16. स्याच्छुड्डो वालो

यहोशू क्ये सिक्य बाद इस्त्राएलियो लाय परमेश्वर क्ये आज्ञा क्ये पालन हां खय्या। आयलाय परमेश्वर क्ये नियमला पालन हां खय्याहे, और आयलाय आय वाचा क्ये देहे दी बेचोते कनानियो ला बाहारी हां तोनाहे। इस्त्राएलियो लाय पान सच्चा परमेश्वर, यहोवा क्ये हाड्डोते कनानियो लाक्ये सेडासिला क्ये भक्ति घयक्ये सुरु खय्याहे। इस्त्राएलियो ला पाहे कोई राजा हां ही, अय कारणय जो निक्को लाग्वा आय व्हाइल खय्या।

परमेश्वर क्ये आज्ञा हां मान्यो क्ये जरियाय इस्त्राएलियो लाय डा नियम क्ये सुरु खय्याहे जो घयनु बार दोहरावतर्या का। अय नियम इन्द चल्वा: कुछ बरेहे झानी इस्त्राएली परमेश्वर क्ये आज्ञाव हां मान्योरे, तब व्हाई आयलाक्ये आयला दुश्मन सिला हाते हराव क्ये जरियाय सजा बेरीवसी, अय दुश्मन इस्त्राएलियो ला दी आयला चीज सिला लूट्योरे, आयला सम्पति सिला नष्ट खयरे, और आय दी घयलानू हातेरे। फिर जब इस्त्राएलियो ला दुश्मन सिला आयला पर घयनु बरेहे झानी अन्याय खयरे, अयक्ये बाद इस्त्राएली पान पाप क्ये पछतावा खयरे और परमेश्वर हाते आयला बचाव खानी प्रार्थना खयरे।

हर बार जब इस्त्राएली पछतावा खयरे त्ये परमेश्वर आयला स्याबेचोरी। व्हाई डा चिहाड्डो वालो क्ये जरियाय इन्द खयरिव - डा इन्द मंछ जो आयला दुश्मन सिला हात राकेरी और आयला हरावरिवसी। तब देहया शान्ति हिरी और व्हाई चिछुड़ाव वालो आयला पर निख्खोय राज खयरिव। परमेश्वर य आय मंछला बचाव खानी घयनु चिचुड़ाव वालोला घाल्वासी। परमेश्वर य पास कल डा दुश्मन जाती, मिद्यानियो मंछला क्ये जरियाय इस्त्राएलियो ला हराव क्ये जरियाय फिर इन्द खय्या।

मिद्यानियो मंछलाय हात्त बरेह झानी इस्त्राएलियो क्ये फसल सिला लुट्याहे। इस्त्राएली मंछला भोत पाड़ीय्येसी, और व्हाइला ओडारलाया लुप्पेसी ताकि मिद्यानी मंछला आयला मरा हां हाक्कोरे। आयला बचाव खानी आयलाय परमेश्वर क्ये नोकाहे।

गिदोन नामु क्वो डा इस्त्राएली मंछ ही। डा ध्यंङ, व्हाई डा जो पत्ता हां ही आय जग्गाया घुमंङ छान्यो हा ताकि आय मिद्यानी मंछला आय चुराव हां हाक्वोरे। यहोवा क्ये स्वर्ग दूतय गिदोन क्ये पाह पिते आय चिने, “हे शक्ति वालो मंछ, परमेश्वर नंङग हंङग व्हा। घे और इस्त्राएलियो ला मिद्यानियो मंछला दी बचाव। ”

गिदोन क्ये बब्बाव पास मूर्ति खानी डा वेदी ही। सबसे पयलो बतकाव जो परमेश्वर य गिदोन क्ये घय खानी चिने व्हाई आय वेदी क्ये काड़य क्वो ही। पर गिदोन मंछला खानी पाड़ीने, अय कारणय आय गायरे हिक्ये इन्तजार खय्या। तब आय वेदी क्ये काड़यते टुकड़ा – टुकड़ा खय्या। आय परमेश्वर खानी डा नया वेदी क्ये पनाव्वा और आय पर परमेश्वर खानी बलि चड़ाव्वा।

