13. ଇସ୍ରାଏଲ୍ ଲିର୍ ଗାନେ ପରମେଶ୍ବରସ୍ ଘି ଶପଥ୍
ଇସ୍ରାଏଲ୍ ରିନ୍ ଲାଲ୍ ସାମୁଦାର୍ ସ୍ତି ନ୍ ପାର୍ ମାନିକିରୀ କାନ ଘି ବାଦ୍ନୁ , ପାରମେଶ୍ୱ ରସ୍ ହୁବଡାରିନ୍ ଜଂଗଲସ୍ତିନ୍ ମାନା କିରୀ ସିନେ ତେଂଗାନ୍ ବାଲା ପାର୍ତା ତାରା କେରାର୍ |ଇବୋଦ୍ ହୁ ପାର୍ତା ରାଚାଦ୍ ହୁସାନ୍ ମୁସାସ୍ ଲାଘ୍ ରନା ବାଲା ଝୁଣି ବୋଦ୍ ଏରକାଚାସ୍ |ହୁ ଆଲାର୍ ଗୁଠିର୍ ହୁ ପାର୍ତା ଘି କିୟାଁ ନିଜର୍ ତାମ୍ବୁ ଗୁଠିନ୍ ଖୁଟ୍ ଚାର୍ |
ପାରମେଶ୍ୱ ରସ୍ ମୁସାସିନ୍ ଆରୁ ଇସ୍ରାଏଲ୍ ଘି ଜାମା ଆଲାରିନ୍ ତେଂଗିୟାସ୍ ,”ନିମ୍ ଜାମା ବାକେ ନ୍ ଏଘାଁ କାତଥା ଗୁଠିବୋନ୍ ମାନକେ ଆରୁ ଏନ୍ଦେରି ନ୍ ଭି ଶପଥ୍ ଏନ୍ ନିମହା ଗାନେ ହିଚକା ଦାନ୍ ହୁ ବୋନ୍ ବାନେକିରୀ ଉଇକେ |ଆଗାର୍ ନିମ୍ ଏନ୍ନେ କାମୋର୍ ହାଲେ ,ତା ନିମ୍ ଏଘାଁ ପୁରସ୍କାର୍ ଆରୁ କିମତି ଧାନ୍ ନୁ ,ୟାଜାକ୍ ଜାମାର୍ ଘି ରାଜି ନ୍ ,ଆରୁ ଅଣ୍ଟା ପବିତ୍ର୍ ଜାତିର୍ ଠାହାରୋର୍ |”
ପାରମେଶ୍ୱ ରସ୍ ଘି ଚାଲତେ ହୁସଘି ଚାହାନୁ ବାରାଗେ ଲାଗାନ୍ ଆଲାର୍ ଗୁଠିର୍ ମୁନଟା ଉଲ୍ଲା ତୋକ୍ ନିଜର୍ ବୋନ୍ ତେୟାର୍ କାମଚାର୍ |ବାକେନ୍ ପାରମେଶ୍ୱର୍ ସ୍ ସିନେ ପାର୍ତା ଘି ମିଟି ସ୍ତି ନ୍ କିୟାଁ ଏତ୍ ତିୟସ୍ |ଯେ ବାକେନ୍ ହୁସ୍ ବାରଚା ସ୍ ବାକେନ୍ ଭୁମି କମ୍ପ୍ ମାନଚା ,ବିଜଲିଗୁଠି ଚାମ୍ କାରା,କୁହୁଡା଼ ଉଠ୍ ରଦ୍ ,ଆରୁ ତୋହୋଣେ ଗୁଠି ଘି ଜୋର୍ ସେ ଆୱାଜ୍ ମାନଚାଦ୍ |ବାକେନ୍ ମୁସାସ୍ ଖୁଦସ୍ ପାର୍ତା ମିୟାଁ ଆରଗିୟାସ୍ କେରାସ୍ |
