शैतान, मेरा समणी बट्टी चलि जा! पिता परमेश्वर का वचन मा उ लुखुं तैं आज्ञा दींद, ' बस अपड़ी प्रभु परमेश्वर की आराधना कैरा। पिता परमेश्वर का रूप मा बस वेको ही आदर कैरा।'"

यीशु ल शैतान की अजमेश बट्टी हार नि मांणी, इलै शैतान वेका समणी बट्टी चलि गै। तब स्वर्गदूत ऐ के यीशु की सेवाटहल कन लगि गैनी।