30. यीशु य पंङआ हजार मंछला क्ये जाको हायटासी

यीशु य पान खास प्यावला प्रचार घय खानी और मंछला क्ये शिक्षा बे खानी झिक्क अलग अलग गाव लाया घाल्वासी। जब व्हाइला यीशु क्ये पाह वापस पिय्येसी ही त्वो आयलाय व्हाई जिब्ताव्वे कि आयलाय हांङ खय्याहे। तब यीशु य आयला झील क्ये दोहरो और आयला हंगे डा शांत जग्गा काते थोड़ा समय आराम घय खानी निमंत्र जिबेसी। अब व्हाइला नावया चढ़व्वेसी और झील क्ये दोहर और ओक्कासी।

पर व्हाईया झिक्क इन्द मंछला ही जोला यीशु और आयक्ये पयाव लाक्ये नावया गा समय चिचेपासी। अय मंछला गेंता झील क्ये दोहरो और गा खानी झील क्ये किनाराव – किनाराव थावक्येसी। जब यीशु और आयक्ये पयावला लयकासी त्ये मंछला क्ये डा बयना दल सिला आयला इन्तजार घय हांसी।

आय भीड़या मठ्याला और गेदाला क्ये गिन्तिव क्ये बिना पंङआ हजार होय झिक्क पयला ही। यीशु य आय मंछला पर झिक्क तरस खय्या। यीशु खानी व्हाई मंछला बिना ग्वालोला क्ये भेड़ला समान ही। अय कारणय आय अयला शिक्षा बासी और आयला बिचया जो बीमार ला ही व्हाइला निक्को खय्यासी।

ब्यारकोताय, पयावगलाय यीशु चिने, “अब देर हिय्येलय और अयतिर आयतिर कोई गाव हां व्हा। अय मंछला क्ये घाल्लोनी तबय व्हाइला काते जाको जा हाक्कोरे। ”

पर यीशु क्ये पयावलागी चिनेसी, “ननिला आयला जा खानी क्ये बेनी!” आयलाय जवाब जिबेसी, “नानी इन्दे हां घय हाक्कोरे हान्खानी कि नानी पास केवल पंङआ लग्या व्हा और नि चुयचे माछाला व्हाइ। ”

यीशु य पान पयासिला नासी कि भीड़ क्ये मंछला घाहया पचाहे - पचाहे दल या होय खानी नेनी।

तब यीशु य पंङआ लग्या और नि माछाला क्ये कातेते स्वर्ग क्ये और दब्वा, और जाको खानी परमेश्वर क्ये धन्यवाद खय्या।

फिर यीशु य लग्या और माछाला क्ये टुकडालाक्ये काड्य्यासी। आय मंछला बे खानी पान पयासीला क्ये व्हाई टुकड़ा सिला बासी। पयाव सिला आय जाको मार्ते भंगेसी, ओरे व्हाई कभय खत्म हां हिय्ये! व्हाई जम्मा मंछला खुश हिय्येसी।

आयक्ये बाद, पयावगय आय जाको इकट्ठा खय्याहे जो बेचो तर्या ही और व्हाई बार टोकरिला भरव खानी झिक्क ही! व्हाई जम्मा जाको आय पंङआ लग्या और नि माछाला दी पितर्या ही।