राआतय मंछलाय चेपाहे कि हुइनु वेदी क्ये काड़यते टुकड़ा – टुकड़ावला खय्या, अय कारणय वेला झिक्क गुस्सा हिय्येसी। व्हाइला गिदोन क्ये हाते खानी आयक्ये नावया कासी, पर गिदोन क्ये बब्बाव गय चिनेसी, “ननि पान सेडायना क्ये मदद घय स्यायरे? अगर व्हाई सेडा ही त्ये आय पानक्ये रक्षा पानल घय हाबेनी!” हान्खानी कि आय इन्द चिनेसी अय कारणय मंछलाय गिदोन क्ये हां हाताहे।

तब इस्त्राएलियो ला लूट्यो खानी मिद्यानी मंछला फिर पिय्येसी। व्हाइला अच्च झिक्क ही कि आयला गिनती लय हां घय हाक्कोन्याहे। गिदोन य आयला खिलाफ राक्ये खानी इस्त्राएलियो लाक्ये डा हंङगे नोकासी। गिदोन य परमेश्वर दी नि चिन्न ला फायकासी कि ताकि आयक्ये विश्वास ही हाक्कोरिव कि परमेश्वर हाच्ची या आय इस्त्राएल क्ये बचाव खानी न्ये हावरे।

पयलो चिन्न खानी, गिदोन य भेड़ क्ये उंनाव जमीन या थाते परमेश्वर ना कि राआतय क्ये पालो केवल भेड़ क्ये आय उनाव या पड़वरी। परमेश्वर य इंदल खय्या। गेंता गायरे, आय परमेश्वर ना कि जमीन गिल्लो ही चाय्यो पर भेड़ क्ये उन्नाव कारो कुहारी। परमेश्वर य इंदल खय्या। अय नि चिन्न ला कारणय, गिदोन य भरोसा खय्या कि परमेश्वर हाच्ची या चाहोर कि व्हाई इस्त्राएलियो लाक्ये मिद्यानियो मंछला दी बचावक्वो।

तब गिदोन य सिपाहिला पान पाह नोकासी और बत्तीस हजार पयला ला पिय्येसी। पर परमेश्वर य आय चिने कि अय भोत झिक्क व्हा। अत: गिदोन य आय जम्मा बाईस हजार क्ये वापस नावया घाल्वासी जो राकये खानी पाड़ीनेसी। परमेश्वर य गिदोन ना कि अय पयला अत्तर लय भोत झिक्क व्हाई। अय कारणय गिदोन य हुउङग ह्ये सिपाहिला क्ये हाड्डोते आय जम्माला नावया घाल्वासी।

आय गायरे परमेश्वर य गिदोन चिने, “मिद्यानियो मंछला क्ये देरासिलाया घे और आयला बतकाव घय समय कुन्हे। जब नंङ जिगुन्हेरी कि व्हाइला हांङग बतकाव खय्येरे त्ये नंङङ आयला पर हमला घय खानी हां जिबारी री। ” अय कारणय आय गायरे, गिदोन धी आयला डेरासिलाया का और आय डा मिद्यानी सिपाही क्ये पान दोस्ताव व्हाई बतकाव बताव समय कुन्हा जो आय अपनाया चेपो हा। आय पयला क्ये दोस्ताव गय सिने, “अय सपना क्ये अर्थाव ही कि गिदोन क्ये सिपायु नानी मिद्यानी सिपाही क्ये हराव रिव!” जब गिदोन य अय कुन्हा त्ये आय परमेश्वर क्ये धन्यवाद खय्या।

