8. परमेश्वर युसूफ और आइके परिवाराव बचावरिव

कई सालो बादे , तब याकूब बूड़ा हिये, आई पानके प्यारो पयाव युसूफ क्वो पानके भवालाके हालचाल घय खानी घाल्वा, ज्यो डीन्गोला क्ये झुन्डलाया देखरेख घय हासी।

युसूफ क्ये भवावला आईखानी जलन खयनेसी आइक्ये बब्बाव आई हंगे झिक्क प्यार खयन्याहे और युसूफ य ह्यने चेपा ,व्हाई आइलाके ठाई सासन घय चेप्वा। युसूफ पान भाववासिलाया पिए, आइलाय आई चिहोय्ये ओर आई नोकरावला क्ये चिखरिदोला और चिकाल्तेला क्ये हाकोया काल्ताहे ।

नावया बी होय पायलोले यूसफ क्ये भववागलाय यूसुफ क्ये लत्ताव हाचेते बाक्काके हुईयुया पाझियाहे। पय आइलाय व्हाई लत्ता पान बब्बासिला हामटाहे जोहो कि व्हाई हुचोरीव क्ये मानङ क्वो दिन्गोलाय चिहते हिरी खयते। याकूब भोते हुच्चों हा।

नोकरावला क्ये चिखरिदोला और चिकाल्तेला वालोलाय यूसुफ क्ये मिस्त्र देह ज्याते। मिस्त्र देह ज्यो नील गांगे किनारावया बसिवतरा डा बयना और शक्तिवालो देह हि। नोकरावला क्ये चिखरिदोला और चिकाल्ते वालोलाय यूसुफ डा पयहावालो सरकारी अधिकारी क्वो नोकर हि खानी कालताहे। यूसुफ य पान मालिकाव क्ये निक्कोय सेवाव खयबा, और परमेश्वर य यूसुफ क्ये आशीर्वाद जिबे।

आइक्ये मालिकाव क्ये मेत्व यूसुफ क्ये हंगे ईसे क्वो कोशिस घय हा, पर यूसुफ अय प्रकारय परमेश्वर क्ये खिलाफ काते पाप घय खानी मना खय्या। आईक्ये गुस्साव पिये और यूसुफ पर झूठी आरोप चिलाउबा, अय कारणय यूसुफ गिरफ्तार खयते जेल्या जिघाल्वा। अय झानी कि जेल्याल्य, यूसुफ परमेश्वर क्ये तीर हाची हि, और परमेश्वर आय आशीर्वाद जिब्बे।

नि साल बाद, यूसुफ अत्तर झानी जेलयाल हि, भले आय निर्दोह हि। डा गायरे, फिरोन राजा य ह्याने चेपा। मिस्त्री देह क्वो मनछला पान राजा क्वो फिरौन नोके हाईरे। राजा य इंद नि हयने चेपा जो आई झिक्के दोहमन्याटे घय स्या। आइके सलाहकाराव ह्यने मतलबाव जिब्ताव वालो हां हि।

परमेश्वर यूसुफ क्ये ह्यनाव क्वो मतलबाव बताव खानी योग्यता पर्दान खय्या, अय कारणय अय राजा य यूसुफ क्ये जेले दी पान पाहे चिनोक्ये। यूसुफ य आय ह्यने मतलबाव बताऊवा, और चिने, “परमेश्वर भरपूरी क्ये खेत्तावलाया ह्यात्ते साल जिबेरी आयके बाद अकाल क्ये ह्यात्ते साल जिघाल्लो हि। ”

राजा यूसुफ य अच्च खुस हिय्ये कि आय मिस्त्र देह क्ये दोहरे सबसे शकिवालो मंछ नियुक्त जिघये ।

यूसुफ य मंछला क्ये निक्को खेत्तावला वालो हात्ते साल झानी जिक्के जाको जमा घई खानी चिने। जब ह्यात्ते सालक्वो अकाल पिय्ये तब यूसुफ य मंछला क्ये व्हाई जाको कालता अय कारणय कि आईला पाहे जा खानी जाको हि चाय्यो ।

व्हाई अकाल आय मिस्त्र देहया हा हि, बल्कि कनान देहया लय खतरनाक हि जाहा याकूब और आयके परिवाराव कुहाने।

अय कारणय याकूब य पान बयना प्यावला जाको खरीद्यो खानी मिस्त्र देहे घालवा। जब व्हाईला जाको खरीद्दो खानी यूसुफ के सामने खड़े हिय्येसी आई भाव्वाव लागय हा चिपेछान्या। पर यूसुफ य आईला चिपेछान्या।

अय पत्ता घय खानी कि ना भव्वायेला बदलिवासी खयते यूसुफ य जांच खय्या। यूसुफ य आईला नासी, “ना नानिला दाद्दाइना यूसुफ हि! ता पाड़ीनी। जब ननिलाय ना नोकरे जा चिकाल्ताहे। तवो ननिलाय बुरो घय खानी चिहुच्वाहे, पर परमेश्वर आई बुरो क्वो भला खानी उपयोग खय्याहे! लवनी ओरी मिस्त्र देहया कुहानी और ना ननिला और ननीला परिवार खानी जाको बेवस्था घय हाकोरिव।

जब यूसुफ क्ये भव्वाव नावया वापस पिये और पान क्ये बब्बाव याकूब बताउवाहे कि यूसुफ अततर लय जिवुतो व्हा त्वो व्हाई भोते खुस हिये।

याकूब डा बुड्डा मंछ हि तब लय व्हाई पान पुरो परिवार क्ये हंगे मिस्त्र देहे ओक्का, और व्हाईला आइय्या होयेसी। याकूब क्ये सी होय पयलो,पानके जम्मा पयावला आशीर्वाद बासी।

परमेश्वर जो वाचा अब्राहम हंगे खय हा व्हाई असहाक या पिय्ये और असहाक क्ये बाद याकूब या और आइके बाद आइके बार पयावलाया और आइके परिवार सिलाया पिए। आईला बार पयावला क्ये गेदवला इस्त्राएल देह क्ये बार बयना खानदान बनिवया।