17. दाऊद गा सेंग्गोन परमेश्वर गा वादा
शाऊल इस्राएल गा पेला राजा डा। डीच लम्बा एठा अच्छा डा, जैसा डी कुरकू चाहता डा म्यादम डेनोगोका। इस्राएल लिंजेन इकुगा शासन गा पेला चोटोका साल गेन शाऊल म्या अच्छा राजा डा। पेनो बादोन डीच म्या बुरा कोरो आरोएन डीचनी परमेश्वर गा बातो के बान आजुमडुका, इनिघल्जी परमेश्वर नी म्या अलग्गो कोरो के कलमकेनेच जो कि म्या दिन दियागा जागा लिंजेन राजा आरुवा।
परमेश्वर नी दाऊद जीमू गा म्या जवान इस्राएली कोरो के कलामटे म्या दिन शाऊल गा जागान राजा आरु गा घल्जी तैयार दडा सुरुके। दाऊद बैतलहम पूरा गा म्या ताठया डा। चोटोका टेमो लिंजेन, दाऊद नी कुला एठा बाणा बार्खिंज के भी घोच्केकु डा। चोयाकी दाऊद द्वारा रखवाली दडा टेमो दियागा बाटे गा मेंडाकु लिंजेन दिकुनी हमला डाके डा। दाऊद म्या नम्र एठा धर्मी कोरो डा। डीचनी परमेश्वर लिंजेन भरोसा डाके एठा दियागा बातो के मनातिंजे।
जब दाऊद आए जवान कोरो का डा, डीचनी लम्बा-चावडा गोलियत गा खिलाफ लड़ाई डाके। गोलियत म्या ठायका अच्छा सैनिक डा। डीच भेबाव मजबूत एठा अंदजोटे आफाई मीटर लम्बा डा! पेनो परमेश्वर नी गोलियत के घोगेज एठा इस्राएल के बबाचातिंज गेन दाऊद गा मदत डाके। येनेगा बादोन, दाऊद नी इस्राएल गा दुश्मनकु लिंजेन चोटोका बार जीटाऊ हसिलजे। दाऊद म्या खाट सैनिक आरोएन, एठा डीचनी घोनेचका लड़ाई गेन इस्राएली सेना गा अगुवाई डाके। कुरकू नी दियागा घोनेच बाडाई डाके।
कुरकू नी दाऊद टे येटो प्यार डाके कि शाऊल दियाटे जुलू लाज्जे डा। आखिरकार शाऊल डीचके घोगेज चाहता डा, इनिघल्जी दाऊद दियाटे एठा दियागा सैनिककु टे उखु गा घल्जी डोंगोरेन सळुजे। म्या दिन, जब शाऊल एठा दियागा सैनिक दाऊद के घगाटा लक्के डा मेटे शाऊल गुफा गेन ओले। इनी डीका गुफा डा डेन दाऊद उखुके मेना डा, पेनो शाऊल नी डीचके बान दोडुका। दाऊद शाऊल गा टाऊटे दियागा ठायका मेरान ओले मेना एठा दियागा कपळे टे म्या तुकळा गेटके। बादोन, जब शाऊल डी गुफा टे ओटजे मेटे दाऊद नी डीचके हाकोटे डी उठाके मिनी कपळे गा तुकळा के टिपीके। इनी रिती टे, शाऊल चिनाये कि दाऊद नी राजा आरुगा गा घल्जी डीचके घोगेजाटे बान मेंके।
थोडासा टेमो गा बादोन, शाऊल लड़ाई गेन गोएन, एठा दाऊद इस्राएल गा राजा आरोएन। डीच म्या अच्छा राजा डा, एठा कुरकू नी दियाटे प्यार डोके। परमेश्वर नी दाऊद के आशीषित डाके एठा डीचके सफल आरुकेनेच। दाऊद नी चोटोका लड़ाई लडातिंज्बे, एठा परमेश्वर नी इस्राएल गा दुश्मनकु के हरातिंज गेन दियागा मदत डाके। दाऊद नी यरूशलेम पूरा के जीटाटे डीके इकुगा राजधानी आरुके, देटेन दिकु थंदळके एठा राजो डावे। दाऊद चालीसो साल टाएन राजा थंदळके। इनी टेमो गा दौरान, इस्राएल शाक्ती एठा लाकपाती आरोएन।
दाऊद म्या मंदिर आरू चाहता डा देटेन सेबाई इस्राएली कुरकू परमेश्वर गा आराधना डाकि होना एठा डेगा घल्जी बलिदान पेळेचकी होना। अंदजोटे ४०० साल टे, दिकु मूसा गा आरुके मिनी मिलातिंजू मिनी डेरा गेन परमेश्वर गा आराधना दडा लक्के डा एठा दियागा घल्जी बलिदान पेपेळेज लक्के डा।
