20. रिहा होतोर

इसराएल चो राज आउर यहूदा चो राज दुनो महा परबू चो बिरुद ने पाप करला। हुनमन हुन बायदा के टूटाला जोन महा परबू हुनमन संगे सीनै ने बांधून रये। महा परबू हुनमन के पसतावा करून आउर फेर ले हुनचो आराधना करतो काजे चेतावनी देतो काजे आपलो अगमज्ञानी मन के पटालो। मान्तर हुन लोगमन अगमज्ञानी मन चो गोट मानतो ले मुकरला ।

मान्तर महा परबू हुनमन चो बिरुदी मन के हुनके, नाश करतो ने, सहायता करतो ने दुनो राज मन के डण्ड दिलो। अश्शुर गोटोक दुसर राज रली जोन खुबे बलबीती राज होउन रली, हुनमन दुसर राज मन काजे खुबे निरदई बले रला। हुनमन एउन इसराएल चो राज के नाश करला, अश्शुरी मन एउन इसराएल चो राज ने खुबे लोगमन के मारला आउर जोन हुनमन मन करला हुताले धरला आउर राज चो कितलो भाग के जलान दिला।

अश्शुरी मन ने सब अगुवा मन सवकार मन आउर असन लोगमन जोन माहांग चीज मन के बनाक सकते रओत, गोटक संगे रुंडा करला। आउर हुनमन के अश्शुरी राज ने नीला, इसराएल ने खिंडीक असन गरीब इसराएली मन बाचला।

आउर अश्शुरि लोग हुन देश ने रतो काजे अश्शुर देश चो लोग के आनला आउर हुनदेश चो आउर हुन नगर के फिर ले बनाला। आउर इसराएली लोग बचूंन रला हुन मन के विवाह करला आउर हुन मन चो वंशज सामरी बलुन होला।

यहूदा चो लोग मन द्कला आउर महा परबु हुन मन चो विसवास नी करतोर आउर गोट के नि मांनतोर कारुण ने इसराएल चो राज्य चो लोग के दण्ड दिलो। फिर बले कनानिय मन चो देवी देवता चो उपासना करला। महा परबु हुन मन के चेतावनी देतो काजे अज्ञमजानी के पटालो मानतर सुनतो काजे इन्कार करला।

लगभग 100 बरक चो पाचे, अश्शुरियों ने इसराएली राज के नाश करून दिला। परमेश्वर ने बेबिलन चो राजा, नबुकदनेसर के यहूदा राज ने हमला करतो काजे पटालो। बेबीलोन खुबे शक्तिशालि रलो। यहूदा चो राजा नबुकदनेसर चो कमिया बनतो काजे औउर हर बरक हुनचो खुबे धन देतो काजे, आउर चुकारा करतो काजे राजी होहुन गेलो।

मानतर खिंडिक बरस पाचे, यहूदा चो राजा ने बेबीलोन चो विरुद ने काम करलो। आउर बेबीलोन आउर बेबीलोन चो लोग मन आपस ऐऊन भाति यहूदा राज्य ने हमला करला, आउर यरूशलेम नगर ने कब्जा करलो आउर मन्दिर के नाश करलो। आउर मन्दिर चो सोना चांदी के लुटून नीला।

बलवा करतो कारण यहूदा चो राजा के दण्ड करतो काजे नाबुकदेनेसर चो सैनिक मन राजा चो बेटा के हुनचो पुरे मारला। आउर हुनके अंधा करून दिला, हुनचो पाचे, उन चो पाचे उन मन राजा के निला ताकि उन बेबीलोन चो जेल घर थाने मोरो।

नबुकदेनेसर आउर हुनचो सैनिक मन यहूदा चो राज्य चो लगभग हुनसब लोग के बेबीलोन नीला आउर गरीब लोग मनके छाडून भाति बेडा मन ने फसल उगातो काजे, हुन बेरा चो काल के बंधाआई बोलला। आउर महा परबु चो लोग मनके किरिया चो देश ने निकर तो काजे विवश करला।

बले ही महा परबु आपलो लोग मन के उन मन चो पाप चो कारण बंधवाई ने जातो ले दण्ड दिलो। फेर बले हुन आपलो किरिया के नी भुलक लो। महा परबु आपलो लोग के निगरानी करतोर जारी रखूंन रये। और आपलो अगमजानी मन चो द्वारा गोट बात करते रलो। हुन बादा कि सतर बरस चो पाचे, हुन मन फिर ले किरिया चो देश ने जाउ आत।

लगभग सतर बरस पाचे, फारस चो राजा कुस्त्र बेबीलोन के हारा लो। उन्ही काजे बेबीलोन ने फारस चो राज ने खूब राज के राज करलो। इसराएली चो लोग मन के एबे यहूदा बोल्ला। हुन मन पूरा जीवन बेबीलोन ने बिताला, किंडीक असन डोकरा-डोकरी यहूदी मन के ही यहूदा देश सुरता रली।

फारसी लोग मन खुबे ताकत बिता मन रला। मातर हुन मन जोन जितुन रला हुन मन के दया करनू रला। फारसी मन चो राजा बनलो किंडीक बेरा पाचे, कुस्त्रू ने गोटोक आदेश दिलो, कोनी बले यहूदी यहुदा देश ने आपस जातो काजे बीचार करे से तो, हुन फारस ले निकरुन हुन यहूदा ने जाउक सके। आउर हुन मंदिर के बनातो काजे फिर ले धन दिलो। आउर बन्धुआई चो सत्तर वर्ष पाचे, यहूदी मन चो गोटोक छोटे समूह चो यहूदा ने यरूशलेम आपस इला।

आउर हुनलोग मन यरूशलेम पहुंचला। आउर हुन मन मन्दिर आउर नगर चो चारो आउर दिवार के फिर बनाला। फरीसी चो लोग मन एबे बले राज करते रहोत, मानतर गोटोक बार फिर हुन मन किरिया चो देश ने रते रला। आउर हुन मन मन्दिर ने आराधना करते रला।