23. यीशु क्ये जन्माव

यूशुफ नामु क्ये डा धर्मी मंछ क्ये हंगे मरियम क्ये मान्गजामिव ही व्हा। जब आय कुन्हा कि मरियम लादो दी व्हा त्ये व्हाई दहे न्या कि ही कि आयक्ये पयाव हां ही। पर व्हाई मरियम बदनाम हां घय क्ये चाहुवो हा, अय कारणय आय अय पर कृपा खय्या और आयदी तलाक बेखानी हुच्वा। पर अय होय पयलो व्हाई इन्द खयन्या, डा स्वर्ग क्ये दूताव गय आयक्ये ह्पेनाव्या पिते आय हाते बतकाव खय्या।

आय स्वर्ग क्ये दूताव गय चिने, “हे यूशुफ, मरियम क्ये पानक्ये मेत्येगे रुप या पितेते ता पाड़ी। आयक्ये भतोरी जो गेदा व्हा व्हाई पबित्र आत्मा दी व्हा। व्हाई डा पया क्ये जन्म बेरीव। आयक्ये नामु यीशु थाना {जोक्ये अर्थाव ही, ‘यहोवा बचावरिव’ }, हान्खानी कि व्हाई मंछला क्ये आयला पापसिला दी जिबचावरी। ”

अब यूशुफ य मरियम हाते बर्यातिव खय्या और आय पान मेत्व क्ये रूप या नावया पिता, पर आयक्ये गेदाव क्ये जन्माव बेझानी व्हाई आयक्ये हंगे हां ईसे।

जब मरियम क्ये गेदाव जन्म बेक्ये समय नजदीक ही, त्ये आय और यूशुफ क्ये बैतलहम बस्ती या गा क्ये डा लांगे यात्रा खय्याहे। आयला क्ये व्हाईया गाको ही हान्खानी कि रोमी अधिकारी इस्त्राएल देहया जिगुहाला जम्मा मंछला क्ये गिनती जिघय ही व्हा। रोमी अधिकारी चाहोनेसी कि जम्मा मंछला व्हाइय्या गाको ही जाह़ा आयला पुरानो पित्रला कुहानेसी। राजा दाऊद क्ये जन्माव बैतलहम बस्ती या हिय्ये, और व्हाई मरियम और यूशुफ निमला क्ये पुरानो पित्रला ही।

मरियम और यूशुफ बैतलहम बस्ती या कासी, पर व्हाईया डिंगोला क्ये जिगुहा वालो जग्गा क्ये अलावा आयला गुहा खानी कोई जग्गा हां ही। व्हाई जग्गाल ही जांहा मरियम य पान गेदाव क्ये जन्म बा। आय अय सोत्तर लिटाव्वा हान्खानी कि व्हाईया आय खानी कोई बिस्तर हां ही। अयलाय आयक्ये नामु यीशु थाबाहे।

आय गायरे, व्हाईया पास क्ये खेत्या घयनु ग्वालोला पान भेड़ सिला क्ये झुण्ड क्ये देख रेख घय हासी। डा चिच्मेक्यो स्वर्ग क्ये दूताव प्रकट हिय्ये, और व्हाइला पाड़ीयेसी। आय स्वर्ग क्ये दूताव गय चिनेसी, “पाड़ीनि ता, हान्खानी कि ना पाहे ननिला खानी निक्को संदेह व्हा। बैतलहम बस्ती या मसीह, मालिक क्ये जन्माव हिय्ये लय!”

काते आय पया क्ये मरानी, और ननिला आय लत्तालाया लिप्टवतर्या और चटाईय्या लेटीवतर्या धेरेरे। ”अचानकय, देहोया स्वर्ग क्ये दुताव्ला भरिव्वासी। व्हाइला परमेश्वर क्ये गुणगानाव घय हासी। आयलाय चिनेसी, “जम्मा आदर स्वर्ग या होयतर्या परमेश्वर क्ये मिल्लो। धरतिया आय मंछला क्ये शान्ति ही जोक्ये व्हाई फिक्कर खयरे!”

तब स्वर्ग क्ये दुताव्ला ओक्कासी। व्हाई ग्वालोला पान भेड़ सिला हाडोते प्याक्ये दब्बो खानी ओक्कासी, जल्दिले आय जग्गाया लयकासी जांहा यीशु ही और अयलाय आय चटाईय्या लोटाईतर्या पाव्वाहे, जोह्हो कि आय स्वर्ग क्ये दूताव गय न्येस्यासी। व्हाइला भोत खुश ही। तब व्हाई ग्वालोलाय वापस ओक्कासी जांहा आयला भेड़ सिला ही। आयलाय जो लय कुन्हाहे और चेपाहे अय जम्मा खानी व्हाइला परमेश्वर क्ये याद घय भंगेसी।

पूर्व या दूर डा देह ही घयनु पयला ही। आयलाय ताराला क्ये विद्या प्राप्त खयहाहे और व्हाइला झिक्क बुध्दिमान ला ही। आयलाय डा अलग प्रकारक्ये तारा देहोया चेपाहे। आयलाय चिनेसी कि अयक्ये मतलबाव ही कि यहूदी लाक्ये न्या राजासिला क्ये जन्माव ही व्हारे। अय कारणय आयलाय अय गेदाक्ये दब्बो खानी पान देहे दी सफर घय क्ये फेसला खय्याहे। डा लांगे सफर क्ये बाद, व्हाइला बैतलहम बस्ती या पिय्येसी और आय नावया धराहे जांहा यीशु और आयक्ये इय्याव – बब्बाव गुंहा हांसी।

जब आय पयला य यीशु पान इय्याव हाते चेपाहे त्ये आयलाय घुटना सिला टेक्वोते आयक्ये आदर – सम्मान खय्याहे । आयलाय यीशु मेहेंगा भेटला बाहे। फिर व्हाइला नावसिलाया वापस लोटीव्वासी।