32. यीशु मदम आत्मई चंगुलन थिउरे मऊंर-ओ एक दुखोरि ज़लऊंर अइन करना असे
यीशु ओ यीशु कि च़ेल्ले एम्फ्यों किश्तिन तेस ठारियार गे ज़ेटि गेरासेनी मऊं बेशने थिये। तेने तेस ठारि अपरि किश्तिंञ ओसि गे।
तेटि एक मऊं थिया ज़े मदम आत्मे कि चंगुलन थिया।
इ मऊं एरा घाटे ताग्ती थिया कि केनी भि तेसर थमई नोटोरा थिया। कैत्तिया फेरा मऊंए तेसी हथ खुरोर शंञीं सा बनिया, पर से शञिंयोंर भि त्रोई बिज़ना थिया।
से मऊं तेस लाके मशंई लाके बेशना थिया। इ मऊं रात-दीन हउशुईला करना थिया। से डबूं न लयोना थिया होरेक खास अपींर रुणों सा घायल करना थिया।
से मऊं द्रो दी यीशु कच़ा आया होरेक तेसि अगरों ज़ानुई बले आया। च़े यीशुई तेसी अण्डीं कि मदम आत्मई सा गप्पा किया, “इस मऊं अण्डीं किंञ भईरीं निसि अई!”
से मदम आत्मा ज़ोरे हऊशुई, “हे यीशु, बदेओंञ मोड़ा परमेश्वरा कोआ, तेपां मूं सा खि कम? शबस करि मूर म सता!” च़े यीशुई तेस मदम आत्मइर पुछ़िया, “तेरा नाऊं खि भो?” तेनी जुवाब दिता, “मेरा नाऊं सेना भो, किसबोलि असे मस्स ज़ेंञ असु।” (रोमी सेनेन केत्तिया हजार सैनिको कि एक झुण्ड “सेना” भोना थिया।)
तेने मदम आत्मये यीशुर विनती किया, “शबस करि असोर इस ठारिंञ भइलिरि म बिज़!” तेट्ठीं कच़ा लाके सुअरो झुण्ड च़रिला थिये। तेरे तेने मदम आत्मये यीशुर विनती किया कि, “शबस करि असोर तेनो सुअरो-आरि बिज़ छ़ा!” “यीशुई बोलिया, “ठीक भो, तेनोंन उठि गाओ!”
च़े तेने मदम आत्मई तेस मऊंञ निसि तेनो सुअरो अण्डीं उठि गे। तेने सुअरो बदे घऊआ मुखंञ झीलन छ्व्वा दीकर मरि गे। तेस झुंडन केमेत दुई हजार सुअरो थिये।
तेटि सुअरो कि टहल करने मऊं थिये। ज़ेभि भूरा थिया ज़ेखेंईं तेने कइया त तेने नगरियारि नशि गे। यीशुई ज़े कियाति तेटि तेने बदेयोर बताया। तेस नगरी मऊं भयरीं निसि आये होरेक तेस मऊंर हेरिया ज़ेसी अण्डीं मदम आत्मा थिया। से शान्ति सा, डबूं लवी, होरेक आम मऊंआ घाटे बेठोरा थिया।
तेने मऊं डरोंआ डरोरे थिये होरेक तेने यीशुर उठि गईवे ओनि बोलिया। च़े यीशु पाईं कि किश्ती पुटि चढ़ि गिया। से मऊं ज़ेसी अण्डीं मदम आत्माओ थिए तेनी यीशु सा गईबे ओनि विनती किया।
पर यीशुई तेसर लाई, “न। हऊं चाहनूं कि तु घरे गई बदेओर बोल कि परमेश्वरे तेरा ओनि खि किया। तेनोर बता कि केरा परमेश्वरे तू पुटि दया कियाति।”
तेरे ए मऊं उठि गिया होरेक बत्तेयोर इस पाठि बताया ज़े यीशुई तेसी ओनि कियाति। तेसी कथा शुंईं बदे मऊं ठट्ट भुई गिउरे थिये।
यीशु झीला कि पारलिर पलाटुई गिया। यीशु कि तेटि अपरि पिच़ंञ, एक मोड़ा झुंड तेसी कच़ा-कच़ा ठोक्कन भुई तेसर च़िकिब ठारुए। तेस भीड़न एक ज़लऊं थी ज़ेसर बारा बरिउंञ रत बहिबे बिमारी थिया। तेनी अपां बदे धन-दौलत इलाज करनेओर दी बिदोरा थिया ताकि तेने तेस ठीक करि बटोरा लोई, पर तेसी रोग होरेक भि बिगड़ि गिया।
तेनी शूंरा थिया कि यीशुई केतेक्बा दुखोरे मऊंओर अइन किउरा थिया तेनी सोचिया, “मूंर पक्का पता असे कि अगर हऊं यीशु कि डबूंअरे छुंञूं त, हऊं अइन भूई गऊं!” तेरे से यीशु पिछ़ीं किंञ आई होरेक यीशु कि डबूंअर छ़ुञिंया। ज़ेरी तेनी डबूंअर पछ़ दिता, रत बहिबा बंदुई गिया।
तेखैईं, यीशुई ज़ाईं बिदा कि तेसी अण्डीं किंञ सामर्थ निथा। तेरे यीशुई पिछ़लिर फिरि पूछ़िया, “मूंर केनी छ़ुञिंया?” च़ेल्ले जुवाब दिता, “इटि एतेक बदे मऊंई तपीं फेरे भीड़ लवाओरा असे, होरेक तपींर घेरी असुन। च़ तेपें केरा पुछ़िया कि मूंर केनी छ़ुञिंया?”
से ज़लऊं यीशु समटे डकिला आई होरेक डरोंआ डरि कर ज़ानुई बले बेशि गेई। च़े तेनी बतई बिदा कि तेनी खि किया, होरेक इ भि कि से अइन भुई गेई। यीशुई तेसर लाई, “तेरा विश्वासे तुर अइन करि बिदा। शान्ति सा उठि ग।”
मती पाठ 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 च़ेक एक बाइबला कथा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।