14. ୧୪ .ଜଂଗଲ୍ ନୁ ଭାଟ୍ କାରନା

ପାରମେଶ୍ୱରସ୍ ଇସ୍ରାଏଲ୍ ରିନ୍ ହୁ ନିଯୋମ୍ ବୋନ୍ ତେଂଗାଗେ ମୁନ୍ ଜାସ୍ ନେଖାହାର୍ ହୁବଡାରିନ୍ ହିଁ ଚକା ରାଇ ହୁସ୍ ଘି ଶପଥ୍ ବୋନ୍ ପାଲନ୍ କାମନା ରାଇଦ |ଆରୁ ହୁସ୍ ସିନେ ପାର୍ତା ସ୍ତିନ୍ ଆଗଲୀ ଆଗୁୱାଇ କାମଚାସ୍ |ହୁସ୍ ହୁବଡାରିନ୍ ଶପଥ୍ ଘି ରାଜି ଗେ ହୁଆଁ ବେଦ ଦାଲାସ୍ |ହୁ ରାଜି ବୋନ୍ କାନାନ୍ ରାଜି ତେଂଗା ଲାର୍ |ପାରମେଶ୍ୱ ରସ୍ ବାଦଲୀ ଘି ଖୁଟା ନୁ ହୁବଡାର୍ ଘି ଆଘଲି ଆଘଲି କେରାର୍ ,ଆରୁ ହୁବଡାର୍ ହୁଦ୍ ଘି ପାଛିଲି ପାଛିଲି କେରାର୍ |

ପାରମେଶ୍ୱରସ୍ ଆବ୍ରାହାମ୍,ଇସାହାକ୍ ଆରୁ ୟାକୁବ୍ ରିନ୍ ଶପଥ୍ କାମଚା କାଚାସ୍ କା ହୁ ପ୍ରତିଜ୍ଞା ଘି ରାଜିନ୍ ହୁବଡାର୍ ଘି ବାଉଁଶା ରିନ୍ ଚୋସ୍ ,ଲେକିନ୍ ହୁ ସାମୀଏଁ ନୁ ହୁସାନ୍ ଜୁକକୁ ଗୁଡେ ଜାତିୟାର୍ ରାଲାର୍ |ହୁବଡାରିନ୍ କାନାନୀ ତେଂଗାକାଲାଦ୍ |ହୁ କାନାନୀ ଆଲାର୍ ପାରମେଶ୍ୱ ର୍ ସିନ ଆରାଧାନା ମା କାମାଲାର୍ ଆରୁ ହୁସ୍ ଘି ଆଦେସ୍ ବୋନ୍ ମା ମାନାଲାର୍ |ହୁବଡାର୍ ଝୁଠା ଦେବତା ଗୁଠିନ୍ ପୁଜାପାଠ୍ କାମାଲାର୍ ଆରୁ ମୁରୁକ୍ ଲେଖା ନୁ ଖାରାପ୍ ନାଲଖୁ କାମାଲାର୍ |

ପାରମେଶ୍ୱରସ୍ ଇସ୍ରାଏଲ୍ ଲିରିନ୍ ତେଂଗୀୟାସ୍,”ଯେ ବାକେନ୍ ନିମ୍ ହୁ ଶପଥ୍ ଘି ରାଜି ନୁ କୋର୍ ହାଲେ ହୁସାନ୍ ନ୍ତାର୍ ଜାମା କାନାନିୟାର୍ ସ୍ତିନ୍ ଛୁଟ୍ କାରା ମନୋର୍ |ହୁବଡାର୍ ଗାନେ ମିତ୍ରତା ଆମକେ କାମା ଆରୁ ହୁବଡାରିନ୍ ଆମକେ ବେନ୍ ଞ୍ଜେରା |ନିମ୍ ହୁବଡାର୍ ଘି ଜାମା ମୁର୍ତି ଗୁଠିନ୍ ପୁରାନୁ ଖତମ୍ କାମକେ ଚିଚ୍ କେ |ଆଗାର୍ ନିମ୍ ଏଘାଁ କାଥଥା ବୋନ୍ ମା ମେନୋର୍ ହାଲେ ,ତା ନିମ୍ ଏଘାଁ ଚାଲତେ ହୁବଡା ରଘି ଦେବତା ଗୁଠିନ୍ ପୁଜାପାଠ୍ କାମାଲାଗୋର୍ |