ବାକେନ୍ ପାରମେଶ୍ୱରସ୍ ଆଲାର୍ ଗୁଠିର୍ ଘି ସାଂଗେ ଅଣ୍ଟା ଶପଥ୍ ହିଚାସ୍ |ହୁସ୍ ତେଂଗିୟାସ୍ .”ଏନ୍ ନିମହାଏଁ ଘି ପାରମେଶ୍ୱର୍ ,ୟୋହୋବା ନ୍ |ଏନ୍ ହି ଆତଲଦାନ୍ ନେର୍ ନିମ୍ ହାରିନ୍ ମିସ୍ରି ର୍ ଘି ଦାସ୍ ସ୍ତିନ୍ ଆମ୍ବତା ଚାସ୍ |ଏକରିନ୍ ଭି ଦେବତା ଘି ପୁଜା ପାଠ ଆମକେ କାମା |
“ମୁର୍ତି ଗୁଠିନ୍ ଆମକେ ବାନାବାଗେ ଆରୁ ହୁଦଘି ପୁଜାପାଠ୍ ଆମକେ କାମ ,ଏନ୍ଦେର୍ ଗେ କା ଏନ୍ ,ୟୋହୋବା ,ନିମ୍ ହାଏ ଘି ଅଣ୍ଟା ଖାଲି ପାରମେଶ୍ୱ ର୍ ଆତ୍ଲ୍ ଦାନ୍ |ମେଲାଂଗ୍ ଗେ ଏଘାଁ ନାମେ ବୋନ୍ ଆମକେ ହୁଆଁ ଗେ |ସାତ୍ ଉଲାବୋନ୍ ପବିତ୍ର୍ ମାନାଗେ ଲାଗାନ୍ ୟାଦ୍ କମକେ |ଦୁସରା ଶବ୍ଦ ନୁ ଛ :ଉଲ୍ଲା ଗୁଠିନୁ ନିଜର୍ ଜାମା ନାଲଖୁ ଗୁଠିନ୍ କାମକେ ,ସାତ୍ ଉଲ୍ଲ ନୁ ନିମହା ଲାଗାନ୍ ଆରମ୍ କାମକେ ଆରୁ ଏଂଗାନ୍ ୟା ଦ୍ କାମନା ଘି ଉଲ୍ଲାଦ୍ |”
ନିଜର୍ ଆୟାଂଗ୍ ଆରୁ ବାଂଗ୍ ରିନ୍ ଆଦାର୍ କାମକେ |ଆମ୍ କେ ପିଟାଗେ |ବ୍ୟାବିଚାର ଆମକେ କାମା |ଆମକେ ହାଡା଼ ଗେ |ନିଜର୍ ପାଡା଼ନ୍ତା ର୍ ଘି ଆଲିନ୍,ହୁବଡାର୍ ଘି ଏଡ଼ପାନ୍,ଆରୁ ହୁବଡା଼ର୍ ଘି ଏନ୍ଦ୍ରି ନ୍ ଭି ସାମାନ୍ ଗୁଠିନ ହୁଆଁ ଗେ ଲାଗାନ୍ ଆମକେ ଚାହା |”
ବାକେନ୍ ପାରମେଶ୍ୱରସ୍ ଇ ଦୋସ୍ ସେ ଟା ନିୟୋମ୍ ଗୁଠିବୋନ୍ ଚାଚାନୁ ଲିଖା କିରୀ ମୁସା ସିନ୍ ଚିଚ୍ କା ଚାସ୍ |ପାରମେଶ୍ୱରସ୍ ପାଲନ୍ କାମାଗେ ଲାଗାନ୍ ଆଲାରିନ୍ ଦୁସରା ଯୁକୁକ୍ ଲେଖା ନିୟୋମ୍ ଗୁଠିନ୍ ଚିଚାସ୍ |ଆଗର୍ ଏବଡ଼ାର୍ ଇ ନିୟୋମ୍ ଗୁଠିନ୍ ମାନୋର୍ ହାଲେ ପାରମେଶ୍ୱରସ୍ ହୁ ଆଲା ଗୁଠିରିନ୍ ଆସିସ୍ ଚୋସ୍ ଆରୁ ହୁବୋନ୍ ଯାତନା ଗେ ଶପଥ୍ କାମଚାସ୍ |ଲେକିନ୍ ହୁସ୍ ତେଂଗିୟାସ୍ କା ଆଗାର୍ ହୁବ୍ ଡାର୍ ଇବୋନ୍ ପାଲୋନ୍ ମା କାମୋର୍ ହାଲେ ହୁସ୍ ହୁବଡା଼ ରିନ୍ ଦଣ୍ଡ୍ ଚିୟୋସ୍ |
