36. रूपांतरन

एक दिन, यीशु हर अपन तीन चेलामन ला, पतरस, याकूब, अउर यूहन्ना ला अपन संग मा लिसI (इ यूहन्ना नाम के एक चेला ओ मनसे नी ए जोन हर यीशु ला बपतिस्मा दे रिहिस) ओमन प्राथना करे बर एक ऊँचा पहाड़ के ऊपर गिनI

जब यीशु प्राथना करत रिहिस त ओकर चेहरा सूरज के समान उज्जवल होगिसI ओकर कपड़ा अंजोर के समान सफेद होगिस, पृथ्वी मा कोनो कर सकें ओकर ले घोले बढ़ कर सफेदI

तहाँ मूसा अउर एलिय्याह भविष्यवक्ता प्रगट होइनI ए पुरुष इ पृथ्वी मा इ समय ले सैकड़ों बछर आघुले रहत रिहिनI ओमन यीशु से ओकर मृत्यु के विषय मा बात करिन, काबर कि ओहर जल्दी ही यरूशलेम मा मर जाहीI

जब मूसा अउर एलिय्याह यीशु ले गोठियात रिहिन तहाँ पतरस हर यीशु ला कहिस, “हमर बर यहाँ रहे के अच्छा हेI हमन तीन मंडपमन ला बनाबो, एक तोर बर, एक मूसा बर, अउर एक एलिय्याह बरI” परन्तु पतरस नी जानत रिहिस कि ओ का कहत हेI

जब पतरस गोठियात रिहिस, तो एक चमकीला बादर नीचे आके ओमन के ऊपर छागिसI फेन ओमन हर बादर मे ले एक आवाज ला आत सुनिनI ओ हर कहिस, “इहर मोर बेटा हे जोन ला मैं माया करथोंI मैं ओकर ले खुश होंI ओकर सुन’’ ओ तीनों चेलामन डर गिन अउर भुइयाँ मा गिर पड़ींनI

तहाँ यीशु हर ओमन ला छुईस अउर कहिस, ‘’डरव मतI उठ जावI’’ जब ओमन हर चारों तरफ देखीन, त यीशु ला छोड़ अपन संग मा अउर कोनो ला नी देखिनI

यीशु अउर ओमन तीनों चेला ओ पहाड़ ले वापिस नीचे उतर आइनI तब यीशु हर ओमन ला कहिस, “अभी जोन इकरा होइस ओकर चर्चा कोनो ठी नी करिहI मैं तुरंत मर जाहां अउर फेन जीवित हो जाहांI ओकर बाद,तुमन मनसेमनला बता सकीहI’’