31. यीशु को पांणी पर चलण

पांच हजार लुखुं तैं खांणु खिलांण का बाद, यीशु ल अपड़ा चेलों बट्टी नाव मा जांणु कु बोलि। यीशु ल ऊं तैं झील का दुसरा तरपां चलि जांण कु बोलि जबकि उ थोडा बगत कु उख ही ठैरी गैनी। तब चेला चलि गैनी अर यीशु ल वीं भीड़ तैं विदा कैरी कि उ अपड़ा घौर जौनु। यांका बाद, यीशु प्रार्थना कनु कु एक पोड पर चलि गै। उख उ अकेला ही छो, अर वेल देर रात तक प्रार्थना कैरी।

वे बगत, चेला अपड़ी नाव बट्टी जांणा छा, पर बथौं ऊंका विपरीत जोर से चलणी छै। भौत रात हवे जांण पर भि उ बस झील का छाला मा ही पौंछि छा।

वे बगत यीशु ल प्रार्थना कन खत्म कैरी अर अपड़ा चेलों मा वापस जांण शुरू कैरी। उ नाव का तरपां जांणु कु पांणी का मथी चलण लगी गै।

तब चेलों ल वे तैं देखि। उ भौत डैरी गैनी किलैकि ऊंल सोचि छो कि उ कुई भूत च। यीशु जंणदु छो कि उ डैरी गैनी, इलै वेल आवाज लगै के बोलि, "डैरा न, यु मि छो!"

तब पतरस ल यीशु बट्टी बोलि, "हे प्रभु, जु यु तु छै त मि तैं पांणी पर चलणु कु बोल।" यीशु ल पतरस बट्टी बोलि, "औ!"

तब पतरस नाव बट्टी उतरी गै अर यीशु मा जांणु कु पांणी पर चलण शुरू कैरी। पर थोड़ी देर मा जै के, वेल अपड़ा आंखों तैं यीशु बट्टी फिरै दींनि अर लहरों तैं देखि अर तेज बथौं तैं महसूस कन शुरू कैरी।

तब पतरस डैरी गै अर पांणी अर डूबण लगि गै। उ चिलै, "हे प्रभु, मि तैं बतौ!" यीशु ल वे ही अपड़ो हथ बढ़ै के वे तैं पकड़ी दींनि। तब वेल पतरस बट्टी बोलि, "तेरु विश्वास भौत कम च! अफ तैं ठिक रखणु कु तिल मि पर विश्वास किलै नि रखि?"

तब यीशु अर पतरस नाव पर चैढी गैनी, अर तुरंत बथौं बंद हवे गै। पांणी शांत हवे गै। चेलों ल चकित हवे के यीशु का अगनै घुंडा टेकी दींनि। ऊंल यीशु की आराधना कैरी अर बोलि, "सचि मा तु पिता परमेश्वर कु नौंनो छै।"