ପାରମେଶ୍ୱରସ୍ ଇସ୍ରାଏଲ୍ ରିନ୍ ଅଣ୍ଟା ବାଡ଼କା ତାମ୍ବୁ କାମାଗେ ତେଂଗିୟାସ୍ -ମିଲମିଲାପ୍ ବାଲା ତାମ୍ବୁ |ହୁସ୍ ହୁବଡା଼ରିନ୍ ଠିକ୍ ଠିକ୍ ତେଂଗିୟାସ୍ କା ଇ ତାମ୍ବୁ ବୋନ୍ ଏସ୍କେ କାମନା ଆତଲି ,ଆରୁ ହୁଦ୍ ଘି ଉଲାନୁ ଏକା ଜିନିସ୍ ଗୁଠିନ୍ ଉଇନା ଆତଲି | ହୁସ୍ ହୁସିନ୍ ହୁ ତାମ୍ବୁ ବୋନ୍ ଯୋଡେ଼ ବାଖରାନୁ ଭାଗ୍ କାମାଗେ ଲାଗାନ୍ ଅଣ୍ଟା ବାଡ଼କା ପାରଦା ବୋନ୍ କାମାଗେ ଲା ଗାନ୍ ତେଂଗିୟାସ୍ |ପାରମେଶ୍ୱରସ୍ ହୁ ପାରଦା ଘି ପାଛିଲି ତାରା ବାଖରାନୁ ବାରୋସ୍ ଆରୁ ହୁସାନ୍ ରୋସ୍ |ଏକାସାନ୍ ପାରମେଶ୍ୱରସ୍ ରାଚାସ୍ ହୁ ବାଖରା ଗେ କାଲା ଗେ ଲାଗାନ୍ ଖାଲି ମହାୟାଜକ୍ ରିନ୍ ଅନୁମୋତି ରାଚାଦ୍ |
ହୁ ଆଲାର୍ ଗୁଠିର୍ ହୁ ମିଲ୍ ମିଲାପ୍ ତାମ୍ବୁ ଘି ସାମନେ ନୁ ଅଣ୍ଟା ବେଦି କାମାଗେ ପାଡରୋଦ୍ |ନେର୍ ଭି ପାରମେଶ୍ୱରସ୍ ଘି ନିୟୋମ୍ ବୋନ୍ ଅନାଦାର୍ କମୋର୍ ହାଲେ ହୁସ୍ ହୁ ବେଦିନୁ ଅଣ୍ଟା ଜାନ୍ତୁ ବୋନ୍ ଅନ୍ଦ୍ରା କିରୀ ବାରୋର୍ |ବାକେନ୍ ୟାଜୋକ୍ସ୍ ବାଲୀ ଚିୟୋସ୍ ଆରୁ ବେଦିନୁ ପାରମେଶ୍ୱ ରସ୍ ଘି ଲାଗାନ୍ ବାଳି ଘି ରୁପ ନୁ ଜାଲାବୋର୍ |ପାରମେଶ୍ୱ ରସ୍ ତେଂଗିୟାସ୍ କା ହୁ ଜାନ୍ତୁ ଘି ହେସୁଁଁଦ୍ ହୁ ଆଲାସ୍ ଘି ପାପ୍ ଗୁଠିବୋନ୍ ଢ଼ାପୋ ଚୋଦ୍ |ଇ ରିତିନୁ ପାରମେଶ୍ୱରସ୍ ହୁ ପାପ୍ ବୋନ୍ ମା ଏରଦାସ୍ |ହୁ ଆଲାସ୍ ପାରମେଶ୍ୱରସ୍ ଘି ନଜର୍ ନୁ “ଶୁଦ୍ଧ “ଠାହାରାରୋର୍ ପାରମେଶ୍ୱରସ୍ ମୁସାସ୍ ଘି ଭାଇସ୍ ହାରୁନ୍ ଘି ବୋଂସୋର୍ ନିଜର୍ ୟଯୋକ୍ ମାନାଗେ ଚୁନ୍ ଚାସ୍ |
