27. दयालु सामरी के कथा

एक दिन, यहूदी व्यवस्था के एकठन विशेषज्ञ यीशु ठी आईसI ओहर सब ला ए दिखाए बर चाहत रिहिस कि यीशु गलत रीति ले शिक्षा देत रिहिसI इकरे बर ओहर कहिसI‘’हे गुरु, अनन्त जीवन पाए बर मैं का करों ?’’ यीशु हर उत्तर दिस, “परमेश्वर के व्यवस्था मा का लिखाईसे ?”

ओ मनसे हर कहिस, ‘’ओमें एइसन कहे गिस हे कि अपन परमेश्वर ले अपन सारे मन, प्राण, सामर्थ, अउर बुध्दी से प्रेम राख, अउर अपन पड़ोसी ला अपन समान प्रेम राखI” यीशु हर उत्तर दिस, “तैं सही कहे!” यदि तें एइसन करबे तहाँ तोला अनन्त जीवन मिलिहिI’’

परन्तु ओ व्यवस्था के विशेषज्ञ दिखाए बर चाहत रिहिन की ओकर जीवन जिए के तरीका सही रिहिसI इकरेबर ओहर यीशु ला पुछिस, ‘’ठीक हे, त मोर पड़ोसी कोन हे?’’

यीशु हर ओ व्यवस्था के विशेषज्ञ ला एकठन कथा बताए के दूआरा उत्तर दिसI ‘’एक यहूदी मनसे रिहिस जो एकठन सड़क ले होके यरूशलेम नगर ले यरीहो नगर के यात्रा करत रिहिसI‘’

‘’परन्तु कुछु डाकूमन ओला देखीन अउर ओकर उपर हमला करदीनI ओमनहर ओकर सब कुछु लेलिन अउर ओला मारीन – पिटिन अउर अधमरा छोडके चल दीनI’’

‘’ओकर तुरन्त बाद, एकठी यहूदी याजक ओईच सड़क ले होत गुजरिसI ओ याजक हर ओ मनसे ला सड़क मा गिरे हुए देखिसI जब ओहर ओला देखिस तहां ओ सड़क के दूसर तरफ जाके आघू बढ़ गिसI ओहर ओ मनसे ला पूरी तरह ले अनदेखा कर दिसI’’

‘’कुछु समय बितिस त, एकझन लेवी सड़क मा आइसI (लेवी यहूदी मनके एकठन गोत्र रिहिस जोन मंदिर मा याजकमन के सहायता करत रिहिनI) ओ लेवी हर घोले ओ अधमरा पड़े रिहिस मनसे ला देखिस अउर देख के सड़क के आने ओर ले निकर गिसI ओहर घलो ओ मनसे ला अनदेखा कर दिसI‘’

‘’आने मनसे जोन ओ सड़क मा आइस ओ सामरिया देश के एकठी व्यक्ति रिहिसI (सामरी मनसे अउर यहूदी मनसे एक दूसर ला नफरत करत रिहिनI) फेन घोले ओ सामरी व्यक्ति हर जब सड़क मा गिरे ओ यहूदी व्यक्ति ला देखिस, त ओहर ओला बड़ा तरस खाईसI अतः ओहर ओकर लकठा ला गिस अउर ओकर घा मा पट्टी बाँधीसI

‘’फेन ओ सामरी हर ओ मनसे ला अपन गधा मा डालीस अउर ओला ओ सड़क ले एक यात्रीमन के रहे के जगह मा लेगिसI जहाँ ठी ओहर ओकर देख भाल करे बर चालू राखिसI’’

दूसर दिन, ओ सामरी ला अपन यात्रा ला जारी रखे के आवश्यक्ता रिहिसI ओहर ओ सराय के मालिक ला कुछु पैसा दिस ओहर ओला कहिस, ‘’इ मनसे के देख भाल करबेI यदि इ पैसा के अलावा तोर कुछु अउर पैसा खर्च होथे तो वापिस आए ले मैं ओ खर्च ला दे दिहोंI’’

फेन यीशु हर ओ व्यवस्था के विशेषज्ञ ले पुछिस, ‘’तें का सोंचथस? ए तीन मनसेमन ले कोन हे ओ मनसे के पडोसी जोन ला लुटे अउर पिटे गे रिहिस ?‘’ ओहर उत्तर दिस, “ओइच जोन ओकर ऊपर मा दया दिखाईस’’ तहाँ यीशु हर ओकर ले कहिस, ‘’तें घोले जा अउर एसनेच करI’’