48. यीशुच परतिज्ञा करे गए मसीहा ए

जब परमेश्वर हर संसार ला बनाईस त सब कुछु बढियाँ रिहिस। कोनो पाप नी रिहिसI आदम अउर हव्‍वा एक दूसर ले माया करत रिहिन, अउर ओमन परमेश्वर ले माया करत रिहिनI कोनो बीमारी या मृत्यु नी रिहिस। परमेश्वर इसनेच संसार ला चाहत रिहिस।

शैतान हर साँप के जरिये ले बगीचा मा हव्‍वा ले गोठियाइस, काबर कि ओहर ओला धोखा देना चाहत रिहिस। ताहाँ हव्‍वा अउर आदम हर परमेश्वर के विरुद्‍ध मा पाप करिन। काबर कि ओमनहर पाप करे रिहिन इकरबर धरति के रहेईया सब मनसे मरथें।

काबर कि आदम अउर हव्‍वा पाप करे रिहिन, इकर बर कुछु अउर घोले खराब होईस। ओमन परमेश्वर के दुश्‍मन बन गिनI जेकर परिणाम के रूप मा, तहाँ ले सब मनसेमन पाप करिन। हर एक जनम ले परमेश्वर के दुश्‍मन हें। परमेश्वर अउर मनसेमन के माझा मा शाँति नी रिहिस। लेकिन परमेश्वर शाँति ला बनाए राखे बर चाहत रिहिस।

परमेश्वर हर प्रतिज्ञा करिस कि हव्‍वा के एक वंशज शैतान के मूड़ी ला कुचलिही। ओहर इ घोले कहिस कि शैतान ओकर एड़ी ला चाबिही। दुसर शब्द मा, शैतान मसीह ला मार डालिही, लेकिन परमेश्वर ओला फेन ले जीवित कर दिही। इकर बाद मसीह शैतान के शक्‍ति ला हमेशा बर खतम कर दीही। कई बछर के बाद, परमेश्वर हर प्रकट करिस कि ओहर मसीह यीशु हे।

परमेश्वर हर नूह ला एकठन डोंगा बनाय बर कहिस ताकि ओहर ओ बाढ़ ले आपन परिवार ला बचा सके जोन ला परमेश्वर भेजे बर रिहिस। इ परकार ले परमेश्वर हर ओ मनसेमन ला बचाईस जोन ओकर उपर विश्वास करत रिहिन। इ परकार ले, सब परमेश्वर के दुवारा मारे जाए के योग्य रिहिन। काबरकि सब मनसेमन पाप करे रिहिन। लेकिन परमेश्वर हर ओ सब ला बचाए बर यीशु ला भेजिस जोन ओकर उपर विश्वास करथें।

सैकड़ों बछर ले, याजक परमेश्वर बर बलिदान चढ़ात रिहिन। इहर बताथे कि मनसेमन हर पाप करिन, अउर इला घोले कि ओमन परमेश्वर के दुवारा दंड दे के योग्य रिहिन। लेकिन ओमन के बलिदान ओमनके पापमन ला क्षमा नी करे सकत रिहिस। यीशु सबले बड़े महागुरु हे। ओहर ओला करिस जोन कोनो याजक नी कर सकत रिहिनI ओहर ओ एक मात्र बलिदान होए बर अपन आप ला दे दीइस जोन हर सब मनसेमन के पापमन ला मिटाए सकत रिहिस। ओहर स्वीकार करिस कि परमेश्वर उ सबके पापमन बर ओला सजा दीही। ई खातिर, यीशु सिद्‌ध महागुरु रिहिस।

परमेश्वर हर अब्राहम ला कहिस, “मैं तोर दूवारा संसार के सब कूलमन ला आशीष दिहं।“ यीशु इच अब्राहम के वंश ले रिहिस। परमेश्वर अब्राहम के दुवारा सब कूलमन ला आशीष देथे, काबर कि जोन यीशु के उपर विश्वास करथे परमेश्वर उ सब ला पाप ले बचाथे। जब ई मनसेमन यीशु के उपर विश्वास करथें, त परमेश्वर ओमन ला अब्राहम के वंशज ले मानथे।

