13. इस्त्राएल हंङगे परमेश्वर क्ये वाचा
इस्त्राएलियों ला टोल्हर्या समुन्द्र पार होल्ला बाद, परमेश्वर य आयला मांङग दी हिते सिने नामु क्ये पहाड़े और ज्यातेसी। अय आय पहाड़ ही जो मूसा य जिजल्लो वालो झाड़ी चेपोहा। अय मंछला य आय पहाड़ क्ये धी पानके ड़ेरासिला पनावाहे।
परमेश्वर य मूसा और इस्त्राएल देह क्ये मंछला नासी, “ननिला हमेशा ना बतकाव्वे मान्यो क्वो व्हा और जो वाचा ननिला हंङगे होयरिव आय बनाव थाहना। अगर ननी इन्दे जिघयेरे, त्ये ननिला ना इनाम झिक्क मूल्य वालो रुपय्या, परमेश्वर क्ये पुजारी ला क्ये राज्य, और डा पवित्र जाती चीहिरी।
परमेश्वर जरियाय आयला पाहे बिखानी मंछालाय हुंङग ध्यंङ पानल त्यार हिय्येसी। तब परमेश्वर य सिने पहाड़ क्ये ठाय दी धी उतरवे। जब व्हाई पिय्ये त्ये तब भुयचाल हिय्ये, बिजली चमकिव्वा, धुका उठ्व्वे, तुरहियों लाक्ये जोरदार सब्द हिय्ये। तब मूसा पानल पहाड़ क्ये ठाय चड़ीव्वा।
तब परमेश्वर य मंछला क्ये हंगे डा वाचा होय्या। आय चिनेसी, “ना ननिला परमेश्वर, यहोवा ही। नाल ही जो ननिला मिस्त्र देह क्ये गुलामी दी छुड़ाव्वासिने। कोई और सेडा क्ये भक्ति धा जिघय्ये। ”
“मुर्तिला धा जिबनाय्ये और आयके भक्ति ता खय्याहेना, हान्खानी कि ना, यहोवा ,ननिला डाठाला परमेश्वर यना ही। गलत नियमय ना नामु येक्ये प्रयोग ता खय्याहेना। शनिवार सब्त क्ये ध्यंङ सुद्ध मान्यो खानी याद खय्याहेना। दोहर शब्दया, तुर्के ध्यंङ या ननी जम्मा कामला खय्याहेना, हात्ताव ध्यंङ या ननिला आराम खय्याहेना और ना याद घय को ध्यंङ ही। ”
“पान इय्या और बब्बायना क्ये इज्जताव खय्याहेना। हत्या ता खय्याहेना। बुरो काम ला ता खय्याहेना। चोरी ता खय्याहेना। झूठी ता हाँसिना पानके बगल वालो क्ये मेत्व, आयके नाव, या आयला कोई सामान सिला गाते को इच्छा हा घयको ही। ”
तब परमेश्वर य आय दह्हे आज्ञाला क्ये ढुंङगे क्ये नि पट्टीव लाया लिख्खोते मूसा जिबे। परमेश्वर य पालन घय खानी मंछला अलग व्यवस्था ला जिबेसी। अगर आयलाय अय व्यवस्थाला पालन खय्याहेते त्ये परमेश्वर आयला आशीर्वाद जिबेरी और आयला रक्षा घय खानी वाद्दा खय्या। पर आय चिनेसी की आयलाय आयके पालन हा खय्याहे त्ये व्हाइला सजा जिबेरी।
परमेश्वर य इस्त्राएलियों ला डा बयना ढ़ेरासीला बनाव खानी चिनेसी – मिल्लो तर्या वालो ढ़ेरा। आय व्हाइला निख्खय जिब्तावेसी की अय ढ़ेरा होखयते बनाव क्वो व्हा, और आयके भोतोरी हांग चीज ला था क्वो व्हा। व्हाई आयला अय ढ़ेरा नि कमरावया बाट्टो खानी डा बयना पर्दा बनाव खानी चिनेसी। परमेश्वर य आय पर्दा क्ये चेटा वालो कमरावया बीरी और आय्या गुहारी। जाहा परमेश्वर ही आय कामरावया गा खानी अनुमति केवल महान यहूदी बयना पुजारी ही।