ଯେ ବାକେନ୍ ଇସ୍ରାଏଲ୍ ଲିର୍ କାନାନ୍ ଘି ସୀମା ନୁ ଆଣସିୟା ର୍ ,ମୁସାସ୍ ଇସ୍ରାଏଲ୍ ଘି ଜାମା ଗୋତର୍ ସ୍ତିନ୍ ଅଣ୍ଟା ଅଣ୍ଟା କାମିକିରୀ ବାରୋଟା ଆଲାରିନ୍ ଚୁନଚାସ୍ |ହୁସ୍ ହୁବଡାରିନ୍ ତଇୟାସ୍ କା ହୁ ରାଜିଦ୍ ଏସ୍କେ ଆତଲି ବୁଲି କିରୀ ଏରାଗେ ତଇୟାସ୍ |ହୁବଡାର୍ ହୁ କାନାନିୟାର୍ଘି ଭେଦ୍ ବୋନ୍ ଅନ୍ଦ୍ ରାନା ରାଚାଦ୍ ଆରୁ ଏରକେ କା ହୁବଡାର୍ ଶକ୍ତି ଶାଳି ଆତ୍ଲ୍ ନାର୍ କା ଦୁର୍ବଳ ଆତ୍ଲ୍ ନାର୍ |

ହୁ ବାରୋ ଆଲାର୍ କାନାନ୍ ରାଜିନ୍ ନ୍ତି ମାନିକିରୀ ଚାଲିସ୍ ଉଲ୍ଲା ତୋକ୍ କେରାର୍ ଆରୁ ହୁବଡାର୍ କିରିୟାର୍ ବାରଚାର୍ |ହୁବଡାର୍ ଆଲାରିନ୍ ତେଂଗିୟସ୍ ,”ହୁ ରାଜି ନୁ ମୁରୁକ୍ ଉବଜାନାର୍ ବାଲା ଜାଗାହ ଆତଲି ଆରୁ ଚାଷ୍ ବାସ୍ ମୁରୁକମାନି ଦ୍ |ଲେକିନ୍ ଦସ୍ ଲୋକ୍ ଯାଁଚପାରତାଲ୍ କାମୁର୍ ତେଂଗିୟାସ୍ ,”ହୁବଡାର୍ ଘି ପାଡା ଶକ୍ତିଶାଳି ଆତଲି ,ଆରୁ ହୁବଡ଼ା ଆଲାର୍ ଲାମ୍ବା ଚଉଡା଼ ଆତ୍ଲ୍ ନାର୍ !ଲେକିନ୍ ନାମ୍ ହୁବଡାରିନ୍ ହାମାଲା କାମୋତ୍ ହାଲେ ,ତା ସଥେନ୍ ହି ହୁବଡାର୍ ନାମାରିନ୍ ହାରାବୋଚର୍ ଆରୁ ନାମାରିନ୍ ପିଟୋର୍ ଚର୍ |”

ହୁବାକେନ୍ ନୁ କାଲେବସ୍ ଆରୁ ୟହୋସୁ ସ୍ ଆରୁ ଦୁସରା ଜୋଡ଼େ ଯାଚପାରତାଲ୍ କାମୁର୍ ତେଂଗିୟାର୍ ,”ସୋଥେନ୍ କା କାନାନ୍ ନ୍ତା ଆଲାର୍ ଲାମ୍ବା ଆରୁ ଶକ୍ତି ଶାଳିର୍ ,ଲେକିନ୍ ସୋଥେନ୍ ହି ନାମ୍ ହୁବଡାରିନ୍ ହାରାବା ଅଂଗତ୍!ପାରମେଶ୍ୱ ରସ୍ ନାମାଗେ ଲାଗାନ୍ ଲାଢ଼ୋସ୍ !”

ଲେକିନ୍ ଆଲାର୍ କାଲେବ୍ ଆରୁ ୟହୋସୁ ର୍ ଘି କାତ୍ ଥା ମା ମେନଚାର୍ |ହୁବଡାର୍ ମୁସା ଆରୁ ହାରୁନ୍ ସିନ୍ ଖିସାରାର୍ ଆରୁ ତେଂଗି ୟାର୍ ,”ନିମ୍ ଏମାରିନ୍ ଇ ଖାତରା ଜାଗାନୁ ଏନ୍ଦେର୍ ଗେ ଅନ୍ଦର୍ କାର୍ ?ଏମାରିନ୍ ମିସ୍ର୍ ରାଜିନୁ ରାନା ରାଚାଦ୍ | ଲେକିନ୍ ଏମ୍ ହୁ ରାଜିନୁ କୋମ୍ ହାଲେ ଏମ୍ ଲାଢ଼େ ଇ ନୁ ଖିଆମ କୋମ୍ ,ଆରୁ କାନାନ୍ ନ୍ତା ର୍ ଆଲାର୍ ଏମହାଏ ମୁକ୍ କା ଆରୁ ହଦ୍ଦୁ ରିନ୍ ଦାସ୍ ବାନାବୋର୍ |”ହୁବଡାର୍ ଆଲାର୍ ମିସ୍ରି ରାଜି କିରରାଗେ ଲାଗାନ୍ ଅଣ୍ଟା ଦୁସରା ଆଗୁଆ ସିନ ଚାଜା ଚାହାଲାର୍ |