पेनो देटेन नातान जीमू गा म्या परमेश्वर गा कोनेटे मंडी मिठाच डा। परमेश्वर नी डीचके दाऊद टे इनी मंडी गा घल्जी कुल्केनेच: “आमनी घोनेच्का लड़ाई लड़ातिंज्बे होय, इनिघल्जी आम इंजा घल्जी इनी मंदिर के बान आरु। अमा कोण इनिके आरोएवा। तोभी, इंज आमके घोनेच्टेका आशीषित डाएवा। अमा म्या पिढी हमेशा गा घल्जी इंजा कुरकू लिंजेन राजा गा रुपो गेन राजो दडावा।” हमेशा गा घल्जी राजो दडा मिठाच डीच दाऊद म्याका पिढी मसीह डा। मसीह परमेश्वर गा कलमके मिंकू कुरकू डा जो दुनिया गा कुरकू के दिकुगा पापोटे बचातिंज्कुवा।
जब दाऊद नी नातान गा खाबोर के आजुम्के मेटे डीचनी परमेश्वर गा धन्यवाद डाके एठा दियागा स्तुति डाके। परमेश्वर दियागा प्रतिष्ठा के खाडे लक्के डा एठा डीचके घोनेच्का आशीषनौर जे लक्के डा। बेशक, दाऊद बान हाडाई डा कि परमेश्वर इनी बातो चोला डाएवा। इनी टेमो आले हाडाई होय कि इस्राएली कुरकू के म्या लम्बा टेमो टाएन, अंदाजोंटे १००० साल टाएन मसीह गा हेजे गा राह दोडो होना।
दाऊद नी चोटोका साल टाएन न्यायपूराटे हेजा कुरकू लिंजेन राजो डावे। डीचनी खाट निष्ठा टे परमेश्वर गा बातो के मनातिंज्के एठा परमेश्वर नी डीचके आशीषित डाके। हालाकि, इकुगा जीवन गा आखरी गेन डीचनी परमेश्वर गा खिलाफ भायनक पापो डावे डा।
म्या दिन दाऊद नी हेजा महे लटे बल्ला डोके एठा म्या अच्छा तराई के अंगुच लठ्ठाका डोके। डीच डीचके बान हाडाई डा, लेकिन डीचनी मालूमजे कि दियागा जीमू बतशेबा डा।
हेजा नजर के इखाट गा बाजाए, दाऊद नी डीचके हेजा मेरान सगा घल्जी जेकाकेका कुल्केनेच। डीच दियागा सेंग्गोन गिटिचके एठा डीचके डाबोलटे कुल्केनेच। थोडा टेमो गा बादोन बतशेबा नी इनी मंडीटे दाऊद गा मेरान खाबोर कुल्के कि डीच लज्के होय।
बतशेबा गा सनाटे उरिय्याह जीमू गा म्या कोरो डा। डीच दाऊद गा कास सैनिककु तालाटे म्याखोम डा। इनी टेमो डीच लड़ाई दडा गा घल्जी बल्लान ओले मेना डा। दाऊद नी उरिय्याह के लड़ाई टे डाबोलटे हाकोटे डीचके हेजा जापाएटे गा सेंग्गोन थंदळ गा घल्जी मंडीके। पेनो अलग्गो सैनिक लड़ाई गेन डा इनिघल्जी उरिय्याह नी उरान सेनेटे बान मेंके। इनिघल्जी दाऊद नी उरिय्याह के डाबोलटे लड़ाई कुल्केनेच एठा सेनापति टे डीचके लड़ाई येनोगो जागान दोडो गा घल्जी मंडीके देटेन दुश्मन सेबाईटे शक्तिशाली होना ताकि डीच गोयु होना। मेटे येनोगो डाएन कि उरिय्याह लड़ाई गेन गोएन।
उरिय्याह गा लड़ाई गेन गुजू गा बादोन दाऊद नी बतशेबा टे ब्याह डावे। बादोन, डीचनी दाऊद गा कोंटे के जनम जीके। दाऊद नी जो डाके दियाटे परमेश्वर भेबाव खीजो के डा, इनिघल्जी डीचनी नातान परमेश्वर गा कोनेटे मंडी मिंकू के दाऊद के इनी घागल गा घल्जी कुल्के कि दियागा पापो चोटो बुरा डा। दाऊद नी हेजा पापो गा मन बदलाके एठा परमेश्वर नी डीचके मापोकेनेच। हेजा गा कास जीवन गेन, हेजा काठीन टेमो गेन भी दाऊद परमेश्वर गा टाऊ-टाऊ ओले एठा बातो के मनातिंज्के।
पेनो दाऊद गा कोंटे गोएन। इनी रितीटे परमेश्वर नी दाऊद के नंगा साब होळाकेनेच। येनेगा आलावा, दाऊद गा गुजू टाएन, दियागा परिवार गा अदा कुरकू नी दियागा खिलाफबेन लड़ाई डावे, एठा दाऊद गा हेजा शक्ति कामजे डा। पेनो परमेश्वर विश्वास लायको डा एठा आए भी डीचनी डी डाके जो डीचनी दाऊद टे दडा गा वादा डाके डा कि डीच डाएवा, भला का दाऊद नी दियागा पापो डावे डा। बादोन, दाऊद एठा बतशेबा गा दूसरा कोंटे डाएन, एठा दिकुनी दियागा जीमू सुलैमान डोके।
एल अध्याय १०; १५-१९; २४; ३१; २ शमूएल ५; ७; ११-१२ टे म्या बाईबल गा कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।