आय मंछलाय अय चिमिल्यो वालो ढ़ेरा क्ये सामनेया डा पुजो जग्गा बनाउके हिय्ये । कोई लय जो परमेश्वर क्ये व्यवस्था क्ये अपमानाव खय रिव व्हाई आय पूजो जग्गा डा डिंगो पिते पीरी। तब यहूदी पुजारी य बलि खयरिव और पूजो जग्गा या परमेश्वर खानी बलि रूप या पालोरिव। परमेश्वर चिनेसी की आय डिंगो क्ये हुइय्यु आय मंछ क्ये पापाव भर्वरिव। अय रितय , अब परमेश्वर अय पाप क्ये हां दब्बोरिव। व्हाई मंछ परमेश्वर नजराव या “शुध्द” हिरी। परमेश्वर य मूसा भाव्वाव हारून क्ये और हारून क्ये प्यावला क्ये पान पुजारी हिरी खयते चुन्वा।
परमेश्वर य अय मंछला जो नियम जिबेसी व्हाइला आयक्ये पालन घय खानी मंजूर हिय्येसी। व्हाइला केवल परमेश्वर क्ये मंछला ही खानी और केवल आयक्ये आदर घय खानी मंजूर हिय्येसी।
घयनु ध्यंङग झानी, मूसा सिनै पहाड़े ठाय कुहा। व्हाई परमेश्वर हाते बतकाव घय हा। पर मंछला आयक्ये पाह वापस बी क्ये इन्तजार घय – घय थाक्वासी। अय कारणय व्हाईला हारून पाहे हुनंङग कातेते पीय्येसी और आय डा मूर्ति बनाव खानी चिने तबय व्हाइला परमेश्वर बजाय आयके पूजा घय हाक्कोरे। अय नियतय, व्हाइला भयंकर रुपय परमेश्वर क्ये खिलाफ पाप खय्याहे।
हारून य बाहों आकारके हुनंङग क्वो डा मूर्ति पनाउवाहे। अय मंछला य आय मूर्ति क्ये पूजा घय क्ये सुरु खय्याहे और आय खानी बलि चड़ावाहे! आयला पाप क्ये वजय परमेश्वर आयला खानी भोत घुस्शा हिय्येसी। व्हाई आईला हातेक्ये हुच्चो हासी। पर मूसा य आयला हां हाते खानी परमेश्वर हाते बिन्ती खय्या। परमेश्वर आयक्ये बिन्तिव कुन्हा और आयला हां हातासी।
आखिरया मूसा सिनै पहाड़े दी धी उतरवे। व्हाई आय नि ढुंगे पट्टीव ला पितेतरा ही जो या परमेश्वर जोया दह्हे आज्ञावला लिख्खोतर्या ही। फिर अय आय मूर्ति चेपा। व्हाई अच घुस्सा हिय्ये कि आय अय पट्टीला चूर - चूर खय्यासी।
फिर मूसा य आय मूर्ति पिस्योते आयके बुरादाव पनावबा, और आय बुरादा तीय्या मिलावते आय मंछला व्हाई ती हायटासी। परमेश्वर य आय मंछला खानी डा कठिनाई जिघाल्लोबासी और आयला दी घयनु मंछाला सिय्येसी।
ज्वो पट्टीला मूसा य काङेयासि आयके जग्गाव गाते खानी मूसा य आय दह्हे आज्ञा क्ये ढुंगला क्ये नया पट्टीला पनाउवा। तब व्हाई फिर पहाड़ या चढ़वे और प्रार्थना खय्या कि परमेश्वर आयला क्ये माफ़ जिघय्येरी। परमेश्वर य मूसा क्ये जिगुन्हेबा और आयला माफ़ जिघयेसी। नया पट्टीला पर दह्हे आज्ञाला पितेते मूसा पहाड़े दी धी पिय्ये। तब परमेश्वर सिनै य पहाड़े दी कातेते तर्या वाद्दा क्ये देह झानी इस्त्राएलियों ला रक्षा खय्या।
निरगमन अध्याय 19 - 34 दी डा बायबल क्ये कहानिव
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।