2. पाप संसारया पिरे

आदम और आइये मेत्व परमेश्वर आइलाखानी बनाऊतरा निक्को बगीचाया कुहांनेसी और बहुत खुश हि । आहय्ला दी कोइल्ला लय लत्तल्ला हा नेलिनेशी । फिर लय अय बतकावयआयला दी कोइलालय शर्मे हां खय्याहे, हान्खानी कि संसारया पाप हां हि। व्हाईला अक्सर बगीचाया घुम्मोनेसी और परमेश्वर ह्यंग बतकाऊ खयनेसी।

लेकिन व्हाई बगीचाया डा माबू ही। व्हाई भोत चालाक ही। आय अय मठ्या होद्या, “हांङग हाच्ची या परमेश्वर य ननिला अय बगीचा क्ये कोई लय सिंङ क्ये फल जा खानी मना घय स्यायरे?

आई मठ्या जवाब जिबे , परमेश्वर नानि ने स्यारे आई निक्को हट्टो ग्यान क्ये सिंग क्ये आलावा कोई और सिंग दी फल जा स्याकोयेरे। परमेश्वर नानि चिनेसी कि अगर ननिला व्हाई फल जिजारे या चिछुवोरे, त्ये ननिला चिसिरी।

व्हाई माबुई मठ्या जवाब जिबे, आय हाँची हां हि! ननी हां चिसिरी। परमेश्वर दहोरे कि ननिला आय फल जिजारे, ननिला परमेश्वरक्ये बराबर चिहिरी और आइके बरबार निक्को और हट्टो समेंजो जिभंली।

अय मठ्या चेपा व्हाई फल मने जिभरोव और ह्वादी दिख्खो हा रे। व्हाई लय समजदार बनिवक्वो हुच्चो व्हा आय कारण व्हाई फल काड़यईते जा। पय आई पान गिरो लय व्हाई फल बा और आई लय जा।

अचानक, आइल्या मिक्के सिला खुल्लवा, और व्हाल्या पत्ता चल्लवा कि नानी ल्होती गुहाई। आइलाय ह्व़ालाक्ये डा ह्यंग सिल्लोते लत्ताला बनाऊते हेर सिला ढक्यों भंगेसी।

तबय गिरो और आइके मेत्वो आई बगीचाया इन्डे आंदे घुम्मो हांसी कि परमेश्वरक्ये आवाज कुन्हाहे। व्हाई निम्ही परमेश्वरखानी लुप्येसी। पय पयला क्ये आवाज लाव्वा ,नंग ग्वहा जूस्या ? आदम य जवाब जिब्बे ,नाई नङ बगीचाया घूम्यो समय गुन्हा, और ना बाङिये,हान्खानी कि ना लोत्ति हि। अय कारण ना प्पिये।

फिर परमेश्वर चिहोद्यासि, नंनीला हुई जिब्तोवेसी नंग ल्होती जुस्याही ख्यते ? क्या न्य आई फल ज्या ज्यो नाइ जा खानी मना घय हा सिन ? पयला य जवाब जिबे ?नानिलाय ना ज्यो मठ्या जिबाहे आय ना व्हाई फल बाए। ” तबय परमेश्वर आई मठ्या चिहोद्या ,नय अय हांङ जिघा ? पय मठ्या ह्आ, माबूय ना धोखा बाये। ”

परमेश्वर माबू होदया, नंङ पापी जुस्या !नंङ पानक्ये लादो या चिलोटायरी और मट्या चिचाटोरीव । नंग और अय मठ्या डा निमिलाय दी नफरत जिघयरे, और नंङ गेदागला और आइक्ये गेदावला डा निमला दी क्ये हंगे नफरत खयरी । अय मठ्या क्ये पयावला गय नंङ गारागे कुच्लोरिव, और नंङ आयक्ये एङिव्या डीडास्योरिव। ”

तब परमेश्वर मठ्या चिने ,नंङ पानक्ये गेदागे पयदा घय समय झिक्क दर्द सेहो पव्वोरी । नंङ पानक्ये गिरोगे हंङग मनेग्ये लाहारी, और आई नंङ पर राज खयरियु।

परमेश्वरय पयला चिने , नय पानक्ये मेत्येगे बतकाव जिगुन्हा ना कह्नाये हां चिमान्यो बाए। अय कारणय जमीन निक्को हिय्ये ,और जाको प्यदा घय खानि कठिन मेहनत घयक्ये जरूरत हिरी। अब नंङ चिसीरि ,और नंङ जियग्ये मट्या मिल्लोरी। पय आई पयलाय पान मेत्व नामू हव्वा थाबा ,जो क्ये मतल्बाव ही “जिन्दगी जिब्बे वालो,” तब्यता आई जाम्मा जातीला क्वो इय्या हिरि। और परमेश्वरय आदम और हव्वा क्ये डिंगोला खाल्लाव क्ये लत्तावला चिहांनेसी।

फिर परमेश्वरय चिनेसी , “अब निक्को- हट्टो चिहमेजो वालो मंछ नानी जा हिय्येसी ,अय कारणय आईला जिन्दगी क्ये सिंग क्वो फल हां जा ह्आबेको हिय्ये कि व्हाईला जिवुतो रेहोनेसी। अय कारण परमेश्वर य आदम और हव्वा क्ये बगीचा दी बहारी तितोनेसी और भगवानय कोईलाल्य आई जिन्दगी क्ये सींग क्वो फल जा खानी रोक्यो खानि भत्तोरी जिगा योय्या सक्तिवालो स्वर्ग क्ये दुतावला हाजोवाशी।