ପାରମେଶ୍ୱରସ୍ ହୁ ଗୁଠିରିନ୍ ଏନ୍ଦ୍ର୍ ଭି ନିୟୋମ୍ ଗୁଠିନ୍ ଚିଚ୍ ଚାକାର୍ ହୁବଡାର୍ ହୁବୋନ୍ ପାଲନ୍ କାମାଗେ ଲାଗାନ୍ ଶହୋ ତ ମାନଚାର୍ |ହୁବଡାର୍ ଖାଲି ପାରମେଶ୍ୱରସ୍ ଘି ଆଲ ମାନିକିରୀ ଖାଲି ହୁସଘି ଆରାଧାନାକାମାଗେ ଲାଗାନ୍ ସହୋମତ ମାନଚାର୍ |
ଇୟୋଁ ଉଲ୍ଲା ତୋକ୍ ,ମୁସାସ୍ ସିନେ ପାର୍ତା ଘି ଆଗ୍ ଗୀ ମିୟାଁ ନୁଁ ରାଚାସ୍ |ହୁ ପାରମେଶ୍ୱରସ୍ ଗାନେ କାତ୍ ଥା କାମାଲସ୍ |ଲେକିନ୍ ଆଲାର୍ ମୁସାସ୍ ଘି କିରନା ଇନ୍ତି ଜାର୍ କାମତେ ଥାକ୍ ରାର୍ କେରାର୍ |ବାକେନ୍ ହୁବଡାର୍ ଇ ବାକେନ୍ ହୁବଡାର୍ ହାରୁନସ୍ ଘି ଚାହାନୁ ସୋନା ଅନ୍ଦରିୟର୍ ଆରୁ ହୁସ୍ତି ନ୍ ଅଣ୍ଟା ମୁର୍ତି ବାନାବାଗେ ତେଂଗିୟାର୍ ତାକା ହୁବଡାର୍ ପାରମେଶ୍ୱରସ୍ ସିନ୍ ଆମ୍ବି କିରୀ ହୁଦଘି ପୁଜା ପାଠ୍ କାମ ଅଂଗୋର୍ |ଇ ଲେଖା ନୁଁ ହୁବଡାର୍ ଘି ଭାୟାନାକ୍ ରୁପ ନୁ ପାରମେଶ୍ୱରସ୍ ଘି ବିରୋଧ ନୁ ପାପ୍ କାମଚାର୍ |
ହାରୁନସ୍ ଭେଡି଼ ନ୍ ଅନ୍ଦରାକିରୀ ସୋନା ଘି ଅଣ୍ଟା ମୁର୍ତି ବାନାବାଚାସ୍ |ହୁ ଆଲାର୍ ଗୁଠିର୍ ମୁର୍ତି ଘି ପୁଜା ପାଠ୍ କାମାଗେ ସୁରୁ କାମଚାର୍ ଆରୁ ହୁବୋନ୍ ବାଲିଦାନ୍ ଚାଢ଼ା ବାଚାର୍ !ହୁବଡାର୍ ଘି ପାପ୍ ଘି ଚାଲତେ ପାରମେଶ୍ୱ ରସ୍ ହୁବଡାରିନ୍ ମୁରୁକ୍ ଖିସାରାଚାସ୍ | ହୁସ୍ ହୁବଡାରୀନ୍ ନଷ୍ଟ କାମାଗେ ଚାହାଲାସ୍ |ଲେକିନ୍ ମୁସାସ୍ ହୁବଡାରିନ୍ ମା ପିଟାଗେ ଲାଗାନ୍ ପାରମେଶ୍ୱରସ୍ ସିନ୍ ବିନ୍ତି କାମଚାସ୍ |ପାରମେଶ୍ୱରସ୍ ହୁସଘି ବିନ୍ତି ବୋନ୍ ମେନଚାସ୍ ଆରୁ ହୁବଡାର୍ ରିନ୍ ନଷ୍ଟ ମା କାମକଚାସ୍ |