ବାକେନ୍ ହୁ ଆଲାର୍ ଏନ୍ନେ ତେଂଗିୟାର୍ ବାକେନ୍ ପାରମେଶ୍ୱରସ୍ ମୁରୁଖ୍ ଖିସାରାସ୍ |ହୁସ୍ ମିଲମିଲାପ୍ ତାମ୍ବୁନୁ ବାରଚାସ୍ ଆରୁ ତେଂଗିୟାସ୍,”ନିମ୍ ଏଘାଁ ବିରୁଦ୍ଧନୁ ଛାଲ୍ କାମଚ୍ କାଦାର୍ ,ଇଦ୍ ଘି ଲଗାନ୍ ନିମ୍ ସାଫାର୍ ଇ ଜଂଗଲ୍ ନୁ ଭାଟ୍କାର୍ ନା ପାଡରୋଦ୍ |ହାର୍ ଅଣ୍ଟା ଆଲାର୍ ବିସ୍ ବରସ୍ ନ୍ତା ଆରୁ ବାଗଗେ ବରସ୍ ନ୍ତା ହୁସାନ୍ ଖିଆର୍ କୋର୍ ଆରୁ ଏକା ବାକେନ୍ ଭି ହୁ ରାଜିନୁ କୋରାଗେ ପଲଦାର୍ ଯେ ବୋନ୍ ଏନ୍ ନିମାଗେ ଚିଆଲ୍ ଦାନ୍ |ଖାଲି କାଲେବ୍ ଆରୁ ୟହୋସୁ ସ୍ କୋରା ଅଂଗର୍ |”

ଯେ ବାକେନ୍ ଆଲାର୍ ପାରମେଶ୍ୱରସ୍ ଘି ଏନ୍ନେ ତେଂଗତେ ମେନଚାର୍ ,ବାକେନ୍ ହୁର୍ ଦୁଖୀ ମାନଚାର୍ ଏନ୍ଦେର୍ ଗେ କା ହୁବଡାର୍ ପାପ୍ କାମଚକାରଚାର୍ |ଇଲେଖାନୁ ହୁବଡାର୍ କାନାନ୍ ନ୍ତାର୍ ଆଲାର୍ ଘି ମିୟାଁ ହାମଲା କାମାଗେ ଲାଗାନ୍ ତେୟାରୀ କାମଚାର୍ |ମୁସାସ୍ ହୁବଡାରିନ୍ ମା କାଲାଗେ ଲାଗାନ୍ ଚେତାବାନି ଚିଚାସ୍ ଏନ୍ଦେର୍ ଗେ କା ପାରମେଶ୍ୱରସ୍ ହୁବଡାର୍ ଘି ସାଂଗେନୁ ମାକାଦାସ୍ ,ଲେକିନ୍ ହୁବଡାର୍ ହୁସଘି କାଥ୍ ଥା ବୋନ୍ ମା ମେନଚାର୍ |

ପାରମେଶ୍ୱରସ୍ ଇ ଲାଢ଼େଇ ନୁ ହୁବଡାର୍ ଘି ସାଂଗେନୁ ମା କେରାସ୍ ,ଇଦଘି ଲାଗାନ୍ କାନାନିଆର୍ ହୁବଡାରିନ୍ ହାରାବା ଚିଚଚାର୍ ଆରୁ ହୁବଡାର୍ ସ୍ତି ନ୍ ଜୁକକୁରିନ୍ ପିଟେଚାର୍ |ବାକେନ୍ ଇସ୍ରାଏଲ୍ ଲିର୍ କାନାନ୍ ସ୍ତି ନ୍ କିରୟାର୍ |ଆଘଲି ଚାଲିସ୍ ବରସ୍ ତୋକ୍ ,ହୁବଡାର୍ ଜଂଗଲ ନୁ ହିୟା ହୁଇୟା ଭାଟ୍ କାରାଚାର୍ |

