28. धनी जवान शासक

एक दिन एकठी धनी यहूदी अगुवा हर यीशु के लकठा मा आ के ओला पुछिस, ‘’हे उत्तम गुरु, अनन्त जीवन पाएबर मोला का करेबर होही?‘’ यीशु हर ओकर ले कहिस, ‘’तें मोला ‘उत्तम’ काबर कहथस? केवल एक ही उत्तम हे अउर ओ परमेश्वर हेI परन्तु यदि तें अनन्त जीवन पाए बर चाहथस त परमेश्वर के व्यवस्था के पालन करI’’

ओहर पुछिस, ‘’मोला कोन कोन से आज्ञा ला पालन करे के आवश्यकता हे?‘’ यीशु हर उत्तर दिस, ‘हत्या नी करबे, बेभीचार नी करबे, चोरी नी करबे, झूठ नी गोठीयाबे, आपन माँ अउर बाप के आदर करबेI अउर आपन पड़ोसी ला आपन समान माया करबेI’’

परन्तु ओ जवान पुरुष हर कहिस, ‘’मैं आपन बचपन ले ए सब्बो आज्ञामन के पालन करत आत होंI मोला सदा बर जीवित रहे बर आभी घोले का करे के आवश्यकता हे? ‘’यीशु हर ओकर उपर दृष्टि करिस अउर उकर ले माया करिसI

फेन यीशु हर उत्तर दिस, ‘’यदि तें सिद्ध होएबर चाहथस त जा के आपन सब कुछ ला बेंच दे अउर ओ धन ला गरीबमन मा बाँट दे, अउर तोला सरग मा धन मिलिहिI तहाँ आके मोर पीछू हो लेI‘’

जब ओ जवान पुरुष हर यीशु के बात ला सुनिस त ओ बनेच निराश हो गिस, काबर कि ओ बनेच धनी रिहिस अउर ओ आपन सब सम्पति ला देय बर नी चाहत रिहिसI ओ पलट के यीशु के तीर ले चल दिस

तब यीशु हर आपन चेलामन ले कहिस, ‘’धनी मनसेमन बर परमेश्वर के राज मा परवेश करे बर बनेच कठिन हे! हाँ, एक धनी मनसे ला परमेश्वर के राज मा परवेश करे के तुलना मा कोनो ऊँट के सुई के छेद मा होके निकर जाना सरल हेI’’

जब चेलामन यीशु के गोइठ ला सुनिन, त ओमन चकित रहगिनI ओमन हर कहिन, ’’यदि ए एइसन हे त परमेश्वर कोन ला बचाही?’’

यीशु हर चेलामन ला देखिस अउर कहिस, ‘’मनसेमन स्वयं ला नी बचा सकेंI एइसन करे बर असम्भव हेI परन्तु परमेश्वर बर कुछु घोले करे के असम्भव नी हेI”

पतरस हर यीशु ला कहिस, ‘’हमन जोन तोर चेला हन आपन सब कुछ छोड़ के तोर पाछू हो लेहन त हमर प्रतिफल का होही?’’

यीशु हर उत्तर दिस, ‘’हर एक मनसे जोनमन मोर खातिर घर, भाई, बहन, माता, पिता, बच्चे, या सम्पति ला छोड़ीस हे, ओ ओकर ले सौ गुना अधिक प्राप्त करिही अउर अनन्त जीवन ला घोले पाहिI किन्तु बनेच ले जोन आघू हें ओमन पाछु होहिं, अउर बनेच ले जोन पाछु हें ओमन आघू होहिंI’’