9. परमेश्वर मूसा चिनोक्ये

यूसुफ क्ये सिक्ये बाद आइके जम्मा रिस्तेदारावला मिस्त्र देह्या होयेसी। व्हाई और व्हाईक्ये गेदाव क्ये गेदाव मिस्त्र देह्या या कुहासी और आईला भोत गेदाव पयदा खयाहे। व्हाईला इस्त्राएली चिनेसी|

कई ह्ये साल बाद, इस्त्राएलियो क्ये गिन्तिव भोत बाद्दो भंगे| मिस्त्री देह क्ये मंछला अब अय बतकाऊ फर्क हा पवोरे कि यूसुफ य जो खयस्यबासी खयते, कि आईला क्ये मदद घय खानी यूसुफ भोत कुछ घयस्याबासी। इस्त्राएलियो खानी बाड़ीयेसी मिस्त्र देह क्ये मंछ्ला गिनतिया भोत कमी हि| अय कारणय मिस्त्र देह्या राज जिघय वालो राजा इस्राएलियों क्वो मिस्त्रियो ला गुलाम जिबनावेसी।

मिस्त्रियो य इस्त्राएलियो भोत बयना, बयना नावला और अय झानी कि घयनु शहरला बनाऊ खानी मजबूर खय्यासी। आई बहोत मेहनतय जिघयला आईला जिन्दगी सिला बयना दुखि जिबनाऊबासी, पर परमेश्वर य आईला आशीर्वाद जिब्बेसी और आईला जिक्क गेदासिला पयदा हिरी।

राजा य दब्वा कि इस्त्राएलियो ला क्ये झिक्क गेदासिला प्यदा ही हायरे, अय कारणय आय पान मंछला नासी कि इस्त्राएलियो क्ये जम्मा पयला पया गेदासिला क्ये नील गान्गया चोड़ेते हाते क्ये आदेस जिबेसी।

डा बिशेष एस्त्राएली मठ्याय डा पयला गेदा जन्म बा। आय और आयक्ये गिरोव गय जत्ती ही हाक्वा आय गेदा क्ये लुपाहे।

जब आय गेदा क्ये इय्याव – बब्बाव गय आय झिक्क हां लुपे हाक्वाहे, त्ये आयलाय आय सी होय बचाव खानी आय तितेर्यो वालो टोकरिया नील गान्गे किनाराव्या झाङीला क्ये बिचया थाहे। आयक्ये बयना बहिन्याव आय दब्बो खानी आयक्ये निगरानी घय खानी कि आय हाते हांङ हिरी खयते।

राजा क्ये गाड़ोगय आय टोकरी चेपोते आय भोतोरी दब्वा। जब आय डा पया चेपा त्ये आय पान पयाव क्ये रुपया काता। आय डा एस्त्राएली मठ्या आय दुधंङ हायटे खानी कामया था, बिन अय दहेते कि आय पया क्ये हाचिको इय्याव ही। जब आय गेदा अच्च बयना हिय्ये कि अब आय पान इय्याव क्ये दुधाव क्ये जरूरत हां ही, त्ये आय राजा क्ये गाड़ोव वापस लोटाव्वा, आयक्ये नामु मूसा ही।

डा ध्यंङ, जब मूसा बयना हिय्ये, त्ये आय दब्वा कि डा मिस्त्री डा एस्त्राएली क्ये हानूहा। मूसा य पान हंगाव एस्त्राएली क्ये बचाव कोशिश घय हां।

जब मूसा य हुच्वा कि आय हुइना चिचेपोरी त्ये आय अय मिस्त्री क्ये हाता और आयक्ये हेराव दफन खय्या। पर जो मुसा य जो खय्या आय हुइनु चिचेपा।

राजा क्ये मालुम हिय्ये कि मुसा य हांङ खयहावरे। अय आय हाते क्ये कोशिश खयहावरे , पर मूसा मिस्त्र दी मांङगया थावक्ये। राजा क्ये सिपाहिला आय हां मरा हाक्वाहे।

मिस्त्र दी दूर मांङया मूसा डा ग्वालो बनिव्वा। आय व्हाईया डा मठ्या हाते बर्यातिव खय्या और नि पयाव पयदा खय्या।

मूसा य पान सोरजुव क्ये भेड़ाव क्ये झुंडा वला क्ये देख भालाव खयने। डा ध्यंङ, आय डा चिहु झाडी क्ये चेपा जो भस्म हिय्ये बिन जल्लो हा। आय दब्बो खानी व्हाई आय झाड़ी क्ये पास का। जब व्हाई आयक्ये झिक्कल नजदीक ही त्ये परमेश्वर य आय हात बतकाव खय्या। आय चिने, “हे मुसा पान जोधागे उतारो। नंङ डा पवित्र जग्गाया ठाड्डो ज्युस्या। ”

परमेश्वर य चिने, “नाय पान मंछला क्ये दुःख्ख सिला चेपो हावरे। ना नंङ राजा क्ये पाह घाल्लोने तबय नंङ एस्त्राएलियो ला मिस्त्र देह क्ये गुलामे दी तोने स्याकोरिव। ना आयला कनान देहे बेरिव्सी, व्हाई देहे जो नाय अब्राहम, इसहाक और याकूब हाते वाद्दा घय हा। ”

मूसा य होद्या, “अगर मंछलाय दहे क्ये हुचोरे कि ना हुई घाल्लो हायरे त्ये ना हांङ नेरिवसी ?” परमेश्वर य चिने, “ जो ना गुहा सो ना गुहा। आयला नासिना, ‘ना गुहा य ना ननिला पाहे घाल्लोहायरे। ’ आयला अय लय नासिना, ‘ना ननिला पित्रला अब्राहम, इसहाक और याकूब क्ये परमेश्वर यहोवा ही। ’ ना नामुये सदा खानी ही। ”

मूसा पाड़ीने और राजा क्ये पास गा क्ये हां चाहोने हान्खानी कि आय हुच्वा कि व्हाई निक्को हां ह्आ हाक्कोरिव, अय कारणय परमेश्वर य मूसा क्ये बव्वाव, हारून, क्ये आयक्ये मद्दाव घय खानी घाल्वा।