10. दस बिपदा

परमेश्वर हर मूसा अउर हारुन ला चेतावनी दिस कि फिरौन हठीला हो जाहीI जब ओमन फिरौन ठी गिन त ओमनहर कहिन, “इस्राएल के परमेश्वर ऐसे कहथे, ’मोर मनसे मन ला जाए बर दे!”’ परन्तु फिरौन हर ओमन के नी सुनीस अउर इस्राएलीमन ला जाए बर आजाद करे के अलाबा ओहर ओमन ला कठिन मेहनत करे खातिर मजबूर करिसI

फिरौन उ मनसेमन ला जाए देबर हर समय इंकार करतेच्च रिहीस, इकरबर परमेश्वर हर मिश्र मा दस भयंकर बिपत्तिमन भेजीसI इ बिपत्तिमन के दुआरा, परमेश्वर हर फिरौन ला दिखाईस कि ओहर फिरौन और मिस्र के सब देबतामन ले अधिक शक्तिशाली हेI

परमेश्वर हर नील नदी ला लहू मा बदल दिस, परन्तु फिरौन हर अभी घोले इस्राएलीमन ला जाए बर नी दिसI

परमेश्वर हर संपूर्ण मिस्र मा बेंगा भेजीसI फिरौन हर बेंगामन ला दूर करे खातिर मूसा ला निबेदन करिसI परन्तु सब बेंगामन मर जाए के बाद, फिरौन हर आपन मन ला कठोर कर लिस अउर इस्राएलीमन ला मिस्र ले निकले बर नी दिसI

इकरेबर परमेश्वर हर टेकर किरा के बिपदा भेजीसI ओकर बाद ओहर ड़ासमन के बिपदा भेजीसI फिरौन हर मूसा अउर हारुन ला बलाईस अउर ओमन ला कहिस, “यदि ओ बिपदा ला रोक दे ले इस्राएली मिस्र छोड़ के जा सकहींI जब मूसा हर प्रार्थना करिस तो परमेश्वर हर मिस्र ले डासमन ला हटा दिस परन्तु फिरौन हर आपन मन ला कठोर कर लिसI अउर ओमन ला स्वतंत्र हो के जाये नी दिसI

इकरबाद परमेश्वर हर मिश्रीमन के सब पालतू जानबरमन ला बिमार होके मरेबर दिसI परन्तु फिरौन के मन कठोर हो गे रिहिस अउर ओहर इस्राएलीमन ला जायेबर नी दिसI

तहाँ परमेश्वर हर मूसा ले फिरौन के आघू मा पवन मा राख फेंके बर कहिसI जब ओहर एसे करिस तब मिश्रीमन के चमड़ा मा दुःख दायी फोडा निकल आइस, परन्तु इस्राएलीमन ला कछु नाइ होईसI परमेश्वर हर फिरौन के मन ला कठोर कर दिस, अउर फिरौन हर इस्राएलीमन ला स्वतंत्र होके जाये बर नी दिसI

इकरे बाद, परमेश्वर हर कारा गिराईस अउर मिस्र के अधिकांश फसल मन ला बरबाद कर दिस अउर जोंने बाहार निकले ओ ला मार डारिसI फिरौन हर मूसा अउर हारुन ला बुलाईस अउर ओमन ला कहिस, “मै पाप करे होंI तुमन जा सकत हI” अतः मूसा हर प्रार्थना करिस अउर आकाश ले कारा गिरेबर बंद होगिसI

परन्तु फिरौन हर फेन ले पाप करिस अउर अपन मनला कठोर कर दिसI ओहर इस्राएलीमन ला स्वतंत्र होके जाए बर नी दिसI

अतः परमेश्वर हर मिस्र मा टिड्डीमन के दल ला आये बर दिसI इ टिड्डीमन ओमन के सब फसलमन ला खा लिन, जेनला कारा हर नाश नई करे रिहिसI

फेन परमेश्वर हर अंधियार कर दिस जोन तीन दिन ले बने रिहिसI एहर एतकी घोर अन्धकार रिहिस कि मिस्रीमन आपन घरमन ले निकल घोले नी पाइनI परन्तु जोन करा इस्राएलीमन रिहिन ओ करा अंजोर रिहिसI

इ नौ ठन बिपदामन के बाद मा घोले, फिरौन हर इस्राएलीमन ला स्वतंत्र होके जाए देबर इंकार कर दिसI काबर की फिरौन हर नी सुने रिहिस, इकरे बर परमेश्वर हर एकठन अंतिम बिपदा भेजेबर योजना बनाईसI एकर ले फिरौन के मन बदलेबर रिहिसI