3. बिसेर
झिक्क समय क्ये बादे, संसारया झिक्क मंछला कुहानेसी। आईला झिक्क दुष्टला और कस्ट जिबे वालोला हिय्येसी। आय अच्च बुरोला हि तब परमेश्वरय डा बयना बिसेरय पुरो संसार खत्म घय फेसला खय्या ।
पर परमेश्वर नूह चेपोते खुशी हि। व्हाई दुस्ट मंछला बिचया जिगुहा वालो डा धर्मि मंछ हि। परमेश्वर नूह जिबताव्वे कि डा बयना बिसेर जिबते हि। अय कारण, आय नूह डा बयना नाव बनाव खानी चिने।
परमेश्वर य नूह क्ये लगभग डा ह्ये चालीस मीटर लान्गये, त्याईस मीटरे चोड़ो और साड़े तेर मीटरे ऊच्चों नाव बनाव खानी चिने। नूह क्ये काठंल्लाय नाव बनाव क्ये हिये और आइया उन्ग तलाव, झिक्क कमराला, डा छताव और डा खिङकीव बनाऊक्ये हिये। आई नाव नूह ,क्ये परिवाराव ,और जमीन क्ये सेहांग पर्कार्क्ये डीन्गोला क्ये आई बिसेरय निह्खोय थारिव ।
नूह य परमेश्वर क्ये बतकाऊ मान्या। आई और आइक्ये प्यावलाग्ये आंदल नाव बनाऊवाहे जोहो परमेश्वरय जिबतावेसी। हंखानी कि व्हाई नाव झिक्क बयना हि अय कारण व्हाई बनाऊक्या घयनु बरेहे लाग्वा। नूह य मंछला जीबी वालो बिसेरे बारेया बताव्वाशी और आईल्ला परमेश्वर क्ये ओर ध्यान बे खानी नाशी, पर आईला नूह पर भरोशा हा खईयाहे।
परमेश्वर य नूह और आइक्ये परिवारव क्ये पान खानी और डीन्गोला खानी जाको इकट्ठा घयक्ये आदेश जिबे । जब सेहांग तेयार हि, अब परमेश्वर य नूह चिने कि अय समय आइलाके ,आयक्ये मेत्व क्ये, हुंग गेदावला क्ये, और आईला मेतेसिला क्ये - कुल मिलाऊते आठ्ये जने क्ये नावया गाको समय हि।
परमेश्वर य जम्मा डीन्गोला और ब्वाला क्ये पयला और मठ्याला क्वो नूह क्ये पाहे जिघाल्वासी ताकि व्हाइला नावया गा हाकोरे और बिसेरेय समय सुरक्षित बेचो हाकोरे। जब व्हाई जम्मा नावया लयपेसी तब परमेश्वर य पानल्ये नाव क्ये धेरावला बंद जिघयबासी।
तब ती सुरु हि भंगे, और ती हि तल कुहा, हि तल कुहा। बिन रुकिवते चालिसे ध्यंग और चालिसे गायरे तक ती हि तल कुहा। पुरो संसारया क्ये हर डा चिज, आय झानी कि बयन - बयन पहाड़ला ल्य ती या डूब्बयो भंगेसी।
करो जमीन जिगुहाला हर डा चिज सिय्येसी, व्हाई मंछला और डीन्गोला क्ये हाड्डोते जम्मा नाव हि। व्हाई नाव तियाल तेर्यो हा और नाव क्ये भतोरी जो हर डा चिज क्ये डूब्यो होय सुरक्षित ही।
तिक्ये रुकिवो क्ये बाद, पंङआ मईना झानी आई नाव तिया तेरयो हा, और आई समय झानी ती कमी हि भंगे तब डा ध्यंग व्हाई नाव डा पहाड़े क्ये धारवया काते रुकिवया, लेकिन अतर लय संसार तीया ढकिवो व्हा। खुंग महीन्या बादे, पहाड़े धाराव दिक्खो भंगेसी।
फिर चालिस्य धंग बादे, नूह य डा कोव्वा दब्बो खानी घाल्लवा ती कारोवे या हा कारोवे। आई कोव्वा कारो जमिन्ये खोजया इन्दे - आंदे उङव भंगे, पर इंद जाग्गा काई ना मिल्वा।
पय बादया नूह य डा कबूतर बाहरी घाल्वा पर आईल्य कारो जमीन हा मिल्वा, पय नूह या वापस पिय्ये। डा ह्प्त्ता बाद आई कबूतर फिर घाल्वा, आई पान चोंचया जेतुन क्ये डा हान्गाव वापस पिय्ये। तू घटीव हा, पोधाला फिर रिह हासी।
नूह य डा हप्ता और इंतजार खईया तेहर बार आई कबूतर बहारी घाल्वा। आई गुहा खानी जग्गा मिल्वा और वापस हा पिए। ती कारो हा।
निह महिन्या बाद परमेश्वर नूह चीन्ये, अब नंग और नंग परिवारग्ये जम्मा डिंगोला नाव दी भहारी लवनी, जिक्कल गेदाल्ला ओरी प्या - गडोंल्ला प्यादा खयनि और धरती भर्वनि। अब नूह और आइक्ये परिवाराव नाव दी बहारी तोंगे सी।
नूह क्ये नाव दी बहारी तोंके बाद, आई डा बलिया चडाव क्ये जग्गा बनाऊवा ओरी बलिया जो ल्य उपयोग चिहि वालो जो दिन्गोल्ला हि आईला दी डांडा कातेते बलिवया चङावा। परमेश्वर आई बलिव दी खुस हिये और नूह ओरी आइके परिवाराव के आशीर्वाद जिबे।
परमेश्वर चिनेसी, ना वाद्दा घईयुरे कि मंछल्ला जरियाय खयतर्या कर्माऊ क्ये कारण ना कभय धरतिया श्राप हा बेरिवु या बिसेरेय संसारक्वो खात्म हा घयरिव, जबकि मन्छला पयल्लो, बचपनाव दी पापी हि।
पय परमेश्वर पानाक्ये वाचा क्ये चिन्न रुपया सबसे पयाल्लो इंद्रधनुष जिबनाऊवे। कभयल्य देहोया इंद्रधनुष दिक्खोरे, तब परमेश्वर याद खयरी कि आई हांग वादा खय्या और लोला याद खयरे आइक्ये वादालाव।
उत्पति अध्याय 6 -8 दी डा बायबल क्ये कहानीव
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।