29. दया हां जिघय वालो नोकर क्ये कहानिव

डा ध्यंग, पतरस य यीशु होद्या, “हे गुरु, ना पान भव्वाये घय बार माफ़ घय चाईययो जब व्हाई ना खिलाफ पाप खय्वुरे? हांङ हात्ते बारे?” यीशु य चिने, “हात्त बार हां हा, पर हात्ते क्ये हत्तर बार!” अयक्ये द्वारा, यीशु क्ये मतल्बाव ही कि नानि हमेशा माफ़ घय चाईययो। तब यीशु य अय कहानी जिबताव्वेसी।

यीशु य चिनेसी, “परमेश्वर क्ये राज्याव डा राजा के समान व्हा जो पानक्ये गुलाम दी हिसाब गाते चाहो हा। आयक्ये डा नोकराव नि: लाख बरेहे क्ये मजदुर क्ये डा बयना कर्ज क्ये कर्जदार ही। ”

पर व्हाई गुलाम पान कर्ज क्ये चुकाव हां हाक्वा, अय कारणय राजा य चिने, “अयक्ये कर्जाव चुकाव खानी अय पयला क्ये और अयक्ये परिवाराव गुलाम क्ये रूप या कालते बयनी। ”

“आय गुलाम राजाक सामनेया पानक्ये घुटनाव टेक्योते ना, ‘कृपा खयते ना हंगे धेर्य था, और ना पान कर्जे क्ये पुरो रकम क्ये भरपाई घयरिव। ’ राजा य गुलाम पर दया खय्या, अय कारणय आय पूरो कर्जाव माफ़ जिघय बा और आय गा स्याबे। ”

“पर जब व्हाई गुलाम राजा दी वापस बाहारी ओक्का, त्ये आयक्ये डा हंगाव गुलाम मिल्वा जो आयक्ये पाड़ी मयना क्ये मजदुरी क्ये कर्जदाराव ही। आय गुलाम य पान हंगाव गुलाम क्ये होंङा और ना, ‘जो नंङ ठाई ना कर्जे व्हा ना आयक्ये भरपाई खय!”

“आय हंगाव गुलाम घुट्नाव टेक्योते ना, ‘कृपा खयते ना हंगे धेर्य था, और ना पान कर्जे क्ये पुरो रकमाव क्ये भरपाई घयरी। ’ पर अयक्ये बजाय, आय गुलाम य पान हंगाव गुलाम क्ये जेलखानाया ओङा जब तक कि व्हाई क्ये कर्जाव क्ये भरपाई हां घय झानी। ”

“जो ही व्हा आय घयनु और गुलाम लाय चेपाहे और व्हाइला परेशान हिय्येसी। व्हाइला राजा क्ये पास कासी और सेहांङ बताव्वाहे। ”

“राजा आय गुलाम क्ये नोक्येते ना, ‘हे दुष्ट गुलाम! नाय नंङगे कर्जग अय कारणय माफ़ घय बाने हान्खानी कि नय ना सामने विनती खय स्या। नंङ लय आंदल घय चाइय्यो। ’ राजा अच्च घुस्साव पिय्ये कि आय दुष्ट गुलाम क्ये जेलखानाया ओङा तब झानी कि व्हाई पान जम्मा कर्जाव क्ये वापस भरपाई हां घय झानी। ”

तब यीशु य नासी, “ना स्वर्ग क्ये होय तर्या बब्बाये ननिला दी हर डा क्ये हंगे अयल खयरिव अगर नङ पान भव्वागे पान मनेगय माफ़ हां जिघयरिव। ”