ଇସ୍ରାଏଲିର୍ ଆଲାର୍ ସ୍ତିନ୍ ଜଂଗଲ୍ନୁ ଭାଟ୍କାର୍ନା ଘି ଚାଲିଶ୍ ବରଷ୍ ଘି ବାଦ୍ ନୁ ପାରମେଶ୍ୱରସ୍ ହୁବ୍ଡ଼ାର୍ ଘି ଦାର୍କାରି ଗୁଠିନ୍ ପୁରା କାମ୍ ଚାସ୍ । ହୁସ୍ ହୁବ୍ଡ଼ାରିନ୍ ସରଗ୍ ସ୍ତିନ୍ “ମାନ୍ନା“ ତେଂଗ୍ନାବାଲା ଆସ୍ମା ଚିଚ୍ ଚାସ୍। ହୁବ୍ଡ଼ାର୍ ଅଡ଼ା ଘି ଝୁଣି ସ୍ତିନ୍ (ଜେ କି ଆଧା ମିଆ ବାରିକିରି ଅଡ଼ାମାନିଦ୍) ହୁଦ୍ ଘି ଛାଇଁନୁ ତାଇୟାଗେ ହୁଦ୍ ଘି ଚାହାନୁ ଅନାଗେ ଲାଗାନ୍ ଆହାଡ଼ା ରୋଦ୍। ହୁ ପୁରା ସମୟନୁ, ପାରମେଶ୍ୱରସ୍ ହୁବ୍ଡ଼ାର୍ ଘି ଚିଢ଼ା ଗୁଠି ଆରୁ ଜୁତା ଗୁଠି ଘି ଏଟ୍ରେନାସ୍ତିନ୍ ବାଚାବା ଉଇୟାସ୍।

ଏତକ ତକ୍ କା ପାରମେଶ୍ୱରସ୍ ହୁବ୍ଡ଼ାର୍ ଗେ ଆମ୍ମୁ ହାପ୍ପାଗେ ଲାଗାନ୍ ଚମତ୍କାର୍ ରୂପ୍ ସ୍ତିନ୍ ଚାଟ୍ ଣିନ୍ ସ୍ତିନ୍ ଆମ୍ମୁ ଅଥ୍ରାସ୍ ଲେକିନ୍ ଇ ଜାମା ମାନ୍ତେ ହୋଇ, ଇସ୍ରାଏଲିର୍ ଆଲା ଗୁଠିର୍ ପାରମେଶ୍ୱରସ୍ ଘି ବିରୁଦ୍ଦନୁ ଆରୁ ମୁଶାସ୍ ଘି ବିରୁଦ୍ଦନୁ ନିନ୍ଦା କାମ୍ ଚାର୍ ଆରୁ କୁଡ଼ କୁଡ଼ରାର୍। ହାଲେ ହି, ପାରମେଶ୍ୱରସ୍ ବିଶ୍ୱାସ୍ ୟୋଗ୍ଯ ରାଚାସ୍। ହୁସ୍ ଜେନ୍ ଶପଥ୍ କାମ୍ ଚାକା ଚାସ୍ କାହୁସ୍ ଆବ୍ରାହାମ୍ ,ଇସାହାକ୍ ଆରୁ ୟାକୁବ୍ ଘିର୍ ବଂଶ୍ ଗୁଠିର୍ ଘି ଲାଗାନ୍ ହୁସ୍ କାମ୍ ଚାକା ଚାସ୍।

ଅଣ୍ଟା ଆରୁ ସମୟ ବାକେନ୍ ହୁବ୍ଡ଼ା ଆଲାର୍ ଘି ଚାହାନୁ ଆମ୍ମୁ ମାଲ୍ଲାରୁଦ୍, ପାରମେଶ୍ୱରସ୍ ମୋଶାସିନ୍ ତେଂଗିୟାସ୍, “ଚାଟ୍ ଣିନ୍ତି କାଥ୍ଥା କାମା ହୁସ୍ ତିନ୍ ଆମ୍ମୁ ଉର୍ଖ ।”ଲେକିନ୍ ମୁଶାସ୍ ଚାଟ୍ ଣି ଗାନେ କାଥ୍ଥା ମା କାମ୍ଚାସ୍। ଲେକିନ୍ ଉବୋନ୍, ହୁସ୍ ଲାଠିସ୍ତିନ୍ ଚାଟ୍ନି ମିୟାଁ ଦୁଇଥର୍ ଡେମ୍ଚାସ୍ । ଇ ଲେଖାନୁ ହୁସ୍ ପାରମେଶ୍ୱରସ୍ ସିନ୍ ନିରାଦାର୍ କାମଚାସ୍। ଜାମାର୍ ଗେ ହାପ୍ପା ଗେ ଲାଗାନ୍ ଚାଟ୍ ଣିନ୍ତି ଆମ୍ମୁ ଉର୍ଖା ବାର୍ଚ, ଲେକିନ୍ ପାରମେଶ୍ୱରସ୍ ମୁଶାସିନ୍ ଖିସା ରାଚାସ୍ ।ହୁସ୍ ତେଂଗିୟାସ୍,”ଏନ୍ଦେର୍ ଗେନିନ୍ ଏନ୍ନେ କାମଚ୍କାଏ , ଏଦ୍ ଘି ଲାଗାନ୍ ନିନ୍ ଶପଥ୍ ଘି ରାଜିନୁ କରାଗେ ପଲ୍ ଦାଏ ।”

