21. महा परबु किरिस्त किरिया करतोर

जिदलदाय महा परबु मंजपुर के बनालो तेबे हुन जानते रये की हुन पाचे कोनी दिन के मसीह के पटाउक पड़ेदे। हुन आदम और हव्वा ले किरिया करलो की हुन असनी करेदे। हुन बललो की हव्वा के गोटोक बंश जन्म धरेदे जोंन साँप के मुंडी के कुचलेदे। जोंन साँप हव्वा के धोखा दिलो हुन शेयतान रलो। महा परबु चो अरथ रली कि मसीह शेतान के हरायेदे।

महा परबू अब्राहाम ले किरिया करलो कि हुनचो बाटले जगत चो सब जाति मन आशीर्वाद पावदे। महा परबू पचे के कोनी बेरा बले मसीह के पठातो बाटले ए किरिया के पूरा करेदे। हुन मसीह जगत चो जमाय जाती ले लोग मनके हुनमन चो पाप ले छांडाएदे।

महा परबु मूसा ले किरिया करलो कि भविष्य ने हुन मुसा जसन गोटोक अगमज्ञानी के पठायेदे। ए अगमज्ञानी मसीह होयदे। ए रीति ले, महा परबू फेर ले किरिया करलो कि हुन मसीह के पठायेदे।

महा प्रभु राजा दाऊद ले किरिया करुन रये कि हुनचो गोटोक बंशज मसीह हौउआय। हुन राजा होयेदे आउर महा परबू चो लोग मन उपरे सदा काजे शासन करूआय।

महा परबु यिर्मयाह अगमज्ञानी ले गोठयालो आउर बललो की हुन गोटोक दिन नवा वादा करेदे। हुन नुवा वादा इसराएली मन संगे सिनै थाने बांधलो बीती जुना वादा जसन नी होयदे। जिदलदाय लोग मन संगे हुन आपलो नुवा वादा करेदे,तेबे हुन हुनमनचो उपरे आपन खुद चो असन परगट करेदे। जमाय लोग हुनचो ले मया संगादे आउर हुनचो व्यवस्था के मानदे। महा परबू बललो कि ए हुनचो व्यवस्थ के हुन मन चो हिरदय ने लिखुन दिलो जसन होयेदे।हुन मन हुनचो लोग होदे, आउर महा परबू हुन मन चो पाप मनके क्षमा करेदे। हुन मसीह होयेदे जोन हुन मन संगे हुन वादा के बांधेदे।

महा परबु के अगमज्ञानी मन के ए बले बलालो कि मसीह गोटक अगमज्ञानी होयेदे । गोटक अगमज्ञानी हुन लोग होऊआय जोन महापरबू चो वचन के सुनु आय और फेर लोग मन के महापरबू चो सुसमाचार के सुनाऊ आय । जोंनाके पठातो काजे महापराबू वादा करून रालो जोन मसीह गोटक नंगद अगमज्ञानी होयदे । माने कि हुन मसीह महा परबू चो सुसमाचार के नंगद सुनेदे , आउर हुन लोग मन के हुन सुसमाचार के नांगद सिखायेदे ।

इसरायली पुजारी मन लोग मन काजे महा परबू चो पुरे बलिदान चेगातेरला। ए बलिदान लोग मन चो पाप मन काजे हुन मनचो महा परबू बाट ले डण्ड करतो जगा ने चेगा उन रला। पुजारी मन लोग मन काजे दुआ बाल करला। मान्तर, हुन मसीह नंगद महा पुजारी होयेदे जोन नहा परबू के देतो काजे गोटोक नंगत बलि चो रूप ने आपन के चेगायेदे। माने कि,हुन केबीई पाप नी करे आउर जिदल दायं हुन आपन के बलि होतो काजे देयेदे, तेबे जगत चो कोनी बले दुसर बलि चो जररत नी होयेदे।

लोग मन चो गुट मन ने राजा आउर परधान शासन करुआत आउर केबीई- केबीई गलती करुवात। राजा दाऊद तुचाय मन थाने शासन करला, मान्तर राजा दाऊद चो बंशज जमाय जगत ने शासन करदे, आउर हुन सदा काजे शासन करेदे। एचो आलावा, हुन सदा सत रीति ले शासन करेदे, आउर सही निरनय धरेदे।

महा परबु चो अगमज्ञानी मन मसीह चो बारे ने खुबे गोट के बलला। उदाहरण काजे मलाकी बललो की मसीह चो एतो चो आगे गोटोक दुसर अगमज्ञानी एउआय। हुन अगमज्ञानी खुबे जरूरी होयदे। एचो अलावा, यशायाह अगमज्ञानी लिखलो की मसीह गोटोक कुंवारी ले जन्म होयदे। आउर मिका अगमज्ञानी बोललो कि मसीह बेतलेहम नगर ने जन्म धरुआय।

यशायाह अगमज्ञानी बललो की मसीह गलील चो जगा ने वास करेदे। जोन लोग खुबे दुखी आसोत मसीह हुन मनके शांति देयदे। हुन कैदी मनके बले आजाद करेदे। मसीह बिमार मनके आउर जोन सुनुख नी सकोत, दखुक नी सकोत ,बलुक नी सकोत, नहले हिनडुक नी सकोत हुन मनके बले चंगा करेदे।

यशायाह अगमज्ञानी ए बले बलु रये की लोग मन मसीह ले नफरत करेदे आउर हुनके अपनातो ले इनकार करदे। दसर अगमज्ञानी मन बलला कि मसीह चो गोटोक साथ हुनचो बिरुद्ध उठेदे। जाकरयाह अगमज्ञानी बललो कि हुनचो ए साथी असनकरतो काजे दसर लोग मन ले चंडी चो तीस सिक्का धरेदे।एचो अलावा, कोनी अगमज्ञानी मन बलला कि लोग मन मसीह के मरून डालदे आउर ए कि हुन मन हुनचो कपडा काजे जुआ खेलदे।

अगमज्ञानी मन ए बले सांगला कि मसीह कसन मरेदे।यशायाह अगमज्ञानी भविष्यवाणी करलो कि लोग मन मसीह उपरे थूकदे , हुनचो हांसी करदे, आउर हुनके पेटदे, हुन मन हुनके छेदून देयेदे आउर हुन खुबे पीड़ा तड़पुन मरून जायेदे, मान्तर हुनतो काई गलत बले नी करून रहेदे।

अगमज्ञानी मन ऐ बले सांगला की मसीह पाप नी करेदे। हुन सही होयदे। मान्तर हुन एचो काजे मोरेदे, कि महा परबु हुनके दूसर लोग मन चो पाप काजे डण्ड करेदे। हुनचो मोरलो ने लोग मन महा परबु संगे मेल करुक सकदे। एचो काजे महा परबु चाहेसे कि मसीह मोरे।

अगम जानी मन ऐ सांगला की महा परबु मसीह के मोरलो ले जीव उठाय दे ऐ अत्याचार आय की सबु नुबा वादा कर बांधतो काजे महा परबु चो योजना रये , हुनी काजे हुन लोग मनके बचाऊक सके, जोन लोग मन हुनचो बिरुद्ध पाप करला सोत।

महा परबु अगमज्ञानी मन उपरे मसीह चो बारे ने खुबे गोट मनके परगट करलोसे, मान्तर मसीह हुन अगमज्ञानी मन चो कोचीई बले जीवन काल ने नी एउ रलो। ऐ अगम ज्ञानी मनचो देतो बचो 400 ले आगर बरख पाचे ,सही बेरा ने महा परबु मसीह के ऐ मंजपुर ने पटायदे।