29. निरदयी दास के कथा

एक दिन, पतरस हर यीशु ले पुछिस, ‘’हे स्‍वामी, जब मोर भाई मोर विरुद्‌ध पाप करत हे, त मोला आपन भाई ला के घा माफ करे बर होही? का सात बार ले?” यीशु हर कहिस, सात बार नी, परंतु सतत्तर बार!’’ इकर द्वारा, यीशु के मतलब इ रिहिस कि हमनला हमेशा माफ करना चहिये।तब यीशु हर ए कथा बताईस।

यीशु हर कहिस, “परमेश्वर के राज इसने परकार ले हेI एकठन राजा आपन दास मनले लेखा लेबर चाहत रिहिसI ओकर एक दास भारी मात्रा के धन के कर्जदार रिहिसI

परन्‍तु ओ नौकर हर आपन कर्जा ला चुका नी पाइस, इकरबर राजा हर किहिस, “इकर कर्ज चुकाय बर ई पुरुष ला अउर इकर परिवार ला दासमन के रुप मा बेच दव।”

“ओ दास हर राजा के आघू आपन घुटना मा गिर के कहिस, ’दया करके मोर संग धीरज धर, अउर मे आपन कर्जा के पुरा रकम ला चूका दिहों।‘ राजा ला नौकर पर दया आईस, ईकरबर ओहर ओकर सब कर्जा ला माफ कर दिस अउर ओला जाय बर दिस।“

‘’परन्तु जब ओ नौकर राजा के पास ले बाहर गिस, त ओला ओकर एक साथी नौकर मिलिस जोन ओकर थोर कुन धन के कर्जदार रिहिस। ओ नौकर हर आपन साथी नौकर ला पकड़ लिस अउर कहिस, ‘जोन तोर उपर मोर कर्जा हे मोला दे।”

“ओ साथी नौकर हर घूटना मा गिर के कहिस, ‘कृपा करके मोर संग धीरज धर, अउर मैं आपन कर्जा के पुरा रकम ला भर दिहों।’ लेकिन इकर बजाय, ओ नौकर हर आपन साथी नौकर ला जेलखाना मा डाल दिस जब तक कि ओहर ओ कर्जा ला नी चूका दिही।”

कुछु आने नौकरमन जोन कुछ होए रिहिस ओला देख के बनेच परेसान हो गिनI ओमन राजा के पास गिन अउर ओला सब कुछु बता दीन।”

“राजा हर ओ नौकर ला बला के कहिस, ‘हे दुष्‍ट नौकर! में तोर कर्जा ला इकरेबर माफ करे रहें काबर कि तें मोर ले बिनती करे रहे। तोला घोले उसनेच करेबर रिहिस। ’तहाँ राजा इतकी क्रोधित हो गे कि ओहर ओ दुष्‍ट नौकर ला जेलखाना मा डाल दिस जब तक की ओहर आपन सारा कर्जा ला वापिस नी कर दिस।”

तहाँ यीशु हर कहिस, “अगर तुमन आपन भाई ला आपन हृदय ले क्षमा नी करिह, त मोर सरग के पिता तुमन ले हर एक के संग घोले इसनेच करिहीI’’