29. बेरहम नौकर की कथा

एक दिन, पतरस ल यीशु बट्टी पूछि, "हे स्वामी, जब मेरु भैय मेरा विरुद्ध म पाप करद त मि तैं अपड़ा भैय तैं कथग बार माफ कन चयणु च जब उ मेरा विपक्ष मा पाप कैरो त? क्य सात बार तक?" यीशु ल बोलि, "सात बार न, पर सात का सत्तर बार!" यांको मतलब छो, कि हम तैं हमेशा माफ कन चयणु च। तब यीशु ल या कथा बतै।

यीशु ल बोलि, "पिता परमेश्वर का राज्य एक राजा का जन च जु अपड़ा नौकरों बट्टी हिसाब लींण चांदु छो। वेको एक नौकर 2,00,000 साल की मजदूरी का एक बड़ा कर्ज कु कर्जदार छो।"

पर उ नौकर अपड़ा कर्ज तैं चुकै नि साकी, इलै राजा ल बोलि, "येकु कर्ज चुकांणु कु ये आदिम तैं अर येका परिवार तैं नौंकरों का रूप मा बेचि द्या।"

"वे नौकर ल राजा का समणी अपड़ा घुंडा का बल बैठी के बोलि, 'दया कैरी के मि पर कुछ धीरज रख, अर मि अपड़ा कर्ज की रकम कु पूरो भोरी दयुलु।' राजा ल नौकर पर दया कैरी, इलै वेल सैरा कर्ज तैं माफ कैरी दींनि अर वे तैं जांण दींनि।"

"पर जब वे नौकर भैर गै, त वे तैं एक दगड़िया मिली जु वेको चार मैना की मजदूरी कु कर्जदार छो। वे नौंकर ल अपड़ा दगड़िया नौकर तैं पकड़ी लींनि अर बोलि, 'जु ते पर मेरु कर्ज च मि तैं वापस कैर!"

"वे दगड़िया नौकर ल घुंडा टेकी के बोलि, 'दया कैरी के मि पर धीरज रख, अर मि अपड़ा कर्ज की पूरी रकम भुगतान कैरी दयुलु।' पर यांका बदला, वे नौकर ल अपड़ा दगड़िया नौकर तैं जेल मा डाली दींनि जब तक कि उ वे कर्ज कु भुगतान नि कैरी दयो।"

"जु कुछ हवे छो वे तैं हैंका नौकरों ल देखि अर उ भौत परेशान हवीनि। उ राजा म गैनी अर वे तैं सभि कुछ बतै।"

"राजा ल वे नौकर तैं बुलै के बोलि, 'हे दुष्ट नौकर! मिल तेरु कर्ज तैं इलै माफ नि कैरी छो कि किलैकि तिल मि बट्टी बिनती कैरी छै। त्वे तैं भि उन ही कन चयणु छो।' राजा इथग गुस्सा छो कि वेल दुष्ट दास तैं जेल मा डाली दींनि जब तक की उ अपड़ा सैरा कर्ज कु वापस भुगतान नि कैरी दयो।"

तब यीशु ल बोलि, "मेरु स्वर्ग मा बैठयां पिता परमेश्वर तुम मा बट्टी हर एक का दगड़ी इन ही करलो जु तुम अपड़ा भैय तैं अपड़ा दिल से माफ नि करदियां।"