तब गिदोन पान सिपाहीयुला क्ये पास लोटीव्वा और आय दी हर डान – डा क्ये तुरही जा बयना बाजा, डा माट्या क्ये भांडी, और डा मशाल बासी। आयलाय आय डेरा क्ये घेर्याहे जांहा मिद्यानी सिपाहिला इसे हांसी। गिदोन क्ये हुउङग ह्ये सिपाहिला य पान मशाल सिला भांडीया ढक्यो हाहे अय कारणय मिद्यानी मंछला आय मशाल ला रोंग चेपो हाक्वाहे।

तब गिदोन क्ये जम्मा सिपाहिला य पान भांडी लाक्ये डाल समय या काड़य्याहे अचानक य मशाल ला मह्य क्ये प्रकट खय्याहे। आयलाय पान बाजासिला फुक्याहे और चिल्लाव्वेसी, “यहोवा क्ये और गिदोन क्ये तलवाराव!”

परमेश्वर य मिद्यानी मंचाला क्ये अचम्भ खय्यासी, अय कारणय व्हाइला डा नीमला क्ये हानू -काट्टो भंङगेसी। तुनत्ल, गिदोन य व्हाई संदेस ज्याते वालोला क्ये घयनु अन्य इस्त्राएलियो लाक्ये मिद्यानियो ला चेटा घयक्वो या आयला मदद घय खानी घाल्वासी। आयलाय आय दी घयलानू ला हाताहे और बाकिला क्ये पीछा खयते आयला इस्त्राएल देहे दी बहारी तोनाहे। आय ध्यंङग डा लाख बीस हजार मिद्यानी ला सिय्येसी। अय प्रकारय परमेश्वर य इस्त्राएल ला बचाव्वासी।

व्हाई मंछला गिदोन क्ये पान राजा बनाव चाहो हांसी, पर गिदोय आयला इन्द हां घय हाबासी, लेकिन आय आयला दी व्हाई हुनङ क्ये गेहना ला फाय्कासी जो आय दी हर मिद्यानियो लाय लूट्यो तर्या ही। आय मंछला य झिक्क मात्राया गिदोन क्ये हुनङ बाहे।

तब गिदोन आय हूनङ क्ये डा जरूरी लत्ता पनाव्वा जोह्हो कि महान यहूदी बयाना पुजारी ला नेलिन्येसी। पर मंछलाय आयक्ये पूजा घयक्ये सूरी खय्याहे जोह्हो कि व्हाई डा मूर्ति ही। तब परमेश्वर य फिर इस्त्राएल देह क्ये सजा बासी हान्खानी कि आयलाय मूर्ति क्ये पूजा खय्याहे। परमेश्वर य आयला हराव कोया सक्षम खय्यासी। आखिरकार आयला फिर परमेश्वर क्ये मदद घय खानी प्रार्थना खय्याहे, और परमेश्वर य आयला पास आयला बचाव खानी डा अन्य चिछुड़ाव वालो क्ये घाल्वा।

अयल बतकाव घयनु बार हिय्ये; इस्त्राएली मंछला पाप खयरे, परमेश्वर आयला सजा बेरिवसी, व्हाइला पछतावा खयरे, और परमेश्वर आयला छुड़ाव खानी कोईला घल्लोरिव। घयनु बरेहे झानी, परमेश्वर य घयनु चिछुड़ाव वालोला क्ये घाल्वा जोलाय इस्त्राएलियो ला आयला दुश्मन सिला घय स्याबेच्वासी।

आखिरकार, आय मंछलाय अलग देह जा जोह्हो परमेश्वर दी पान खानी डा राजा क्ये मांग खय्याहे। व्हाइला डा इन्द राजा चाहोनेसी जो लांग और शक्ति वालो ही, और युद्ध या आयला बचाव घय हाक्कोरिव। परमेश्वर क्ये अय प्रार्थना निक्को हां लाग्वा, पर आय आयला व्हानद्ल राजा बासी जोह्हो व्हाइला मांग खयहाहे।