4. अब्राहम के संग परमेश्वर के वाचा

जल प्रलय के केतकी बछर बाद, बहुत मनसे मन रहत रिहिन, अउर ओमन आभी घोले परमेश्वर के अउर एक दुसर के बिरुध मा पाप करत रहिनI काबर कि ओमन एक ठी भाषा बोलत रहिन, इकर खातिर ओमन एक संग जमा होइन अउर एक ठन नगर ला बनाथेंI जिसने परमेश्वर हर आज्ञां दे रिहिस, ओकर अनुसार ओमन पूरा संसार मा नी बगरीनI

ओमन बहुत घमंडी रहिन, अउर ओमन ला कैसन जीबन बिताना आहें ओ बारे मा ओमन परमेश्वर के आज्ञा पालन करे बर नी चाहत रहिनI यहाँ तक ले की ओमनह एसन मीनार बनाये बर शुरू करिन जोन हर स्वर्ग तक पहुंच सकीहI परमेश्वर हर देखिस कि यदि ओमन एक संग मिलके बुराई करते रहीं तो ओमन बहुत से पाप के काम कर सकत हेंI

इकरे बर परमेश्वर हर ओमन के बोली ला अलग अलग बोली मा बदल दिस अउर ओमन ला पूरी संसार मा बगरा दिसI जोन नगर ला ओमन बनाये बर शुरू करिन ओहर बाबेल कहेगिस जेकर अर्थ हे, “गड़ बड़ीI”

कई सो बछर के बाद, परमेश्वर हर अब्राहाम नाम के मनसे से गोइट- बात करिसI परमेश्वर हर ओला कहिस, ‘’आपन के देश अउर परिवार ला छोड़ के ओ देश ला जा जोन ला मै तोला दीखा हाँI मै तोला आशिष देहो अउर तोर से एकठन बड़ी जाती बनाहाI मै तोर ना ला महान करिहोI जोन तोला आशिष दिही मै ओला आशिष दिहों, अउर तोर एक ठन बड़ा जाती बनाहाI मै तोर नाम ला महान करिहो जोन तोला आशिष दिही मै ओला आशिष दिहों अउर जोन तोला श्राप दिहीI मै ओला श्राप दिहों तोर खातिर संसार के सभी बंश आशिष पाहीI

अत: अब्राहाम हर परमेश्वर के आज्ञा मानिसI ओहर आपन के सेवक अउर सब सम्पति के संग आपन पत्नी सारा ला लिस अउर ओ देश ला, अर्थात कनान देश ला चल दिस जोन परमेश्वर हर ओला दिखाए रिहिसI

जब अब्राहम कनान पहुंचिस त परमेश्वर हर ओला कहिस, “आपन चारो तरफ देखI मै तोला ये सब देश दिहों अउर तोर बंश हमेशा बर इकर ऊपर अधिकार रखिहीI” तब अब्राहम हर ओ देश मा बस गीसI

मलिकिसिदक नाम के एक मनसे रहिस जोन महान परमेश्वर के बड़े पुजारी रहिसI एक दिन अब्राहम युद कर के आत रिहिस तो ओहर अउर अब्राहम मिलीनI मलकिसिदक हर अब्राहम ला आशिष दिस अउर कहिस “महान परमेश्वर जोन स्वर्ग अउर पृथ्वी के मालिक आहे ओ हर तोला आशिष देयI” फेन अब्राहम हर युद मा विजय पाय के सब चीज के दशमांश मलिकिसिदक ला दे दिसI

कतुक बछर बित गिस परन्तु आभी घलो अब्राहम अउर सारा के कोनो बेटा नी रिहिसI परमेश्वर हर अब्राहम ठी बात करिस अउर फेन प्रतिज्ञा करिसI की ओकर एक ठन बेटा जनम होही अउर जेसन आकाश मा तारा आहे उसनेच हि ओकर बहुत से बंश होहीI अब्राहम हर परमेश्वर के प्रतिज्ञा ला विश्वास करिसI परमेश्वर घोषणा करिस की अब्राहम एक धर्मी ब्यक्ति रिहिसI काबर की ओहर परमेश्वर की प्रतिज्ञा ला विश्वास करे रिहिसI

तहाँ परमेश्वर हर अब्राहम एक ठन प्रतिज्ञा करिसI साधारण रूप मा, एक प्रतिज्ञा के मतलब आहे की दो दल के बिच मा एक दुसरे के खातिर जो काम होथे ओ काम के करे ला समाधान हो थेI परमेश्वर हर अब्राहम ठिन ए प्रतिज्ञा तब करे रिहिस जब अब्राहम हर सूतत रिहिस, फेन घलो परमेश्वर के आवाज ला सुन सकत रिहिसI परमेश्वर हर कहिस, ‘’मै तोर शारीर ले उत्पन करके तोला तोर एक ठन तोरेच बेटा दिहोंI मै तोर बंश ला ए कनान देश देत होंI’’ परन्तु अभी घलो अब्राहम के कोनो बेटा नी रिहिसI