31. यीशु पाईं पुटि हण्‍णा असे

पन हजार मऊंओर बगत खवई पिच़ंञ, यीशुई अपें चेल्‍लेओर पाईं कि किश्‍तीन चढ़िबेर बोलिया। यीशुई तेनोर झीला कि अइक हरोरिंञ उठि गईबेर बोलिया पर अपीं संञ तेट्ठीं बेठा। च़े च़ेल्‍ले उठि गे होरेक यीशुई मऊंओर बिदा किया, कि तेने एम्‍फ्‍यों घरेआरि उठि गाले। इस पिच़ंञ, यीशु प्रार्थना करिबे ओनी घउआरि ठो उठि गिया। तेटि अपीं एकेला थिया, होरेक तेनी तेटि रात पूरा प्रार्थना किया।

तेस्से मुके, च़ेल्‍ले पांईं कि किश्‍तिर च़लइला गाने थिये, पर ब्‍याना तेनोआरि च़ल। मस्स राति च़ेक भि तेने झीला कि आद बताए अपरोरे थिये।

तेस मुके यीशुई प्रार्थना करिबा छ़ोया होरेक अपें च़ेल्‍लेओ कच़ा गईबा च़ुक्‍फि किया। यीशु पांईं कि किश्‍तिआरि गईबे ओनि पांईं पुटि हणिंब ठारुआ।

च़े च़ेल्‍ले तेसर कईया। तेने डरोंआ डरि गे किसबोलि तेने च़ेतोरा थिया कि से कऊंआ शैतान भोआ। यीशुर पता थिया कि तेने डरि गिउरे थिये, तेरे तेनी तेनोर हक दी बोलिया, “डरो मांओ, इ हऊं भोऊं!”

च़े पतरसे यीशुआरि लाई, “हे प्रभु, अगर इ तपीं भोए त मूंर पांईं पुटि हणिं कर तपीं कच़ा अईबे हुकुम दे।” यीशुई पतरसर लाई, “अई!”

च़े पतरसे पांईं कि किश्‍तिंञ ओसिकर यीशु कच़ा गईबे ओनि पांईं पुटि हणिबा च़ुक्‍फि किया। पर अइदा दूरे अपरि, तेनी अपां टीरा यीशुंञ घिरई बिदा होरेक पांईं कि छव्‍ली हेरिबा-ओ बालुंइर महसूस करिबा च़ुक्‍फि किया।

च़े पतरस डरि गिया होरेक पांईंन डुबिब ठारुआ। से हऊशुआ, “हे प्रभु, मूंर बच़ा!” यीशुई तेस्‍से मुके हथ दी तेसर प्रई बिदा। च़े यीशुई पतरसारि लाई, “तेरा विश्‍वास डरोंआ थोड़ा असे! तूर बच़ई थेइबे ओनि तेंई मूं पुटि विश्‍वास किस न किया?”

च़े यीशु ओ पतरस पांईं कि किश्‍ती पुटि चढ़ि गे, होरेक तेरी ब्‍याना च़लिबा बंदुई गिया। पांईं धिप्‍पन भुई गिया। च़ेल्‍ले हैरान भुइकर यीशु अगरीं ज़ानु बले अइ गे। तेने यीशु कि अराधना किया होरेक बोलिया, “छ़ेच्‍चेईं कि तपीं परमेश्‍वरा कोआ भोई।”