12. ୧୨ .କାନାର୍

ଇସ୍ରାଲ୍ ର୍ ଆଲାର୍ ମିସ୍ରି ନ୍ତି ଉରଖା କିରୀ ମୁରୁକ୍ ଖୁସି ନୁ ରଚାର୍ |ହୁବଡାର୍ ଆରୁ ଦାସ୍ ମାଲ୍ଲାରୁର୍ ,ଆରୁ ହୁବଡାର୍ ଶ ପଥ୍ ଘି ରାଜି ଗେ କାଲ ଗାର୍ !ଏନ୍ଦେର୍ ନ୍ ଭି ଇସ୍ରାଏଲ୍ ଗୁଠିର୍ ନିଚାର୍ ,ମିସ୍ରିର୍ ହୁବଡାରିନ୍ ହୁ ଜାମା କିଛି ବୋନ୍ ଚିଚ୍ ଚାର୍ ,ଇ ତୋକ୍ କା ସୋନା ,ଚାନ୍ଦି ଆରୁ ଦୁସରା କିମ୍ ତି ଚିଜ୍ ଗୁଠି ବୋନ୍ |ଦୁସରା ରାଜିନ୍ତା କିଛି ଆଲାର୍ ପାରମେଶ୍ୱ ରସ୍ ଘି ମିୟାଁ ବିଶ୍ୱା ସ୍ କାମଚାର୍ ଆରୁ ଯେତେବାକେନ୍ ଇସ୍ରାଏଲ୍ ଆଲାର୍ ମିସ୍ରି ନ୍ତି ଉରଖିୟାର୍ ବାକେନ୍ ହୁବଡାର୍ ହି ଇବଦାର୍ ଗାନେ ସାଂଗେ ମାନଚାର୍ |

ଉଲ୍ଲା ବାକେନ୍ ବାଦଲୀ ଘି ଅଣ୍ଟା ବାଡକା ଖୁଟା ଲେଖା ବୋଦ୍ ହୁବଡାର୍ ଘି ଆଘଲି -ଆଘଲି କାଲଗାଦ୍ | ଆରୁ ମାହା ବାକେନ୍ ଇଦ୍ ଚିଚ୍ ଚୁ ଘି ଖୁଟା ମାନଚାଦ୍ କେରାଦ୍ |ପାରମେଶ୍ୱ ରସ୍ ଜେନ କା ବାଦଲୀ ଘି ଖାମ୍ଵା ନୁ ଆରୁ ଚିଚ୍ ଚୁ ଘି ଖୁଟା ନୁ ରଚାସ୍ , ଜାମା ବାକେନ୍ ହୁବଡାର୍ ଘି ସାଂଗେନୁ ରାଚାର୍ ଆରୁ ହୁଦ୍ କାନା ସାମାୟ ନୁ ହୁବଡାର୍ ଘି ଆଗ୍ ଗୁଆଇ କାମଚାସ୍ |ହୁବଡାର୍ ଖାଲି ଏତ୍ କୋ କାମନା ରାଚାଦ୍ କା ହୁଦଘି ପାଛ ଲି ଏକୋର୍ |

ଥୋଡ଼େ ସାମାୟ ଘି ବାଦେନୁ ,ଫିରୋନସ୍ ଆରୁ ହୁସ୍ ଘି ଅଲାର୍ ଗୁଠିର୍ ନିଜର୍ ମୋନ୍ ବାଦଲ୍ ଲିୟାର୍ |ହୁବଡାର୍ ଇସ୍ରାଏଲ୍ ଗୁଠିରିନ୍ ଆରୁ ହି ନିଜର୍ ଦାସ୍ କାମାଗେ ଚାହାଲାର୍ |ଇଦ୍ ଘୀ ଲାଗାନ୍ ହୁବଡା୍ ର୍ ଇସ୍ରାଏଲ୍ ଗୁଠିରିନ୍ ପିଛା କାମଚାର୍ |ଇଦ୍ ପାରମେଶ୍ୱ ରସ୍ ହି ରାଚାସ୍ ଜେନ ବୋନ୍ ହୁବଡାର୍ ଘି ମୋନ୍ ଗୁଠିବୋନ୍ ବାଦ୍ ଲା ଚିଚ୍ କା ଚାସ୍ |ହୁସ୍ ଏନ୍ଦେର୍ ଗେ ଏନ୍ନେ କମଚା ସ୍ କା ହୁସ୍ ଚାହା ଲାସ୍ କା ହାର ଜାମାର୍ ଇବୋନ୍ ଆହା ଅଂଗନାର୍ କା ଫିରୋନ୍ ଘି ଆରୁ ମିସ୍ରି ଗୁଠିର୍ ଘି ଜାମା ଦେବତା ଗୁଠି ନ୍ତି ହୁସ୍ ,ୟୋହୋବାସ୍ ,ବାଗ୍ ଗେ ଶକ୍ତିଶାଲି ଆତ୍ଲ୍ ଦାସ୍ |

