40. यीशु ला क्रूस मा चढाए जाथे

यीशु के उपहास करे के पीछू, सिपाही ओला कुरूस मा चड़ाए बर लेगीनI ओमन ओ कुरुस ला ओक्रेच ले उठवाइन जोन मा ओला मरना रिहिसI

ओ सिफाही यीशु ला ओ जगह ला लेके आइन जोन ला ‘’खोपड़ी‘’ कथें अउर ओकर हाँथ अउर गोड मन ला कुरूस मा पिट दीइनI परन्तु यीशु हर कहिस, ‘’हे पिता, इमन ला माफ कर, काबर कि इ मन नी जाने कि इमन का करत हेंI” ओमन ओकर सर के उपर कुरूस मा एकठन तख्ती ला लटका दीइनI ओमे लिखाये रिहिस, ‘’यहूदीमन के राजाI‘’ पिलातुस हर ओमन ले इच लिखे बर कहिसI

तहाँ सिपाहीमन यीशु के कपड़ा बर चिठिमन डारिनI जब ओमन एइसन करिन त ओमन ओ भविष्यवाणी ला पूरा करिन जोन मा कहे गे रिहिस, ‘’ओमन हर मोर कपड़ामन ला आपस मा बाँट लीन, अउर मोर कपड़ा बर पर्ची डालिनI’’

ओकरा दुठन डाकू घोले रिहिन, जोन मन ला सैनिकमन ओइच समय मा कुरूस मा चढ़ाए रिहिनI ओमन हर ओमन ला यीशु के दुनो अंग कुरुस मा चढ़ाए रिहिनI ओमन ले एक डाकू हर यीशु के मजाक उड़ाईस, दूसरा हर कहिस, का तें नी डरास कि परमेश्वर हर तोला सजा दिही? हमन त बनेच ख़राब काममन ला करेके दोषी माने गेहन, लेकिन इ मनसे निर्दोष हेI’’ फेन ओहर यीशु ला कहिस, ‘’जब तें आपन राज्य मा आबे तें कृपा करके मोला सुरता राख बेI‘’ यीशु हर उत्तर दीस, ‘’आजेच तें मोर संग सरग लोक मा होबेI’’

तहाँ यहूदी धरम गुरु अउर भीड़ के आने मनसेमन यीशु के मजाक उडाये लागिन, ओमन हर ओला कहिन, ‘’अगर तें परमेश्वर के बेटा हस, त कुरूस ले तरी उतर आ अउर अपन ला बचा ले ! तहाँ हमन तोर उपर विश्वास करबोI‘’

तहाँ ओ सारा देश मा आकाश पूरी तरह करिया हो गिस, यदपि ओहर मझन के बेरा रिहिसI इ हर बेला के समय करिया होए रिहिस अउर तीन घंटा ले उसनेच रिहिसI

तहाँ यीशु हर नरिया के कहिस, ‘’पूरा होगे! हे पिता, मैं अपन आत्मा तोर हाँथ में सोंपत हंI’’ तहाँ ओहर अपन मुड ला झुकाईस अउर अपन जीवन ला छोड़ दीसI जब ओहर मरिस त एकठन भूकंप आइसI ओ बड़े पर्दा जोन परमेश्वर के उपस्थिति ले मनसेमन ला अलग करत रिहिस उपर ले तरी के ओर चिराके दुबांटा होगिसI

आपन मरेके खातिर, यीशु हर मनसेमन बर परमेश्वर ठीन आये के द्वार खोल दीसI जब यीशु के पहरेदारी करे वाला एकठन सैनिक जोन कुछु होए रिहिस इ सब देखिस त ओहर कहिस, ‘निश्चय हे, इ मनसे निर्दोष रिहिसI इहर परमेश्वर के बेटा हेI

तहाँ यूसुफ अउर निकुदेमुस नाम के दूठन यहूदी धरम गुरु आइनI ओमन विश्वास करत रिहिन कि यीशुच मसीह रिहिसI ओमन पिलातुस ले यीशु के शरीर ला मांगिनI ओमनहर ओकर शारीर ला कपड़ा मा लपेट लीनI तहाँ ओमन ओला एक पठार ले काट के बने रिहिस कबर मा ले गिन अउर ओकर भीतर मा राख दिनI तहाँ ओमन उ कबर के मुहुटा ला बंद करेबर एकठन बडखा पथर ला लुढ़का दिनI