11. ଫାସାହା (ପାସକା)

ପାରମେଶ୍ୱରସ୍ ମୁସା ଆରୁ ହାରୁନ୍ ସିନ୍ ଫିରୋନ୍ ଘି ଚାହାଁ ନୁ ଇ ତେଂଗାଗେ ତାଇୟା ସ୍ କା ଇସ୍ରାଏଲ୍ ରିନ୍ କାଲାଗେ ଚିୟା |ହୁବଡାର୍ ହୁସିନ ଚେତାବାନି ଚିଚ୍ ଚାର୍ କା ଆଗାର୍ ହୁସ୍ ହୁବଡାରି ନ୍ ମା ଚିଦାସ୍ ,ହାଲେ ପାରମେଶ୍ୱରସ୍ ମିସ୍ରି ନ୍ତା ଆଲାର୍ ଘି ଆରୁ ଜାନ୍ତୁ ଗୁଠି ଘି ଜାମା ପାହିଲା ହାଦ୍ଦୁ ରିନ୍ ପିଟର୍ ଚୋର |ଫିରୋନସ୍ ଇବୋନ୍ ମେନାକିରି ଭି ପାରମେଶ୍ୱରସ୍ ଘି ମିୟାଁ ବିଶ୍ୱାସ୍ କାମାଗେ ଲାଗାନ୍ ଆରୁ ହୁସ୍ ଘି କାତ୍ ଥା ବୋନ୍ ମାନାଗେ ଇନ୍ କାର୍ କାମଚେଚାସ୍ |

ପାରମେଶ୍ୱରସ୍ ଘି ମିୟାଁ କାମାଗେ ଲାଗାନ୍ ଏନ୍ଦେରି ନ୍ ଭି ପାହିଲା ହାଦ୍ଦୁ ବୋନ୍ ବାଚାବାଗେ ଲାଗାନ୍ ଅଣ୍ଟା ଉପାୟ ବୋନ୍ ଜୁଗାଡ଼ କାମଚାର୍ |ଜାମା ପାରିବାର୍ ଘି ଅଣ୍ଟା କଳଂକ ମା ରାନାବାଲା ଭେଡ଼ି ହାଦ୍ଦୁ ବୋନ୍ ହୁଆଁ କିରୀ ହୁବୋନ୍ ପୁଜନା ରାଚାଦ୍ |

ପାରମେଶ୍ୱରସ୍ ଇସ୍ରାଏଲ୍ ରିନ୍ ହୁ ଭେଡ଼ି ହାଦ୍ଦୁ ଘି ହେସୁଁ ବୋନ୍ ହୁଆଁ କିରୀ ନିଜର୍ ଏଡ଼ପା ଗୁଠି ଘି ଘୁମାନୁ ଲାଗାବାଗେ ତେଂଗିୟାସ୍ |ହୁବଡାର୍ ହୁଦଘି ଆହାଦା ବୋନ୍ ଭାଜିୟାନା ରା ଚାଦ୍ ଆରୁ ଫିର୍ ସେ ହୁଦାନ୍ ଆଖମାରି ଆସମା ଗାନେ ହୁବୋନ୍ ଫୁର୍ତୀ ନୁ ମୋହୋନା ରାଚାଦ୍ |ହୁବଡାର୍ ହୁ ଭୋଜନ୍ ବୋନ୍ ଅନ୍ନା ଘି ବାଦନୁ ଜାଲଦିହି ମିସ୍ରି ରାଜି ବୋନ୍ ଆମ୍ବା ଗେ ଲାଗାନ୍ ରେଡି ମାନାଗେ ତେଂଗିୟା ସ୍ |

ଏସ୍କେ କାମାଗେ ଲାଗାନ୍ ପାରମେଶ୍ୱରସ୍ ଇସ୍ରାଏଲ୍ ରିନ୍ ଆଦେସ୍ ଚିଚ୍ କାଚାସ୍ ହୁବଡାର୍ ହୁଦଘି ଲେଖାନୁ ଜାମାନ୍ କିଛି ନ୍ କାମଚାର୍ |ଭାର୍ ଖାର୍ ମାହାଁ ବାକେନ୍ ,ପାରମେଶ୍ୱରସ୍ ହାର୍ ଅଣ୍ଟା ପାହିଲା ହାଦ୍ଦୁ ବୋନ୍ ପିଟନା ନ୍ତି ମିସ୍ରି ର୍ ଘି ମାଝା ନ୍ତି ମାନିକିରୀ ଗୁଜରାରା ର୍ |

ଇସ୍ରାଏଲ୍ର୍ ଘି ହାର ଅଣ୍ଟା ଏଡ଼ପା ଘି ଘୁମା ଗୁଠିନୁ ହେସୁଁ ଲାଗାବାଚ୍ କା ରାଚାଦ୍ ,ଇଦ୍ ଘି ଲାଗାନ୍ ହୁ ଏଡ଼ପା ଗୁଠି ବୋନ୍ ଆମ୍ବେ ଚିଚାସ୍ | ହୁବଡାର୍ ଉଲା ନୁ ରାଚାର୍ ଜାମା ଆଲାର୍ ସୁରଖିତ୍ ନୁ ରାଚାର୍ |ହୁବଡାର୍ ଭେଡି଼ ହାଦ୍ଦୁ ଘି ହେସୁଁ ଘି ଚାଲତେ ବଛାର୍ କେରାର୍ |

ହାଲେ ଭି ମିସ୍ରିର୍ ଗୁଠିର୍ ପାରମେଶ୍ୱ ରସ୍ ସିନ୍ ବିଶ୍ୱାସ୍ ମାଲ୍ଲା କାମଚ୍ କାରୁର୍ ଆରୁ ହୁସ୍ ଘି ହୁକୁମ୍ ବୋନ୍ ମା ମାନଚାର୍ |ଇଦ୍ ଘି ଲାଗାନ୍ ପାରମେଶ୍ୱରସ୍ ହୁବଡା଼ ର୍ ଘି ଏଡ଼ ପା ଗୁଠିନ୍ ମା ଆମ୍ବିୟାସ୍ |ପାରମେଶ୍ୱର୍ ସ୍ ମିସ୍ରି ଜାମାରଘି ହାର ଅଣ୍ଟା ପାହିଲା ହାଦ୍ଦୁ ଗୁଠି ବୋନ୍ ପିଟ୍ ଟେ ଚାସ୍ |

ଜେହେଲ୍ ତା କେଇଦିର୍ ଗୁଠିର୍ ସ୍ତି ନ୍ ହୁଆଁ କିରୀ ,ଫିରୋନସ୍ ଘି ପାହିଲା ନ୍ତା ,ହାର ଅଣ୍ଟା ପାହିଲା ଆଲାର୍ କେଚ୍ ର୍ କେରାର୍ |ନିଜର୍ ଗାହେରାଇ ପିଡା଼ ଘି କାରନ୍ ନୁ ମିସ୍ରି ର୍ ଘି ଯୁକୁକ୍ ଆଲର୍ ଅଲହା ଲାର୍ ଆରୁ ଚିର୍ ରା ରାଲାର୍ |

ହୁ ମାହାନୁ,ଫିରୋନସ୍ ମୁସା ଆରୁ ହାରୁନ୍ ସିନ୍ ମେହିୟାସ୍ ଆରୁ ତେଂଗିୟାସ୍ ,”ଇସ୍ରାଲ୍ ରିନ୍ ହୁଆଁ କିରୀ ଜାଲଦୀ ସେ ମିସ୍ରି ନ୍ତି ନିକ୍ ଲାରା !’’