4. अब्राहम क्ये हंग परमेश्वर क्ये वाचा

बिसेर क्ये घयनु साल बाद, संसारया झिक्क मनछला कुहानेसी, ओरी आईला परमेश्वर क्ये डा, निम्लाई क्ये खिलाफ काते हंग पाप खईलानेसी। क्युकि व्हाई जाम्माला डाल भाहा हानेसी, अय कारणय डा हंग्ये इकट्ठा हियेसी ओरि। और संसार क्वो भरव क्ये परमेश्वर क्वो आदेशाव क्वो हड्डोते डा सहर क्वो बनाऊवाहे।

व्हाईला बहुत घमंडायलोला हिय्येसी, व्हाइल हो जिन्दगी जिव्वो चाय्यो, आय बारेय जो परमेश्वर आदेश जिबेसी आये पालनाव हा घय चाहोनेसी। आय झानी कि आईला इंद डा उचो नाव्वे बनाऊक्ये सुरु खईयाहे, जो स्वर्गया लयकारी। परमेश्वर चिचेपासी कि व्हाईला डा ह्यंग मिल्लोते बुरो खयतल कुहारी, तवो व्हाईला भोते पापी कामला घय हाक्कोरे।

अय कारण परमेश्वर अयल्ला भाषाव क्ये अलग – अलग भाषासिलाया जिबदेलोबाशी ओरी व्हाईला जम्मा संसारया चिफेलाओवेसी। जो बस्ति आईलाई बनाऊक्ये सुरु घय हांसी, व्हाई क्ये नामु बाबेल हि, जो क्ये मतल्बाव हि “गङबङी”

कई ह्ये साल बादे, परमेश्वर अब्राम नामू क्ये डा मंछ हंग बतकाउव खईया परमेश्वर आई चिने, “पान देहग्ये ओरी परिवारग हाडोत्ते घे ज्यो ना नंग देहग हाम्टेने। ना नंग आशीर्वाद बेने ओरी नंग डा बयना जाती जीबनाऊरि। ना नंग नामू ग्ये महान घयरि बयन जो नंग आशीर्वाद जिब्बेरी ना आई आशीर्वाद बेरीव और जो नंग श्राप जिबेरि आई ना श्राप बेरीव। नंग कारण संसारक्ये जम्मा जगतक्ये आशीर्वाद धरेरिव।

अब्राम य परमेश्वर बतकाऊ मान्वा। आई पानक्ये जम्मा नौकरावला ओरी पानक्ये जम्मा सम्पतिव हंगे पानके मेत्तोव सारै काता, कनान देहय्या ओक्का हा ज्यो परमेश्वर हाम्टये स्या।

अब अब्रान कनान लयका तब परमेश्वर आई चिने, “पानके चारो ओरी दब्बो। ना नंग आय पुरो देहे बेने और नंग गेदागला हमेशा खानी आय पर अधिकार थारे। ” तब अब्राम आई देहया होए।

मलिकिसिदक नामू क्ये डा प्याल्ला हि ज्यो महान परमेश्वर क्ये पुजारी ही। डा ध्यंग जब्बे अब्राम राकेते बाद बीहा त्ये व्हाई और अब्रान मिल्वासी। मलिकिसिदक अब्रान क्वो आशीर्वाद जिब्बे ओरी चिने “महान परमेश्वर ज्यो स्वर्गया ओरी धरतीक्वो स्वामी हि आई नंग आशिर्वाद जिबेरी। ” पय अब्रान राकेते जीतोत्यरा सेहांग सामान दी दहे दी डा हिस्साव मलिकिसिदक जिबे ।

घयनु साल बितिव्वा, पर अतर झानी अब्राम ओरी सारै क्ये कोई गेदाव हा हि। परमेश्वर अब्राम हंग बतकाऊ खय्या ओरी आई वाददा जिबे कि डा गेदाव प्यादा हिरि जोह्हो देहोया तारल्ला हिय्येसी व्हान्दल बोहोत गेदाल्ला हिरी। अब्राम परमेश्वर क्ये वाददाव पर भरोशा खय्या। परमेश्वर य घोषणा खय्या कि की अब्राम डा धर्मी मंछ ही हान्खानी कि आय परमेश्वर क्ये वाददा पर भरोसा खय हा।

तब परमेश्वर अब्राम दी डा वाददा होइय्या। सामान्य तरीका दी, डा वाचा नी दल्लोव क्ये बिचया हीरे, आइया डा नीमलाक्ये कामो क्वो घयक्ये समझोता खायेरे। परमेश्वर अब्राम व्ह्हाई वाददा तब खय्या जब अब्राम ईसे हा, पर आई तब ल्य परमेश्वर गुन्हे हक्को हा। परमेश्वर चिने, “ना नंग सरीरेदी प्यदा नंग दी खयते नंग डा पयागे बेने। ना नंग पयागे आय कनान देहे बेने। “पर अतर झानी अब्राम क्ये कोई पयाव हां हि व्हा।