ଆଖିର୍ ନୁ ମୁସାସ୍ ସିନେ ପାର୍ତା ସ୍ତି ନ୍ କିୟାଁ ଏତ୍ ତିୟାସ୍ |ହୁସ୍ ହୁ ଜୋଡ଼େ ଚାଚା ଘି ପାଟ୍ଟା ନ୍ ଅଚକାଚାସ୍ ହୁଁ ନନୁ ପାରମେଶ୍ୱରସ୍ ଦସ୍ ସେଟା ନିୟୋମ୍ ଗୁଠିନ୍ ଲିଖ୍ କାଚାସ୍ |ଆରୁ ହୁ ଫିର୍ ଆରୁ ହୁ ମୁର୍ତି ବୋନ୍ ଏରିୟାସ୍ |ହୁସ୍ ଏତକୋ ଖିସାରାଚାସ୍ କା ହୁସ୍ ଚାଚା ଘି ପାଟ୍ଟାନ୍ ଗୁଣ୍ଡା କାମଚେ ଚାସ୍ |
ଆରୁ ମୁସାସ୍ ମୁର୍ତି ବୋନ୍ ପିସା କିରୀ ହୁଦଘି ଗୁଣ୍ଡା କାମଚେଚାସ୍ ,ଆରୁ ଗୁଣ୍ଡା ବୋନ୍ ଆମ୍ମୁନୁ ମିଲାଵ କିରୀ ଆଲାରିନ୍ ଅମ୍ମୁବୋନ୍ ହାପତା ଚାସ୍ |ପାରମେଶ୍ୱରସ୍ ହୁ ଆଲାର୍ ଘି ମିୟାଁ ଅଣ୍ଟା ବିପଦ୍ ତାଇୟାସ୍ ଆରୁ ହୁସ୍ ସ୍ତି ନ୍ ଜୁକକୁ ଆଲାର୍ କେଚରାର୍ କେରାର୍ |
ଏକା ଚାଚା ଘି ପାଟ୍ଟା ବୋନ୍ ମୁସାସ୍ ହୋଟ୍ଟେ ଚିଚ୍ କା ଚାସ୍ ହିଦଘୀ ଜାଗାବୋନ୍ ହୁଆଁ ଗେ ଲାଗାନ୍ ମୁସାସ୍ ହୁ ଦୋଶ୍ ନିୟୋମ୍ ଗୁଠିନ୍ ଚାଚାଘି ପୁନା ପାଟ୍ଟା ନୁ ବାନାବାଚାସ୍ |ଆରୁ ହୁସ୍ ପାର୍ତା ମିୟାଁ ଆରଗିୟାସ୍ ଆରୁ ବିନ୍ତି କାମଚାସ୍ କା ପାରମେଶ୍ୱରସ୍ ହୁ ଆଲାରିନ୍ ଛେମା କାମୋସ୍ |ପାରମେଶ୍ୱରସ୍ ମୁସାସ୍ ଘି ବିନ୍ତି ମେନଚାସ୍ ଆରୁ ହୁବଡା଼ରିନ୍ ଛେମା କାମଚାସ୍ |ପୁନା ଚାଚା ପାଟ୍ଟା ଦୋସେ ଟାନିୟୋମ୍ ବୋନ୍ ଧାରା କିରୀ ମୁସାସ୍ ପାର୍ତା ସ୍ତି ନ୍ କିୟାଁ ଏତ୍ ତିୟାସ୍ |ବାକେନ୍ ପାରମେଶ୍ୱରସ୍ ସିନେ ପାର୍ତା ସ୍ତି ନ୍ ଅନ୍ଦା ରା କିରୀ ଶପଥ୍ ଘି ରାଜି ତୋକ୍ ଇସ୍ରାଏଲ୍ ରିନ୍ ଆଗୁଆଇ କାମଚାସ୍ |
निर्गमन अध्याय 19-34 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।