25. शैतान यीशु के परीक्षा करथे

यीशु के बतिस्मा होए के तुरंत बाद ही, पवित्र आत्मा ओला जंगल मा लेगिसI यीशु ओकरा चालीस दिन अउर चालीस रात रिहिसI ओ समय ओहर उपवास करिस, अउर शैतान हर यीशु के तीर मा आके पाप करवाए खातिर ओकर परीक्षा करीसI

पहले, शैतान हर यीशु ला कहिस, ‘’यदि तें परमेश्वर के पुत्र हस त इ पत्थरमन ला रोटी बना दे ताकि तें खा सकबे!’’

परन्तु यीशु हर शैतान ले कहिस, ‘’परमेश्वर के वचन मा ए लिखाइ से, ‘जीवित रहे बर मनसे ला खाली रोटी के जरूरत नी ए, परन्तु ओमनला हर ओ बात के जरूरत हे जोन परमेश्वर ओमनला कहत हे!’’’

तहाँ शैतान यीशु ला मंदिर के सब ले ऊँचे टीले पर लेगिसI ओहर ओला कहिस,‘’यदि तें परमेश्वर के बेटा हस त यहाँ ले नीचे कूद जा, काबर की लिखाइ से, ’परमेश्वर तोला उठाये बर अपन स्वर्गदूतमन ला आज्ञा दिही की तोर पांव मा पथर ले ठेंस नी लागेI‘’’

परन्तु यीशु हर ओला नी करिस जोन शैतान हर ओला करे बर कहे रिहिसI इकर बजाए, ओहर कहिस, ‘’परमेश्वर सब्बोझन ले कहथे, ‘तें प्रभु अपन परमेश्वर के परीक्षा नी करबेI’’’

फेन शैतान हर ओला संसार के सारे राज दिखाइसI ओहर ओला दिखाइस कि ओमन कतकी शक्तिशाली रिहिन, अउर ओमन कतुक सम्पन्न रिहीनI ओ हर यीशु ला कहिस, ‘’मैं तोला ए सब दे दिहों यदि तें घुटना टेक के मोर पूजा करबेI’’

यीशु हर उत्तर दिस, ‘’हे शैतान, मोरठी ले दूर होजा! परमेश्वर के वचन मा ओ मनसेमन ला आदेश देथे, ’केवल अपन प्रभु परमेश्वर के आराधना करिहI परमेश्वर के रूप मा केवल ओकर आदर करिहI’’’

यीशु हर शैतान के परीक्षा ले हार नी मानिस, इकरे बर शैतान ओकर ठीन ले चल दिसI तहाँ स्वर्गदूत आके यीशु के सेवा टहल करे बर लागिनI