44. पतरस अउर यूहन्ना एकठन भीकमंगा ला बने करथें

एक दिन, पतरस अउर यूहन्ना मंदिर मा गिन। एकठन छूटा मनसे भीक मांगे बर मुहूटा मा बईठे रिहिस।

पतरस हर उ छूटा मनसे अंग देखिस अउर कहिस, “ मोर ठी तोला देबर पईसा तो नी ये। लेकिन जोन मोर ठी हे ओला में तोला देत हं। यीशु के नाम ले, उठ अउर रेंग- बुल!”

तुर्तेच, परमेश्वर हर उ छुटा मनसे ला बने कर दिस। ओहर येति-ओति रेंगेबर अउर कुदेबर, अउर परमेश्वर के स्‍तुति करे बर शुरु कर दिस। मंदिर के अंगना मा उपस्थित मनसे चकीत रिहिनI

जल्‍दिच मनसेमन के एक ठन भीड़ ओ मनसे ला देखे बर आईस जोन बने होगे रिहिस। पतरस हर ओमनला कहिस, “ए मनसे बने हो गे हे, लेकिन ई गोठ बर आश्‍चर्य नी होइह। हमन येला आपन शक्‍ति ले बने नी करे हन, या एकर बर नी कि हमन परमेश्वर के आदर करथन। बल्कि, ओहर यीशु रिहिस जोन हर ई मनसे ला आपन शक्‍ति ले बने करे हे काबरकि हमन यीशु के उपर भरोषा करथन।“

“ओहर तुईचमन हव जोनमन ओला रोमी राजा ला यीशु ला मार डारेबर कहे रह। तुमन ओला मार डाले ह जोन सब्‍बो झन ला जीवन देथेI लेकिन परमेश्वर हर ओला मरे मा ले जियाइस। तुमन नी समझ कि तुमन का करत रह, लेकिन जब तुमन ओ काममन ला करत रह, त जोन भविष्‍यद्वक्‍तामन हर कहे रिहिन ओहर पुरा होईस। ओमनहर कहे रिहिन कि मसीहा हर दु:ख उठाही अउर मर जाही। परमेश्वर हर ईला ई रिति ले होन दिस। एकर बर अब, पश्चाताप कर अउर परमेश्वर अंग आव, ताकि ओहर तुम्हर पापमन ला धो के साफ करे।“

जब मंदिर के धरमगुरुमन हर पतरस अउर यूहन्ना ला सुनिन, त ओमन बनेच घबरागिन। एकर बर ओमन ओमनला गिरफ्‍तार करके जेल खाना मा डार दिन। लेकिन जोन पतरस हर कहे रिहिस ओकर उपर बनेच मनसेमन हर विश्वास करिन। यीशु के उपर विश्वास करईयामन के संख्‍या बड़ के लगभग पांच हजार होगिस।

दूसरा दिन, ओ यहूदी धरमगुरुमन पतरस अउर यूहन्ना ला बड़े धरमगुरु अउर आने धरमगुरुमन के आघू मा लेके आइन। ओमन ओ मनसे ला घोले लेके आईन जोन अपाहिज रिहिस। ओमनहर पतरस अउर यूहन्ना ला पुछिन, “कोन अधिकार ले तुमन ओ अपाहिज मनसे ला बने करेह?”

पतरस हर उत्‍तर दिस, “ये मनसे जोन तुंहर आघू मा खड़े हे ओला यीशु मसीह के सामर्थ के दूवारा बने करे गिस हे। तुमन यीशु ला कुरुश मे चढ़ा दव, लेकिन परमेश्वर हर ओला फेन जीवित कर दिसे! तुमन ओला स्‍विकार नी करव, लेकिन यीशु के सामर्थ के माध्‍यम के अलावा उद्धार पाय के कोई दूसरा रास्‍ता नि ये!”

ओ धरमगुरुमन अचम्‍भा रिहिन कि पतरस अउर यूहन्ना हर बनेच साहस करके गोठियाय रिहिन। ओमनहर देखिन कि येमन साधारन मनसे रिहिन जोन अनपढ़ रिहिन। लेकिन ओमनला याद आईस कि ई मनसेमन यीशु के संग रहे रिहिन। इकरबर ओमनले कहिन, “हमन तुमनला बनेच जादा सजा देबो अगर तुमन ई मनसे यीशु के बारे मा मनसेमन ला कोनो अउर संदेश दीह त।“ इसनेच बनेच गोठ गोठियाए के पाछु, ओमन हर पतरस अउर यूहन्ना ला जाय बर दिन।