5. प्रतिज्ञा के बेटा

अब्राम अउर सारै के कनान पहुंचे के दस बछर के बाद, अभी तक घोले ओमन के कोनो संतान नी रीहिसI इकरबर, अब्राम के पत्नि सारै हर उकर ले कहिस, “देख परमेश्वर हर अभी तक ले मोला संतान नी दिसेI अउर अब मैं संतान जनमाये बर बनेच डोकरी होगे होंI अब सुन, मोर दासी हाजिरा इ करा हेI ओकर ले घोले शादी कर ले कि ओहर मोर बर एकठन संतान जनमा सकिहिI’’

अतः अब्राम हर हाजीरा ले शादी कर लिसI हाजिरा के एकठन बेटा जनमिस अउर अब्राम हर ओकर नाम इश्माएल राखिसI किन्तु सारै हाजिरा ला ईर्ष्या करे बर लागिसI जब इश्माएल तेरह बछर के रीहिस, परमेश्वर हर फेन ले अब्राम ले गोठियाइसI

परमेश्वर हर कहिस, “मै सर्व-शक्तिमान परमेश्वर हाँI मै तोर संग एक ठी परतिज्ञा करिहोंI‘’ तहाँ अब्राम हर भुइया म गिरके दंडबत करिसI परमेश्वर हर अब्राम ला ए घोले कहिस, “तै असंख्य जातीमन के बाप होबेI मै तोर अउर तोर बंशज ला ओकर नीज भुइयां होए बर कनान देश दिहों अउर मै सदा बर ओमन के परमेश्वर होईहांI तोला आपन घराना के प्रतयेक पुरुष के खतना करे बर हेI’’

‘’तोर पत्नि सारे एकठन बेटा जनम दीही - ओहर परतिज्ञा के बेटा होहीI ओकर नाम इसहाक रखबेI मै ओकर संग अपन परतिज्ञा ला बनाए राखीहों अउर ओहर एक बड़ी जाति बन जाहीI मै इश्माएल ला घोले एक बड़ी जाति बनाहा, परन्तु मोर परतिज्ञा हर इसहाक के संग मा रिहीI‘’ तब परमेश्वर हर अब्राम के नाम ला बदल के अब्राहम नाम दे दिस, जेकर अर्थ हावे, “बनेच झन के बाप’’I परमेश्वर हर सारे के नाम ला बदलकर सारा कर दिस, जेकर अर्थ है “मूल माताI

उ दिन अब्राहम हर आपन घर के सब पुरुषमन के खतना करिसI लगभग 1 बछर के बाद, जब अब्राहम 100 बछर के उम्र के रिहिस अउर सारा 90 बछर के रिहिस, तहाँ सारा हर अब्राहम के बेटा ला जनम दिसI जैसन परमेश्वर हर ओमन ला कहे रिहिस ओमन हर ओकर नाम इसहाक राखिनI

जब इसहाक जबान होइस, तहाँ परमेश्वर हर अब्राहम के विश्वास के परीक्षा करिसI परमेश्वर हर कहिस, ‘’आपन के एकठन बेटा ला ले, अउर ओला मोर बर बलि के रूप मा चढ़ाI” फेन ले अब्राहम हर परमेश्वर के आज्ञा मानिस अउर आपन बेटा ला बलि करेबर तैयार करिसI

जब अब्राहम अउर इसहाक बलि चढाऐ के जगह तरफ जाए बर लागिन त इसहाक हर पुछिस, “हे पिता, हामर करा तो बलि बर लकड़ीमन हें, लेकिन बलि चढाए बर मेमना कोन करा हे?” अब्राहम हर उत्तर दिस, “हे मोर बेटा, परमेश्वर बलि बर मेमना के प्रबंद करिहीI’’

जब ओमन बलि चढ़ाये के जगह मा पहुंच गिन, त अब्राहम हर इसहाक ला बांध के बेदी मा सुतादिसI ओहर अपन बेटा ला मारनेच वाला रिहिस कि परमेश्वर हर कहिस, ‘’रुक जा! टूरा ला नुकसान नी पहुँचा! अब में जान गेहों कि तै मोर भय मानथस काबर कि तै हर आपन एकठन बेटा ला घोले मोर ले बचाके नी राखेI’’

नजदीक मा ही अब्राहम हर एकठन मेढ़ा ला देखिस जोन झाड़ी मा फँसे रिहिसI इसहाक के बदले बलि खातिर परमेश्वर हर मेढ़ा के प्रबंद करे रिहिसI अब्राहम हर खुशी-ख़ुशी मेढ़ा ला बलि चढा दिसI

तहाँ परमेश्वर हर अब्राहम ला कहिस, “तै मोर बर सब कुछ देयबर इच्छुक रहे, यहाँ तक ले कि अपन एकठन बेटा ला घोलेI इकरबर मै तोला आशीष दे खातिर परतिज्ञा करथोंI ”तोर वंशज आकाश के तारामन ठी ले घोले असंख्य होहींI काबर कि तै मोर आज्ञा ला माने हस इकरेबर मै तोर परिवार के द्वारा संसार के सब झन ला आशिष देहोI’’