परमेश्वर हर अब्राहम ला कहिस कि ओहर आपन खूद के बेटा ला, ओकर बर बलिदान कर दे। लेकिन फेन परमेश्वर हर इसहाक के बदला मा बलि करे बर एकठन मेमना दीस। हमन सब आपन पाप बर मार डारे जाए के योग्य रहेन! लेकिन परमेश्वर हर हमन के जगह मा मरे बर यीशु ला बलि के रुप दीइस। इकरे खातिर हमन यीशु ला परमेश्वर के मेमना कथन।

जब परमेश्वर हर मिश्र देश मा अंतिम बिपदा भेजिस तो ओहर एक इस्रैली परिवार ला कहिस कि ओमन एकठन मेमना के बलि करें। ओ मेमना मा कोनों दोष नी होए के चाहि। तहाँ आपन टाटी के कपाट के उपर अउर अगल बगल मा ओमन ला ओकर लहु ला लगाना रिहिस। जब परमेश्वर हर उ लहू ला देखिस त ओहर ओमन के घर ले आगे बढ़ गिस अउर ओमनके परूहाँ बेटा ला नी मारिस। जब इहर होईस त परमेश्वर हर ईला फसह के तिहार कहिस।

यीशु फसह के तिहार के एक मेमने के तरह हेI ओहर कभू कोनो पाप नी करे हे, इकरबर ओकर मा कुछू घोले गलत नी करे रिहिस। ओहर फसह के तिहार के समय मा मरिस। जब कोनो यीशु के उपर विश्वास करथें, तहाँ यीशु के लहु ओ मनसे के पाप के कीमत ला चुकाथे। इहर अइसन ए जइसन कि परमेश्वर ओ मनसे ठी ले आगे निकल गिस काबर कि ओहर ओला सजा नी दे।

परमेश्वर हर इस्रैली मनसेमन के संग मा एकठन नियम बाँधिस, काबर कि ओमन अईसे मनसे रिहिन जोन ला परमेश्वर हर आपन होए बर चूने रिहिस। लेकिन अब परमेश्वर हर एक अइसन नियम बांधिस जोन हर सब बर हे। अगर कोनों घोले जाति के कोनों भी मनसे नया नियम ला स्वीकार करथे, त ओहर परमेश्वर के मनसे मा शामिल हो जाथे। ओहर इसने इकरबर करथे काबरकि ओहर यीशु के उपर विश्वास करथे।

मूसा एकठन अइसन भविष्‍यद्वक्‍ता रिहिस जोन हर परमेश्वर के वचन ला बड़े सामर्थ के साथ प्रचार करे रिहिस। लेकिन यीशु सब भविष्‍यद्वक्‍तामन ले बड़े हे। ओहर परमेश्वर हे, इकरबर जोन कुछु घोले ओहर करिस अउर कहिस ओहर परमेश्वर के काम अउर वचन रिहिस। एकरबर पवित्र शास्त्र यीशु ला परमेश्वर के वचन कथे।

परमेश्वर हर राजा दाऊद ले प्रतिज्ञा करे रिहिस कि राजा के रुप मे ओकर वंशज परमेश्वर के मनसेमन के उपर हमेशाबर शासन करिही। यीशु परमेश्वर के बेटा अउर मसीह हे, इकरबर ओहर राजा दाऊद के ओईच वंशज हे जोन सदा बर राज कर सकत हे।

दाऊद त इस्राएल के राजा रिहिस, लेकिन यीशु सारे जगत के राजा हे! ओहर फेन ले आहि अउर सदा बर न्याय अउर शाँति के संग अपन राज मे शासन करहि।