12. बाहर निकरिन

इस्रैलीमन मिश्र ले निकल के बहुत प्रसन्न रिहिनI ओमन अब गुलाम नी रिहीन, अउर ओमन परतिज्ञा के देश ला जात रिहिन ! जो कुछु घोले इस्रैलीमन मागिन, मिश्रीमन ओमन ला सब कुछ दिन, यहाँ तक की सोना अउर चांदी अउर आने मूल्यवान वस्तु मन ला घोलेI दूसर देश के थोर कुन मनसे विश्वास करिन अउर जब इस्रैलीमन मिश्र ले निकलीन तो ओमन घोले ओमन के संग हो लीनI

दिन के बेरा मा बादल के एक बड़ा खम्बा ओकर आघू -आघू चलिसI अउर रात के समय ए हर आग के खम्भा बनगिसI परमेश्वर जोन कि उ बादल के खम्भा मा अउर आगि के खम्भा मा रिहीस, हमेशा ओकर साथ मा रिहिस अउर सफर के समय ओकर अगुवाई करत रिहिसI ओमन ला मात्र अतकी करेबर कहिस कि ओकर पीछू चलेंI

थोड कुन समय बाद, फिरौन अउर ओकर मनसेमन आपन मन ला बदल दीन ओमन इस्रैलीमन ला आपन नौकर बनाये बर चाहत रिहिनI इकरेबर ओमन इस्रैली मन के पीछा करिन ओहर परमेश्वर रिहिस जेन हर उमन के मन ला बदल दिसI ओहर एसन इकरेबर करिस का बर ओ चाहत रिहिन की हर कोनोह ए ला जानलें की फिरौन ले मिश्रीमन के सब देवतामन ले ओ, यहोवा, अधिक बलशाली हेI

जब इस्रैलीमन मिश्र के सेनामन ला आत देखीन त ओमनला मालूम होइस कि ओमन फिरोन के सेना अउर लाल समुद्र के माझा मा फसगिनI ओमन बनेच डर गिन अउर रोये लागिन, ’’हामन मिश्र ला काबर छोडेन? हमन मरे बर हन!’’

मूसा हर इस्रैलीमन ला कहिस, ’’डरे बर बंद करव! परमेश्वर आज तुमहर खातिर लड़ाई करिही अउर तुमन ला बचाहीI’’ तब परमेश्वर हर मूसा ले कहिस, ’’इ मनसेमन ला लाल समुन्दर की तरफ आगे बढ़े बर कI

तहाँ बादल के खम्भा इस्राएलीमन के अउर मिश्रीमन के माझा मा आ गिस, अउर रात मा आगि के खम्भा बन गिस मिश्री रात भेर इस्रैलीमन के नजदीक नी आ सकिनI

परमेश्वर हर मूसा ला समुंदर मा आपन हाँथ बढाये बर कहीसI फेन परमेश्वर हर हवा ले समुंदर के पानी ला डेरी अउर जउनी अंग ढकेल दिस, जेकर ले समुंदर ले होत एक डहर बनगिसI

इस्रैलीमन अपन के दोनों तरफ पानी के भिथि के संग सुखा भुई मा समुंदर ले होत आघु बढ़ चलिनI

तहां परमेश्वर हर ओ डहर ले आगि अउर बादर के खम्भा ला उठा लिसI तहां मिश्रीमन इस्रैलीमन ला बांच के जात देखिनI मिश्रीमन इस्राइलीमन ला धरेबर फेन ले ओमन के पिछा करे के शुरु कर दिनI

अतः ओमन समुंदर के डाहर ले होके इस्रैलीमन के पीछा करिन, परन्तु परमेश्वर हर मिश्रीमन ला घबरा दिस अउर ओमनके रथमन ला रोक दिसI ओमन चिल्लाये बर लागिन, ‘’भागो! इस्रैलीमन के तरफ ले परमेश्वर लड़त हेI’’

सब्बो इस्रैली समुंदर के दूसरी तरफ पहुंच गीनI तहाँ परमेश्वर हर मूसा ला कहिस कि फेन ले पानी के उपर हाथ बढाएI जब मूसा हर एसन करिस, त पानी हर मिश्री सेना पर आ गिरिस अउर अपन के साधारण स्थिति मा हो गिस अउर मिश्री सब डूब गिनI

जब इस्रैलीमन देखीन कि मिश्री मर गिन हें त ओमन परमेश्वर केरा विश्वास करिनI ओमन विश्वास करिन की मूसा परमेश्वर के तरफ ले भविष्यवक्ता रिहिसI

इस्रैलीमन इकरेबर घोले बनेच आनन्दित रिहिन काबर कि परमेश्वर हर ओमन ला मरे ले अउर नौकर होयेले बचा लिसI अब ओमन परमेश्वर के आराधना करेबर अउर ओकर हुकुम के पालन करेबर आजाद रिहिनI इस्रैली आपन आजाद के तिहार मनायेबर अउर परमेश्वर के महिमा करेबर कईठन गीतमन ला गाईन काबर कि ओहर ओमनला मिश्री सेना ले बचाऐ रिहिसI

परमेश्वर हर इस्रेलीमन ला सबेच बछर एकठन तिहार मनाये बर आदेश दिस, ए याद करे बर कि कैसन परमेश्वर हर मिश्रीमन ला हराए रिहिस अउर ओमन ला गुलाम बने ले स्वतंत्र करे रिहिसI ए हर फसह के पर्व कहलाईसI इ तिहार ला मनाए बर ओमन ला एक- एक स्वस्थ मेमना ला बलि करे बर रिहिस, ओला भुने बर रिहिस, अउर ओला बिना खमीर वाली रोटी के संग खाए के रिहिसI