14. मांङया भट्किवक्वो

परमेश्वर य इस्त्राएलियों ला आय नियम बतावके खत्म खय्या जो आयला होयतेरा आयके वाचा क्ये कारणय पालन घय हांसी । फिर आय सिनै बयना पहाड़ दी गेन्ता आयला योन्ग चिहाम्टेसि। व्हाई आयला वाद्दा क्ये देहया गाते हुचो हा। अय देहे कनान देह लय नेन्याहे। परमेश्वर देहोके खम्बाया आयला गेंता -गेंता व्हा ,और व्हाइला चेता – चेता व्हासी।

परमेश्वर य अब्राहम, इसहाक और याकूब क्ये वाद्दा खयहा कि अय वाद्दा क्ये व्हाई देह आयला प्यासिला बेरीव, पर अय समय व्हाईया भोत जातीला कुहायरे। व्हाई कनानी ला न्येरे। अय कनानी ला परमेश्वर क्ये आदर – सम्मान हा खय्येरे और कहनाव हा मान्योन्याहे । व्हाइला झूठी सेडाला पूजा खयनेसी और भोत गलत काम खयनेसी।

परमेश्वर य इस्त्राएलियों ला चिनेसी, “जब ननिला आय वाचा क्ये देहया जिगारित्ये व्हाइय्या जम्मा कनानियों दी छुटकारा पव्वाहना। आयला हंगे मिल धा जिघये और आयला हंग बर्याती धा जिघये। ननिला आयला जम्मा मुर्तिसिला पूरी तरह खत्म घयको व्हा। अगर ननी न कहनाय हा चिमान्योरे, तो ननिला न बजाय आय सेडाला पूजा घय जिभंली। ”

जब इस्त्राएलियों ला कनान देह क्ये सीमा या लयपेसी, मूसा य इस्त्राएल देह क्ये प्रत्येक जातीला दी डांडा खयते बारे पयला चुन्वासी। आय व्हाइला आय देह क्ये जासूसी घय खानी आदेश जिबेसी की दब्बोयेरे व्हाई हो देह व्हा। आयला अय कनानियों ला जासूस गाते क्वो हिये की दब्बोयेरे व्हाइला ताकतवर व्हाई या कमजोर व्हाई।

आय बारे पयलाय पुरो कनान देहे दी हिते चालिसे ध्यंग क्वो सफ़र खय्याहे और फिर व्हाइला वापस पीयेसी। आयलाय मंछला बतावाहे, “व्हाई देहे झिक्क खेत्ति वालो जमीन व्हा और अन्न भोत झिक्क हीरे!” पर दहे गुप्तचर लाय चिनेसी, “आयला बस्तीसिला भोत मजबूत व्हा और व्हाई मंछला लेंगे चोड़ो व्हाई! अगर नानी आयलाया हमला घय री, त्ये पक्का हिय्ये कि व्हाइला नानी चिहरावरी और नानी चिहातेरी। ”

तुरन्तले कालेब और यहोशू और अलग नि गुप्तचर लाइ चिनेसी, “अय ह्याची व्हा कि कनान देह क्ये मंछला लांगे और ताकतवर व्हाई, पर पक्का हिय्ये कि नानी आयला हराव हाक्कोरे! परमेश्वर य नानी खानी राकेङी!”

पर मंछलाय कालेब और यहोशू क्ये हां कुन्हाहे। व्हाइला मूसा और हारून खानी रिहसिला पिय्ये और चीनसी, “ननीला नानी अय खतरनाक जग्गा हंखानी जिब्तेसी ?नानी मिस्त्र देहय गुहाको हिय्ये। अगर नानी आय देहया गासित्ये त्वो नानी राकेरी त्ये सीरी, और कनान देह क्ये मंछला नानी मेत्येना और गेदाला गुलाम पनाउरे। ” व्हाई मंछला वापस मिस्त्र देह गाते खानी डा अलग प्रधान हिरी।

जब आय मंछला य इन्द चिनेसी त्ये परमेश्वर क्ये भोत रिहाव पिय्ये। व्हाई चिमिल्यो वालो डेराया पिय्ये और चिनेसी, “नानिलाय ना खिलाफ बिद्रोह जिघाहे, अय कारणय ननिला अय मांगया भटकव पवोरी। हर डा मंछ ज्वो बीस साल या आयहोय झिक उम्र वालो व्हा व्हाई सीरी और कभय लय आय देहया गा हा हाकोरिव ज्वो ननिला बेरिन्ये। केवल कालेब और यहोशू आया गा हाकोरे। ”