ବାକେନ୍ ଇସ୍ରାଏଲ୍ ଲିର୍ ଆଲାର୍ ଚାଲିଶ୍ ବରଶ୍ ତକ୍ ଜଂଗଲ୍ନୁ ଭାଟ୍କା ରାଚ୍କା ଚାର୍ । ହୁବାକେନ୍ ପାରମେଶ୍ୱରସ୍ ବିରୁଦ୍ଧ୍ ଲାଡ଼େଇ କାମ୍ ଚାକା ଚାର୍ ହୁବ୍ଡ଼ାର୍ ଜାମାର୍ କେଚ୍ଚାର୍ କେର୍କା ଚାର୍ । ହୁବାକେନ୍ ପାରମେଶ୍ୱରସ୍ ହୁ ଆଲାରିନ୍ ଆରୁ ହି ଶପଥ୍ ଘି ରାଜି ଘି ଶିବାନେ ତକ୍ ଅଚାସ୍ କେରାସ୍ । ଆକ୍କୁନ୍ ମୁଶାସ୍ ମୁରୁକ୍ ପାଚ୍କି ମାନ୍ଚାସ୍ କେର୍କାଚାସ୍, ହୁଦ୍ ଘି ଲାଗାନ୍ ପାରମେଶ୍ୱରସ୍ ଆଲାର୍ ଘି ଆଗ୍ ୱାଇ କାମାଗେ ଲାଗାନ୍ ହୁବ୍ଡ଼ାର୍ ଘି ମାଦେତ୍ କାମାଗେ ଲାଗାନ୍ ୟହୋଶୁସ୍ ସିନ୍ ଚାଜିୟାର୍ । ପାରମେଶ୍ୱରସ୍ ମୁଶାସ୍ ସିନ୍ ଇ ଘି ଶପଥ୍ କାମ ଚାସ୍ କା ଅଣ୍ଟା ଉଲ୍ଲାନୁ ହୁସ୍ ହୁ ଆଲାର୍ ଘି‍ଚାହାନ୍ ମୁଶାସ୍ ଲେଖା ଅଣ୍ଟା ଭବିଷ୍ଯବକ୍ତାସିନ୍ ତାଇୟସ୍।

ହୁ ବକେନ୍ ପାରମେଶ୍ୱରସ୍ ମୁଶାସିନ୍ ଅଣ୍ଟା ପାର୍ତାଗେ ମିୟାଁକାଲାଗେ ତେଂଗିୟାସ୍ ତାକି ହୁ ଶପଥ ଘି ରାଜି ବୋନ୍ ଏରା ଅଂଗସ୍ । ମୁଶାସ୍ ହୁ ଶପଥ୍ ଘି ରାଜିବୋନ୍ ଏରିୟାସ୍ ଲେକିନ୍ ପାରମେଶ୍ୱରସ୍ ହୁ ସିନ୍ ହୁ ସାନ୍ କାଲାଗେ ଅନୁମତିମା ଚିଚ୍ ଚାସ୍ । ତା ମୁଶାସ୍ କେର୍ଚାସ୍ କେରାସ୍, ଆରୁ ଇସ୍ରାଏଲିର୍ ତିରିଶ୍ ଉଲ୍ଲା ତକ୍ ଦୁଖି ମାନ୍ଚାର୍ । ଯହଶୁସ୍‍ ହୁବ୍ଡ଼ାର୍ ଘି ପୁନା ଆଗୁଆ ମାନ୍ଚାସ୍ । ଯହଶୁସ୍ ଅଣ୍ଟା ବାନେ ଆଗୁଆ ରାଚାସ୍ ଏନ୍ଦେର୍ ଗେ କା ହୁସ୍ ପାରମେଶ୍ୱରସ୍ ଘି ମିୟାଁ ଭାରସା କାମଚ୍ କା ଚାସ୍ ଆରୁ ହୁସ ଘି କାଥ୍ଥା ଗୁଠି ବୋନ୍ ମାନ୍ ଚାକା ଚାସ୍ ।