11. फसह

परमेश्वर हर मूसा अउर हारून ला फिरोन ठी ए कहे बर भेजिस की इस्रैलीमन ला जान देI ओ मन ओला चेतावनी दिन की अगर ओ मनला नी जान दिही, त परमेश्वर हर मिश्र के मनसे अउर पशु मन के सब पहिला लड़कामन ला मार डालिहीI फिरोन हर ए सब बात ला सुनकर घोले परमेश्वर के उपर भरोसा करेले अउर ओकर बात माने ले इंकार कर दिसI

परमेश्वर हर ओ विश्वास करेमन के हर एक के घोले पहिला लइका ला बचाए बर एक उपाय बनाईसI सब्बो परिवार ला एक निर्दोस भेड़ लेकर मारना रिहिसI

परमेश्वर हर इस्रैलीमन ला मेमना के लहू ला लेके अपन घर के टाटी मा लगाये बर कहिसI ओमन ला ओकर मास ला भूनना रिहिस अउर फेन ओला अखमिरी रोटी के संग मा चंचलता के साथ ओला खाए बर रिहिसI ओमन ओ भोजन ला खाए के बाद ओ मन ला जल्दी से मिश्र ला छोड़े बर तैयार रहे बर कहिसI

जयसन करे बर परमेश्वर हर इस्रैलीमन ला आदेश दे रिहिस ओमन हर ओकर अनुसार सब ला करिनI मध्य रात्री मा, परमेश्वर हर सब परवा बेटा ला घात करत मिश्र के माझा मा हो के गुजरिसI

इस्रैलीमन के हर घर के टाटी मा लहू लगे रिहिस, इकरबर परमेश्वर हर ओ मन के घरमन ला छोड़ दिसI ओमन के भीतर के सब झन सुरक्षित रिहिनI ओमन मेमना के लहू के खातिर ओमन बांच गे रिहिनI

लेकिन मिश्रीमन परमेश्वर के उपर विश्वास नी करे रिहिन अउर ओमन ओकर आज्ञामन ला नी माने रिहिनI परमेश्वर हर मिश्रीमन के परवा बेटा ला मार दिसI

जेलखाने के बंधुआमन के परवा ले लेके, फिरौन के परवा बेटा तक, हर एक परवा बेटा मर गिसI आपन के गहरी दुःख के खातिर मिश्र के बनेच मनसेमन रोत रिहिन अउर विलाप करत रिहिनI

ओइच रात, फिरोन हर मूसा अउर हारून ला बलाइस अउर कहिस, ‘’इस्रैलीमन ला लेके तुर्तेच मिश्र ले निकल जाव!’’ मिश्र के मनसेमन घोले इस्रैलीमन से जल्दी निकल जाये के विनती करिनI