10. दहे समस्याला
परमेश्वर य मूसा और हारून क्ये धमकी जिबे कि फिरौन जिद्दी हि रि। जब व्हाईला फिरौन क्ये पास कासी तब आईला चिनेसी, “इस्त्राएल क्ये परमेश्वर अय चिनेरेय, ‘ना मंछ्ला गा हाबेने!’” पर फिरौन य आय्क्ये हा कुन्हा और इस्त्राएलियो क्ये गा हाबेनी खानी आजाद घय क्ये बजाय आई आईला मुस्किल मेहनत घय खानी मजबूर जिघा।
फिरौन न्य आय मंछला गा हाबे खानी लगातार मना घय हा, अय कारणय परमेश्वर मिस्त्र देहया दहे भयंकर समस्या जिबेसी। अय समस्याक्ये कारण, परमेश्वर फिरौन क्ये चिहामटे कि व्हाई फिरौन और मिस्त्र देह्क्ये सेडाला होई झिक्क शिक्ति वालो हि।
परमेश्वर नील गान्गे हुईया बदेलाहे ,पर फिरौन क्ये अतर लय इस्त्राएलियो हां गा स्याबे।
परमेश्वर पुरो मिस्त्र देह्या गोगोच्चाला घाल्वा। फिरौन य गोगोच्चाला दूर घय खानी जानकारी मूसा जिबे जम्मा गोगोच्चाला क्ये सी क्ये बाद, फिरौन नय पान मनोव मजबूत खय्या और इस्त्राएलियो क्वो मिस्त्र दी हा गा स्याबेसी।
अय कारणय परमेश्वर चीतिलाको समस्या घाल्वा। आइके बाद डाहे समस्या घाल्वा। फिरौन नय मूसा और हारून क्ये नोकाहे और अय चिने कि अगर व्हाई समस्या रोक्यो बे त्ये इस्त्राएली मिस्त्र क्ये हड्डोते गा हाकोयेरे जब मूसा य बिनती खय्या तब परमेश्वर मिस्त्र या डाहला हटावासी । पर फिरौन य पान क्ये मनोव मजबूत खय्या और आइलाय मंछला आजाद हिते हा गा स्याबेसी।
आयक्ये गेंता, परमेश्वर य मिस्त्रियो जम्मा चिपारयो डीनगोला क्ये बीमार हिते सिहाबेसी। पर फिरौन क्ये मनाव मजबूत खय्या और आईला इस्त्राएलियो ला हा गा हाबा।
तब परमेश्वर मूसा य फिरौन क्ये सामने हवा क्ये घवरे चोड़े खानी चिने। जब आई इंद खय्या टो मिस्त्र क्ये मंछला क्ये खालावया जलन वालो फोड़ाला तोंगेसी ,पर इस्त्राएलियो ला डाहांना हिये परमेश्वर य फिरौन क्ये मनाव मजबूत झिघयबा, और फिरौन य एस्त्राएलियो क्ये आजाद हिते हा गा स्याबेसी।
आयके बाद, परमेश्वर य डार गिराववा और मिस्त्र क्ये झिक्कय झिक्क खेती खत्म जिघयबा और ज्यो कोई बहारी तोंगे आई हाता। फिरौन य मूसा और हारून क्ये चिनोकेसी और आयला चिनेसी, “नाय पाप घय हाउरे। नानी गा स्याकोयेरे। ” मूसा य बिनती खय्या कि, और देहो दी डार गिरवो क्ये बंद हिये।
आजाद हिते हा गा हाबा। पर फिरौन य फिर पाप खय्या और पानक्ये मनोव मजबूत खय्या। इस्त्रैलियो आजाद हिते गा हां स्याबेसी।
बादया परमेश्वर य मिस्त्र या टिड्डिला दल सिला बी हाबासी। अय टिड्डीला आई जम्मा खेती जा हे जो डारय बेचो हासी।
पय परमेश्वर ठेप्पे खय्या ज्यो हुंग ध्यंग झानी बनिव व्हा। अय अचे भयानक हि कि मिस्त्रि वालोला नाव दि बहारी हा बिहाक्वाहे। पर जाहा इस्त्राएली मंछ्ला कुहनेसी आइया रोंग हि।
अय नववे समस्याला क्ये बाद, फिरौन न्य इस्त्राएलियो ला आजाद हिते हा गा स्याबेसी। फिर फिरौन न्य हा कुन्हा आय कारणय परमेश्वर डा अंतिम समस्या घाल्लो खानी उपाई पनाउवा। आय फिरौन क्ये मनाव जिबदेलोरिबय।
निर्गमन अध्याय 5 -10 दी डा बायबल क्ये कहानिव
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।