ଯେତେବାକେନ୍ ଇସ୍ରାଏଲ୍ ଗୁଠିର୍ ମିସ୍ରି ର୍ ଘି ସେନାର୍ ରିନ୍ ଏରିୟାର୍ ବାକେନ୍ ହୁବଡା଼ର୍ ଆହା ଅଂଗାର୍ କା ହୁବଡା଼ର୍ ଫିରୋନସ୍ ଘି ସେନାର୍ ଆରୁ ଲାଲ୍ ସାମୁଦାର୍ ଘି ମାଝାନୁ ଫାସରାର୍ କେରାର୍ |ହୁବଡାର୍ ମୁରୁକ୍ ଏଲଚିୟାର୍ କେରାର୍ ଆରୁ ଅଲ୍ ହାଗେ ଲାଗିୟାର୍,”ଏମ୍ ମିସ୍ରି ବୋନ୍ ଏନ୍ଦେର୍ ଗେ ଆମ୍ବ୍ କାମ୍ ?ଏମ୍ ଖିନା ବାଲା ରାଦାମ୍ !”

ମୁସସ୍ ଇସ୍ରାଏଲ୍ ରିନ୍ ତେଂଗି ୟାସ୍ ,”ଏଲଚା ଗେ ବନ୍ଦ କାମା !ପାରମେଶ୍ୱର୍ ସ୍ ଇନ୍ନା ନିମ୍ ହା ଲାଗାନ୍ ଲାଢ଼ୋସ୍ ଆରୁ ନିମାରିନ୍ ବାଚାବୋସ୍ |”ବାକେନ୍ ପାରମେଶ୍ୱରସ୍ ମୁସା ସିନ ତେଂଗୀୟାସ୍,”ଇବଦା ଆଲାରିନ୍ ଲାଲ୍ ସାମୁଦାର୍ ଘି ତାରା ଆଘଲି ବାଢ଼ରା ଗେ ତେଂଗା |”

ବାକେନ୍ ପାରମେଶ୍ୱରସ୍ ହୁ ବାଦଲୀ ଘି ଖୁଟା ବୋନ୍ ହୁଇକିରୀ ଇସ୍ରାଏଲ୍ ଲିର୍ ଆରୁ ମିସ୍ରି ଘିର୍ ମାଝାନୁ ଉଇଏ ଚିଚାସ୍ ତାକି ମିସ୍ରି ଆଲାର୍ ଇସ୍ରାଏଲ୍ ରିନ୍ ଏରା ପଲନାର୍ |

ପାରମେଶ୍ୱରସ୍ ମୁସା ସିନ୍ ସାମୁଦାର୍ ଘି ମିୟାଁ ନିଜର୍ ହେକ୍ ଖାନ୍ ବାଢ଼ା ବାଗେ ତେଂଗିୟାସ୍ |ଆରୁ ପାରମେଶ୍ୱରସ୍ ଧୁକା ସ୍ତିନ୍ ସାମୁଦାର୍ ଘି ଆମ୍ମୁ ବୋନ୍ ତିନା ଆରୁ ଡ଼େବ୍ ବା ତାରା କାମ୍ ଚେ ଚାସ୍ ,ଜେନଟା କା ସାମୁଦାର୍ ନ୍ତି ମାନିକିରୀ ଅଣ୍ଟା ପାବୁ ମାନଚା କେରାଦ୍ |

ଇସ୍ରାଏଲ୍ ଆଲାର୍ ନିଜର୍ ଦୁହୀ ତାରା ଆମମୁ ଘି ଦେୱାଲ ଗାନେ ଏହେଁଲା ନୁ ସମୁଦାର୍ ସ୍ତି ନ୍ ମାନିକିରୀ ଆଘଲୀ ବାଢ଼ ର୍ ତେ କେରାର୍ |

ବାକେନ୍ ପାରମେଶ୍ୱ ରସ୍ ହୁ ପାବୁ ନ୍ତି ବାଦଲୀ ଗେ ଉଠା ବାଚାସ୍ ତାକି ମିସ୍ରି ଆଲାର୍ ଇସ୍ରାଏଲ୍ ନ୍ତି ବାଛାରା କିରୀ କାଲତେ ଏରିୟାର୍ |ମିସ୍ରିର୍ ହୁବଡାର୍ ରିନ୍ ଧାରଗେ ଲାଗାନ ହୁବଡାର୍ ପିଛା କାମାଗେ ସୋଚ୍ ଚାର୍ |

ଆଖିର୍ ନୁ ହୁବଡାର୍ ସାମୁଦାର୍ ଘି ମାଝା ହୁ ପାବୁନ୍ତି ଇସ୍ରାଏଲ୍ ରିନ୍ ପିଛା କାମଚାର୍ ,ଲେକିନ୍ ପାରମେଶ୍ୱରସ୍ ମିସ୍ରି ରିନ୍ ଘାବରା ବା ଚିଚାସ୍ ଆରୁ ହୁବଡାର୍ ଘି ରାଥୁ ବୋନ୍ ଆଟକେ ଚିଚାସ୍ |ହୁବଡାର୍ ଚିରରା ଲାଗଗିୟାର୍ ,”ବୁଂଗା !ଇସ୍ରାଏଲ୍ ଲିର୍ ତାରନ୍ତି ପାରମେଶ୍ୱର୍ ସ୍ ଲାଡାଲ ଦାସ୍ !”

