28. पय्हा ज्वान राज जिघय वालो

डा ध्यंग, डा पय्हा ज्वान राज जिघय वालो य यीशु क्ये पाहे पिते आय चिहोद्या, “हे सबसे श्रेष्ठ गुरु कभय खत्म हां चिहि वालो जिंदगी पाव खानी ना हांङ घय पव्वोरी?” यीशु य आय ना, “नंङ ना ‘सबसे श्रेष्ठ’ हांङ खानी चिनय्येरे? केवल डाठाला सबसे श्रेष्ठ व्हा और व्हाई परमेश्वर ही। अगर नंङ कभय हां खत्म चिहि वालो जिंदगी पाव क्ये चीचाहोरे त्ये परमेश्वर क्ये नियमावला क्ये पालन खय। ”

“ना हांङ हांङ आज्ञाला क्ये पालन घयक्ये जरुरी व्हा?” आय होद्या। यीशु य जवाब जिबे, “हत्या ता खय्याना। दुष्कर्म ता खय्याना। चोरी ता खय्याना। झूठीं ता हाना। पान इय्या और बब्बागे आदर सम्मान खय्याना, पान पड़ोसिला हंगे पान समान प्यार खय्याना। ”

पर आय ज्वान पयलाय चिने, “ना पान बचपने दी ले अय सेहांङ आज्ञाला क्ये पालन घयते बी गुहारे। ना हमेसा खानी जिवुतो गुहा खानी हांङ घय क्ये जरूरी व्हा?” यीशु य आय पर दब्वा और आय हाते प्यार खय्या।

यीशु य जवाब बा, “अगर नंङ पूरो ही चिचाहोरे त्ये काते पानक्ये सेहांङ कालते और व्हाई रुपय्या गरिबलाया मार्ते, और नंङगे स्वर्ग या रुपय्या मिल्लोरी। तब पित ना चेटा हिय्येना। ”

जो यीशु य जवाब जिबे जब आय ज्वान य कुन्हाते व्हाई झिक्क उडाह हिय्ये, हान्खानी कि व्हाई झिक्क रूपय्या वालो ही और पान जम्मा सम्पतिव हां बे चाहोहा। व्हाई पल्टीवते यीशु दी वापस ओक्का।

तब यीशु य पान प्यासिला नासी, “परमेश्वर क्ये राज्य या रुपय्या वालो मंछला क्ये बीके झिक्क कठिन व्हा! हा, डा रुपय्या वालो पयला क्ये परमेश्वर क्ये राज्या बी क्ये आच्चल मुश्किल व्हा, जोह्हो कि कोई ऊँट क्ये हुई क्ये उघाव दी हिते बहारी तोंङक्ये|”

जब यीशु य चिनेसी तब पयालाय कुन्हाहे त्ये व्हाइला हेरान ही। आयलाय चिनेसी कि, “अगर इंदल व्हा त्ये परमेश्वर हुला बचावरिवुसी?”

यीशु य प्यावलाता दब्वा और नासी, “मंछला पान दी पानक्ये पाप सिला क्ये मुक्ति हां पाँव हाक्कोरिव। पर परमेश्वर सेहांग घय हाक्कोवरे। ”

पतरस य यीशु ना, “नानी प्याला पानक्ये सेहांङ हाडोते नंङ चेटा हिय्ये सीलय। नानी पुरस्कारयना हां हिरी?”

यीशु य जवाब जिबेसी, “हर डा मन्छे जो ना कारणय नाव, भव्वाये, बब्बाये, इय्याव, पयाव या सम्पतिव हाडोते, व्हाई आय होय ह्ये गुना झिक्क पावरिव और हमेसा क्ये जिन्दगिव पावरिव। पर झिक्कला जो प्यल्लो व्हाई व्हाइला चेटा हिरी, और झिक्कला जो चेटा व्हाई व्हाइला पय्लो हिरी। ”