जब मंछलाय परमेश्वर य इन्द ने स्यासी कुन्हाहे, त्वों व्हाइला दुखी हिय्येसी हंखानी कि व्हाइलाय पाप खय्याहे| अय कारणय व्हाइलाय कनान देह क्ये मंछला या हमला घय खानी फेसला खय्याहे| मूसा य आयला हा गा खानी पयलो दिले चिनेसी हान्खानी कि परमेश्वर य आयला हंगे हा कारी, पर आयलाय व्हाइके हा कुन्हाहे।

परमेश्वर य अय युद्ध या आयला हंगे हां का व्हा, अय कारणय कनानियों लाय आयला चिहरावेसी और आयला दी भोत ला चिहातेसी। तब इस्त्राएली मंछला कनान देहे दी वापस मुड़ीवासी। गेंता चालिस साल झानी, व्हाइला मांगया भट्कव्को।

इस्त्राएली मंछला जरियाय मंगया भट्कवके चालीस साल चलते, परमेश्वर य आयला जरूरत सिला पुरो जिघयबासी। व्हाई आयला स्वर्ग दी “मन्ना” नामु क्ये लग्या जिबेसी। व्हाई बटेरो ब्वाला क्ये झुन्डावला आयला ड़ेरासिलाया जिघाल्लोबासी तबय आयला जा खानी स्या हिरी। आय पुरो समय झानी, परमेश्वर य आयला लत्तासिला और जोधासिला जई होय जिब्चावबासी।

अय झानी कि परमेश्वर य आयला तोंग खानी चमत्कारिय रुपय भिट्टा दी ती तोना। पर अय सेहांग क्ये बाद, इस्त्राएली मंछला परमेश्वर के खिलाफ और मूसा क्ये खिलाफ शिकायत खय्याहे और कुडकुड़ाए वेसी। तबय लय, परमेश्वर भरोशा योग्य ही। आय ज्यो वाद्दा खय हा कि अब्राहम, एसाहक, और याकूब करे पयाव क्ये पयाव खानी खयरिव आय व्हाई खय्या।

डा समय जब व्हाई मंछला पास ती हा ही, परमेश्वर य मूसा चिने, “भिट्टा हाते बतकाव खय ,और आय दी ती तोंगली। ” पर मूसा य भिट्टा हाते बतकाव हा खय्याहे। अयके बजाय आय डंडाय भिट्टा नि बार हनुवा। अय नियतय आय परमेश्वर क्ये अपमानाव खय्या। जम्मा ला खानी भिट्टा दी ती ता तोंगे, पर परमेश्वर मूसा य रिहाव पिय्ये। आय चिने, “हान्खानी कि न्य इन्द जिघा, अय कारणय नंग वाद्दा क्ये देहया जा हा स्याकोरिव। ”

जब इस्त्राएली मंछला चालीस साल झानी मांग्या भट्कव्वेसी, तब ज्यो लाय परमेश्वर क्ये खिलाफ विद्रोह खय्याहे व्हाइला जम्मा सियेसी। तब परमेश्वर य आय मंछला फिर आय वाद्दा क्ये देहया सीमा झानी ज्यातेसी। अब मूसा भो बूढीवो व्हा, अय कारणय परमेश्वर य मंछला क्ये योन्ग चिहामटे खानी और आयला मदद घय खानी यहोशू चुन्या। परमेश्वर य मूसा दी अय वाद्दा लय खय्या कि डा ध्यंग व्हाई आय मंछला क्ये पास मूसा जोहहो डा भविष्य जिब्ताव वालो घाल्लोरिव।

तब परमेश्वर य मूसा डा पहाड़ क्ये ठाय गा खानी चिने तबय ता व्हाई वाद्दा क्ये देह दब्बो हाक्कोरिव। मूसा य आय वाद्दा क्ये देह दब्वा पर परमेश्वर य अय आय देहया गा खानी आज्ञा हा जिबे। तब मूसा सिये , और इस्त्राएलियों लाय तिस ध्यंग झानी दुःखी कुहासी। यहोशू आयला नया योंग चिहाम्टे बनिवा। यहोशू डा निक्को प्रधान ही हान्खानी कि व्हाई परमेश्वर पर भरोसा खय्या और आयके बतकाव मान्या।