5. वाद्दा खयतरया प्याव

अब्राम औरि सारै क्ये कनान देहया लयगाके दह्हे साल बादे, अतर झानी लय आइके कोई गेदाव हां हि। अय कारणय अब्राम क्ये मेत्व सारै आई चिने, “परमेश्वर अतर झानी ना गेदा जन्माउ क्ये तेयार हा खईयाये ओरी अब ना गेदा जन्माऊ खानी भोते बूढिव्वा, दब्बो, ना दासी हाजिरा अय्या व्हा। अई हंगे बर्याती खयनी व्हाई ना खानी डा प्या प्यदा खयरिव।

बादया अब्राम य हाजिरा हंगे बर्याती खईया। हाजिरा क्ये डा प्या जन्माउवा, और अब्राम आइक्ये नामु इश्माएल थाबा पर सारै हाजिरा चेपोते जलव भंगे। जब इश्माएल तेरे साल क्ये हि, परमेश्वर पय अब्राम हंगे बतकाउ खय्या।

परमेश्वर चिनेसी, “ना जम्मा होइले झिक्क सक्तिवालो परमेश्वर हि। ना नंग हंग डा वाचा होयरिव। “तब अब्राम जमिनया झुकिवते ढोक्का बा। परमेश्वर अब्राम अयलय चिने, “नंग बहोत जातीला क्ये बब्बाव चिहिरी। ना नंङग और नंङगे गेदालाक्ये आईला पानक्ये जमीने खानी कनान देहे बेने, ओरी ना हमेशा खानी अयला परमेश्वर हिरि। नंङगे पानक्ये नावागे जम्मा प्यला का खतना खयनी। ”

“नंङगे मेतेगे सारै डा जन्माएगी - आई वादोक्ये गेदाव हिरी। आइक्ये नामू इसहाक था बाना। ना आइके हंङगे पानके वाचा बनाऊ थारि ओरी व्हाई डा बयना जाती बनिवरी। ना इश्माएल लय बयना जाती बनाऊरि, पर ना वाद्दाय इसहाक क्ये हंङगे गुहरी। “तब परमेश्वर अब्राम क्ये नामू जिबदेलोते अब्राहम तिथाबा, जो क्ये अर्थाव व्हा “जम्मा क्ये बब्बासिला”। परमेश्वर सारै क्ये नामु जिबदेलोते सारा जिघयब्बा, जो क्ये अर्थाव “जम्माला ईय्या”।

आई ध्यंङग अब्राहम पानके नावया जम्मा प्यला क्ये खतना खय्या। लग भग डा साल बाद ,अब्राहम ह्ये बरेह क्ये उम्राव ही ओरी सारा नब्बे बरेहे क्ये हि, तब सारा य अब्राहम क्ये प्याव क्वो जन्माव हिये। जोह्हो परमेश्वर आई नेस्या आइलाय आयके नामू इसहाक थाबाहे।

जब इसहाक जवान हिय्ये तब परमेश्वर आय नेते अब्राहम क्ये भरोशा क्वो जाच ज्यातेबा, “पनके डाठा प्यागे काते, ओरी ना खानी बलिय चडावबे। ” अब्राहम परमेश्वर की बातकाव मान्या ओरी पानके प्याव बलिव खानी तयार खा।

जब अब्राहम ओर इसहाक क्ये बलिव चढ़ावके जग्गा और गा भंङगे, इसहाक चिहोद्या, “हे बब्बा, नानी पास बलिव खानी काठ्नल्ला ता व्हाई, पर बलिव क्ये भेड़े पयाव ग्वहा व्हा ?” अब्राहम जवाब जिब्बे, “हे ना प्याये परमेश्वर बलिव खानी भेड़े पयाव जिबेरी ।

जब व्हाईला बलिव चड़ाव क्ये जग्गा लय यक्कासी, अब्राहम य इसहाक क्ये होयते बलिव चढाव क्वोया चिलेटाउवे। व्हाई पान प्याव चिहात्ये हिव्हा परमेश्वर चिने, “जग्गियो! पया क्ये घायल ता खययाना! अब नाइ दहा, नंग ना भय्ये चिम्मान्यो चिहिए, तबता नंग पानके डाठाला पयाग्ये ना दी बचाऊते हा तीथा। ”

पास्या अब्राहम डा भेड चेपा ज्यो झाडीलाया फसिवो व्हा। इसहायक क्ये बदेलावाय बलिव खानी परमेश्वर भेड जिब्बे । अब्राहन नय ख़ुशी - ख़ुशी भेड क्ये बलिव चड़ावबा।

तब परमेश्वर अब्राहन चिने, नंग ना खानी सेहांग बेखानी तेयार चिहि, अय झानी पानक्ये डाठाला प्याग लय, अय कारणय नंग आशीर्वाद बेके वाद्दा घयिवरे। नंग गेदागला देहो क्ये तारा होई जिक्क हिरी, नंग ना आज्ञायेके चिमानया ना नंग परिवारगे जरियाय संसराक्ये जम्मा वंशसिला आशीर्वाद बेरीव। ”