ଜାମା ଇସ୍ରାଏଲ୍ ଲିର୍ ସମୁଦାର୍ ଘି ଦୁସରା ପାଖା ତାରା ଆଣସିୟାର୍ କେରାର୍ |ବାକେନ୍ ପାରମେଶ୍ୱରସ୍ ମୁସା ସିନ ତେଂଗୀୟାସ୍ କା ନିନ୍ ଫିର୍ ସେ ଆମମୁ ଘି ମିୟାଁ ହେକଖା ବା ଢ଼ାବା |ଯେବାକେନ୍ ଏନ୍ନେ କାମଚାସ୍ ,ତା ଆମମୁ ମିସ୍ରି ସେନା ଘି ମିୟାଁ ବାରଚା କେରାଦ୍ ଆରୁ ନିଜର୍ ଏସ୍କେ ରଚାଦ୍ ହୋନ୍ନେ ମାନଚା କେରଦ୍ | ଜାମା ମିସ୍ରି ସେନାର୍ ଡୁବରା ର୍ କେରାର୍ |

ଯେତେ ବାକେନ୍ ଇସ୍ରାଏଲ୍ ଲିର୍ ଏରିୟର୍ କା ମିସ୍ରିର୍ କେଚଚାର୍ କେରାର୍ ବାକେନ୍ ହୁବଡାର୍ ପାରମେଶ୍ୱ ରସ୍ ଘି ମିୟାଁ ବିଶ୍ୱାସ୍ କାମଚାର୍ |ହୁବଡାର୍ ବିଶ୍ୱା ସ୍ କାମଚାର୍ କା ମୁସାସ୍ ପାରମେଶ୍ୱରସ୍ ଘି ତାର୍ତୀ ଭବିଷ୍ଯବକ୍ତାସ୍ |

ଇସ୍ରାଏଲ୍ ଲିର୍ ଇଦଘି ଲାଗାନ୍ ଜୁକକୁ ଖୁସିନୁ ରାଚାର୍ ଏନ୍ଦେର୍ ଗେ କା ପାରମେଶ୍ୱରସ୍ ହୁବଡ଼ାରୀନ୍ ଖିନାନ୍ତି ଆରୁ ଦାସ୍ ମାନ୍ ନାନ୍ତି ବାଛା ବାଚ୍ କା ଦାସ୍ |ଆକକୁନ୍ ହୁବଡା଼ର୍ ପାରମେଶ୍ୱରସ୍ ଘି ଆରାଧାନା କାମାଗେ ଆରୁ ହୁସ୍ ଘି ଆଜ୍ଞା ବୋନ୍ ମାନା ଗେ ଲାଗାନ୍ ଆଜାଦି ରାଚାର୍ |ଇସ୍ରାଏଲ୍ ଗୁଠିର୍ ନିଜର୍ ଆଜାଦି ଘି ପରବ୍ ମାନାଗେ ଲାଗାନ୍ ଆରୁ ପାରମେଶ୍ୱରସ୍ ସିନ ଖୁସି କାମାଗେ ଲାଗାନ୍ ଇୟଁ ଗିତୁ ଗୁଠିନ୍ ପଡି଼ୟାର୍ ଏନ୍ଦେର୍ ଗେ କା ହୁସ୍ ହୁବଡ଼ାରୀ ନ୍ ମିସ୍ରି ସେନାନ୍ତି ବାଚା ବାଚ୍ କା ଚାସ୍ |

ପାରମେଶ୍ୱରସ୍ ଇସ୍ରାଏଲ୍ ରିନ୍ ସବୁ ବରସ୍ ଅଣ୍ଟା ପରବ୍ ମାନାଗେ ଅନୁମତି ଚିଚ୍ ଚାସ୍ ଇବୋନ୍ ୟାଦ୍ କାମାଗେ ଲାଗାନ୍ ଏସ୍କେ ପରମେଶ୍ୱରସ୍ ମିସ୍ରି ରିନ୍ ହାରାଵା ଚିଚାସ୍ ଆରୁ ହୁବଡା଼ ଦାସ୍ ମାନ୍ନାନ୍ତି ଆଜାଦି କାମଚାସ୍ | ଇବୋଦ୍ ଫାସାହା ପରବ୍ ତେଂଗାକୋତ୍ |ଇସାନ୍ ହୁବଡାର୍ ଇଦଘି ଖୁସି ମାନାବାଗେ ଲାଗାନ୍ ଅଣ୍ଟା ବାନେ ଭେଡି଼ ଘି ହାଦ୍ଦୁ ବୋନ୍ ବାଳି କାମନା ରଚାଦ୍ ,ହୁବୋନ୍ ଭାଜିୟା ନା ରାଚାଦ୍,ଆରୁ ହୁବୋନ୍ ବିନା ଖାମିର୍ ବାଲା ଆସମା ଗାନେ ମୋହୋନା ରାଚାଦ୍ |